MANGCHHIA!

MANGCHHIA! 

Vanlalpeki Fanai

*****************

" Min phur lo ang maw? Nang putar ve Mai Mai hian I motor țawng lutuk ah hian min phur duh lo ang maw?" ti chunga țe tuarh tuarh in a motor chhung a thu, pa upa tawh lampang kawr nghawng ah chuan rem leh remlo hian a zu pawh sak țawk țawk a, tichuan a Chem kawm ken hmang a putar taksa chu thil zui pawp pawp in chu misual erawh chuan tawngkam chhe tak tak ala chhak chhuak char char tho. Thisen tamtak in motor darthlalang te chu rawn bual sen zuaih zuaih in, hlau leh khur a lo thlir reng tu Ruatsangi chu a mut hmun atang hlau thaw hlawp hlawp Chung hian a rawn tho chhuak ta zawk mai a. A hlauh luat ah a thlan fim te chuan lo bual huh vek in, a âwm dawm pah chuan a mutna bul lawk a tui bottle chu a ban zui nghal a, a in ta khawlh khawlh. He mumang rapthlak leh hmuh nuam lo zet hian zan tam tibuai tawh in, tun ang chiah hian vawitam alo țhangharh phah tawh bawk a, a ti chau vek thei thin nghe nghe.

Lalruatsangi hi thingtlang khaw pakhat, khaw lian em em pawh ni lem lo a lo piang niin, chhungkaw harsa leh thingtlang mi ve tak an ni țhin a. An unau ringawt pawh hi panga lai niin, an nu leh pa te chuan lo lam hna an thawk a, chu chu chhungkaw chawm nan an hmang ber thin. Tin, Ruatsangi hi unau zinga upa ber tih takah, fel taka enkawl seilen a ni a, an naupanlai pawh khan a nu leh pa te an awm loh chuan a nau te ho zawng zawng kawi khawm a lo enkawl thin tu ber a ni ve thin. Tunah chuan tihian hun leh ni te rawn liam in, thing delh loh lung delh loh nafam chu an ni unau ho pawh an rawn țhang lian ve zel a, tunah chuan Ruatsangi pawhin kum 24 na hmang ve mek in, Aizawl lamah private bank pakhat ah hna a hmu ve hlauh a, a in vawm hrang zui ta a ni. An seilenna khua, tu khaw kha in an ngaihven loh khua ngei mai kha ngai in haw chak ve thin hle mahse la a hna nen chuan hun thawl hi a nei vak ngai lem lova, kum khatah vawikhat hi chu a haw ve țawk thin awm e. Tichuan, a mumang rapthlak leh ninawm zet kha ngaihtuah chhunzawm pah neuh neuh Chung chuan hna kal turin a insiam țan a, a phur lo kher.

A hnathawhna a thlen hnuah pawh taksa nuam lo leh chau em em in a thutna thin ah chuan a thu thla nghal hnawk a. A thaw zui leh ham ham phawt. Chutah, a bula țhu, a hnathawhna hmun a a kawm tam ve ber Rohlu-i chuan rawn be zui nghal sar sar in

" Chau awm ve a. Tuemaw pawh alo la thleng bik lo a nia, awm hahdam rawh" rawn tiin, a nui zui var var a. Awmze nei zet hian Ruatsangi pawh khan a thiannu chu alo melh zui ve zawk.

". Awi, chu lam pawh nilo, nizan chu ka mumang a țha lo leh tawh a" lo ti sap in, Rohlu-i pawh khan a rawn ngaihven zui ve ta hle.

" A ngai leh tho kha emni? A mak e ka ti thiani, in entir tawp chhin teh" lo ti ve vat in, Ruatsangi thung chu a ngawi ta reng a. Han sawi zui vak dan pawh a hrelo, a hlau tho bawk si, doctor pan ngawt se eng nge a va sawi ang. Nge, rilru lam doctor a be tawp zawk dawn. A tihnghaihna tak pawh a hre tawh lo e. Chutia mahni ngaihtuahna kawm a an lo ngawih vang vang lai chuan tuemaw rawn lut ve in,

" In va thleng hma hlawm em" a rawn ti lut lang lang a, rang fe hian Rohlu-i khan Ruatsangi chu ava mitmei zui ta zauh. Ruatsangi pawh chuan a thiannu che zia chu alo man rang kher. Ni e, khatiang a rawn țawng lut lang lang kja an thawhna bank manager hi niin, Muanawma a ni a, tlangval la naupang tak a ni nghe nghe. Tin, a manager nihna piah ah hian tlangval invawng leh fel tak, hmel pawh chhe lem lo tak a ni a, a palian hranpa lo thung. Mahse, a taksa a inphut mawi tawk a, a tawk lekin a vun nise a ngo bawk a, a smart zaih reng mai ti Ila a dik ber ang chu. Ruatsangi'n he hna a join tirh atang khan Muanawma Khawsak dan hi a dik thei tawh lova, mitmei te pawh hmu ve fo thin mahse amah Ruatsangi ber hi mipa lawm lo chi alo ni ve lehzel bawk nen, a hrethiam thei lo nge, a hrethiam duh lo der tih pawh hriat a ni tawh lo. Mahse, Muanawma thung chuan beidawng duh lo in a khât mawi tawk hian signal erawh ala hmuh ve ziah tho a, chu chu nia, engkim hre vek tu Rohlu-i pawh hian a thiannu chu a dem fiam ve ngar ngar thin ni. 

" Ruatruati te in tho fuh em aw" awmze nei taka Muanawma'n a rawn tih chuan a mitah pawh lo melh tha ngam lo hian a thawh fuh thu chuan alo chhang ve Mai a, an bul a thu Rohlu-i nuih erawh alo za kher. Muanawma kal liam hnuah chuan zawite bawk hian

" A che zia leh tawngkam engkim i hrethiam tawh lo pawh a ni lova, be țha ve em em tawh la. A duh hmel em che hi. Misual tihtur ni bawk silo" Rohlu-i bawk khan a rawn ti leh a. Ruatsangi thung chu alo thaw ve leh hak. A chawr chhuahna leh a chhungkaw dinhmun a ngaihtuah chian in hetiang khawpui tlangval, hna țha nei lehnghal hi chu a phu ve taktak thei in a inhre lova, khua rei ah an hmusit mai mai ang tih pawh a hlau ve thin. Chumi tih loh ah chuan Muanawma te ang mipa hi chu hmeichhe pangngai tan han hnar phal chi ziazang an niawm lo e. Mahse, a phu ve thei chiah lo a a inhriatna hian ala insum beh tir a, a duh ve na te pawh a lan chhuah tir that ngam loh phah chauh zawk a ni e. 

" Awi I ho ve e.. Chuvang ringawt chuan i hnaih duh lo a, I duh ve na pawh tilang ngam lo in midang tan I Kal tir mai ang maw" Muanawma a hnaih duh loh nachhan diktak Rohlu-i bula a han sawi chhuah chuan Rohlu-i khan awm ang lo a lo ti hle a, a ankhum zui hrep. Khitia tih mai pawh khi duhtawk lo in

"Diktak chuan hmeichhe vannei tur te chuan zan khat thil thu ah BA an pass e an tih kha. I mawl hi ka ti em mai. A pawilo, Muanawma chu keiman ka lo kherh mai a nge" nui uarh uarh chunga ranw tiin, Ruatsangi pawh chu alo khi ve ta suk suk a. Hmeichhe dang tan a phal em tih lam a hrelo, Bialnu te neiin a hmuh turah rawn inlan ta se, a thik a ngem tih pawh a hre Chuang lo. Mahse, amah nena inkawp tur anga a Indah chhin ringawt pawhin a zam a, inthlahrung ru ngawih ngawih. Rohlu-i tan tak pawh hma han lakpui dan chu a vâng ve viau ang le. 

Zan thum lai mai chu kha a mumang rapthlak tak a hmuh nawn tluk tluk vang khan a mu tha hleithei tawh lova, a ngaihtuah chian deuh phei chuan a mumang nilo in a taka a thil tawn tawh leh hmuh hnu ni tlat te hian a han hre leh țhin. Mahse, thui tak ngaihtuah a, hriatchhuah chhunzawm tur erawh a hre leh ngai Chuang silova, hei ber mai hian a tibuai takzet. Rohlu-i thu rawn ang deuh khan rilru lam doctor chu a be pawp taktak mai dawn nge, tihian a ngawih bo pui anga, a reh hun a nghak zawk dawn tih pawh a hrethiam ta lo. A nileng hun hman ti nuam lo tur khawpin zantin mai chuan a mang ramah a hmu nawn ta tluk tluk lehnghal a, chhunah pawh a biak tlak loh thin viau. A chau zo tawh a ni ber e. 

" Ka pu, puih theihna che ka nei em?" tiin amah rawn dawr tu, a hmaa țhu patling la upa chhe lutuk lo tur chu mutchhuak insum theilo ham bai bai Chung hian alo bia a, a hmel pawh chu ala hmu fiah ta Chuang lo. Amah rawn dawr tu patling lah khan nui hmel pu hauh lo leh mitmeng rum lam, fiah tha angreng taka rawn melh in

" Account hawn ve ka duh a, eng nge ka tihtur ni ang" a rawn ti a, a aw te chu a vawt deuh ruih nimai hian a hriat. Chutah, Ruatsangi pawh chuan a mit te chu nuai zui nawk nawk in a mut chhuak tih reh tum chuan theih tawp a han chhuah ve a, a hmaa țhu, amah dawr mek tu hmel pawh chu q hmu fiah ve ta chiah e. Chiang lehzual a a han en chuan amah rawn dawr tu chu a hriat hnu ni tlat a hriatna hi a nei lehpek rauh a, a hriatna tur awm ang reng reng erawh a hrechhuak zo chuang bawk silo. A zawhna te chu țha taka chhang in, mak tak hian a thin lah chu a rawn phu zui ta dup dup lehnghal a, a hmaa țhu lah khan a melh no vak lo bawk nen, nuam lo chu a ti ta kher. 

" Ka pu, form pakhat I fill up a țul dawn a, hei hi a nia, lo va fill up hmasa phawt la, account chu kan buaipui dawn a nia" ti ban charh Chung hian account hawnna tur form fill up tur chu pe in pen a pe zui nghal a, chu patling zet chuan engvang a chik em em a melh reng nge maw a nih le. A awm a tinuam lo zo vek mai. Patling chu a kalsawn chiah tih in Rohlu-i kha a thutna lamah a rawn phei ve leh nghal zat a, a beng bul mai ah chuan zawi angreng tak hian

" Awi tuna rawn dawr tu che kha, a mitmeng kha ilo en chiang em? Ka hlau ru tlat a nih chu. A thinchhiat hmel ngawih ngawih" rawn tiin, Ruatsangi thung chuan chhan ngaihna pawh hrelo hian a lu thak lo pui chu a lo hiat chhunzawm niah niah a, tunah chuan a mut chhuak ber hi tih ziaawm a chak a, mut hah chawlh lawk a duh ber. Dawr tu dang an awm loh lai tak a ni bawk a tiin Rohlu-i chu a hna kha lo chhunzawm mai turin a han ti a, manager hnenah tlan nghal in, reilote tal han chhin sek a duh thu ava hrilh chuan manager pawh khan phal tak in alo chhang let hlauh a, tichuan, an damloh leh nawm loh ni khua hun a an hah hawlh na tur hmun a an Siam room lian vak lo lam pan chuan a Kal zui ta a ni. 

Rei pawh ala mu hah chawl hman lo ang tihtur ah hian a mutna room kawngka chu zawimuang a rawn inhawng riai riai in, ani chuan thawm nei miah lo hian tunge lo lut dawn tih chu alo melh ru ve kar a. Chutah, nichin a amah rawn dawr tu patling hmel nelawm loh zet kha rawn lut in, chemte niawm tak hi a rawn keng tel leh ta nghal a, a meng bial nghal pawp pawp thei. Thawh chhuah a, Aw rawl chhuah takmeuh a au chu han tum ve mahse a tho chhuak theilo a, a rawl a chhuah thei bawk heklo. Chutah, a mi hmuh chu rawn Kal phei zel in, rum em em hian a meng ul reng hle lehnghal a, a hmel lan dan ringawt pawh kha a nelawm loh sa tawh tehlul nen hriamhrei ala rawn keng zui. A hlau tawh kher. 

" Min rawn hnaih suh"  tia a aw neih zawng zawng chhuah a alo țawng ve mawlh mawlh lai chuan hrelo ang hmak in ani lah kha ala rawn Kal phei zel zawk a, thawm nise a rawn dim em em mai lehnghal. Chutah, a mutna sirah chuan rawn ding in, eng khaw sawi set set lo hian a Chem sei zet rawn ken hmang khan Ruatsangi mu lai chu a rawn tin ta vang vang mai a, a tho thei bakw silo nen hlauh lutuk vanga ang phuau Chung hian a chunga a tihtur chu ngawi reng in alo thlir ve ta ngawt ngawt. 

" Harh rawh Ruati, j tha em? I harh em" ti mawlh mawlh chunga rawn sawi nawk nawk tu an awm takah chuan a mu lai chu harh chhuak zawk in, a thaw chhuak nghal kawk thei a, a khur zawih zawih reng bawk. Chutah, amah rawn sawi harh tu a han hmuh rual chuan chu room tereuh te chu thlek kual nghal zung zung in

" Khawnge a Kal tak. Muanawm, kha pa kha Khawnge a kal tak" ti deuh ruai in Muanawma chu a vuan bet tlat bawk a. Muanawma thung chuan a tihnghaihna alo hre lo kher. 

" Tu maw. Eng nge i thil sawi awmzia. Tu nge i sawi chu" lo ti ve mawlh mawlh in, a Sam thur bem bum te chu alo chul mam sak thuak thuak reng a, a be bo tual tual ni ber hian a hria. 

" I rawn hmu lo maw kha pa kha. Nichin lawk a account hawn tuma lo Kal pa kha hetah alo lut a, chem sei zet nen alo luh kha. I rawn hmu ve lo maw" rawn ti leh hram in, Muanawma chu a han hawi kual ve thuak thuak tak na a, chutiang awm reng reng a hre ve lo. 

" I mumang a nih ka va rjng zawk em. Inthiar tumin bathroom ah sawn ka rawn Kal a, a khât tawk a I țe chhuak leh that that thin ka hriat khan ka rawn ngaihven che a, I awmdan a dik lo tih hria in ka kai tho zui ta che a ni. I mi sawi awm ang reng reng chu ka hmu ve hauh lo mai Ruati, I țha meuh maw" a rawn tih leh chuan Ruatsangi chu a mutna atang a tho chhuak zui nghal sawk sawk a. Thu dang pawh sawi tawh lo hian office lamah khan hmanhmawh zet a Kal in nichin lawka amah rawn dawr tu patling kha va hmuh tumin a mit chu ava len zui ta ruai ruai mai le. Mahse, hmuh zui tur reng alo awm ta hauh lo mai. Rohlui bulah chuan tlan let leh vat in, kha patling chungchang kha a zawt zui ta a. A Khawsak dan teh phut chu Rohlui pawh chuan mak ti taka lo en ve reng in, chhan lawk nachang a la hre lo zui. 

" A chhuak tawh. A fill up zo va, a chhuahna a rei ve leh deuh tawh asin. Engati nge thiannu" lo ti ve var in, beidawng zet hian Ruatsangi thung chu  chair pakhat chungah chuan a han thu thla ve nghal hnawk a. Amah hi a dik lo a ni tih a pawm a țul. Hetiang a a Khawsak zui fo dawn chuan reilo ah ala inti mualpho anga, a thawh pui te pawh hian an hmu mak vat Mai ang tih a hria. Mahse, engtinnge a awm ang. Tu hnen atang nge tanpuina chu a dil anga, a hmuh tak ang. A buaina hi a namai lo asin. 

" Thiani, I țha taktak em? Mumang khan a tibuai leh tawh che emni? Engtinnge Kan han tih ang aw.. In entir te i duh em? Ka kalpui thei reng che a nia" Rohlui'n zaidam taka a rawn tih leh chuan ani chu thawpik tih hriat em em hian alo thaw chhuak leh ham ham thin a. A Khawsak dan a hriat in a Zak ru ve tho bawk si nen, hawi ngaihna tak pawh a hre tawh lo zawk e. 

Mumang chhe tak tak a neih ngun zual tak em avang chuan zan mut thleng in a hreh phah zo va, mahni chauh a thut tlaivar Zak chang pawh a nei ve ta fo mai. Chu chuan a taksa chu ti chau chhe zo in hna ah pawh a rilru a pe tha theilo tial tial a, Lo mut thluk veng veng Chang lah a ngah narawh. Chutiang reng reng a Khawsak nitin zantin mai chu a hne tak em avangin an khaw lama a nau, a chhang chiah Siampuii exam chawlh lai chu remchang ah la in a phone thla ta ringawt mai a. Amah awmpui tu tur chuan a duh a ni. Ni e, buai rukna tamtak nei reng a ni a, a mumang ringawt pawh buaipui tham a tling chho țan bawk nen, chutiang a nih lai a mahni chauh a Khawsak rek rek reng mai chu a tan pawh a țha lo thei tih hria in a nau chu a chah ta ngawt mai a ni. A nau a rawn awm ve hnu chuan tihtheih nei lo pawhnise tlem in a awm tal a nawm phah a, a thlamuan phah ve deuh bawk a, zawi zawi hian ziaawm lam a pan ve hret hret niin a inhria. 

" Tunlai Kan khaw dinhmun eng nge a an. Ka pi leh pu te an hrisel tha em" tiin a nau chu a han zawt a, a nau Siampuii pawh chuan an khaw nawm lai tak a nih thu leh, a nu leh pa te pawn thai thar hralh tur an rawn ngah ve reng thu te hrilh in, amah tak pawh chu a feh ve fo thu te a hrilh a, tin, an pi leh pu te pawh an la chak that viau thu a hrilh ve bawk. Heta a pi leh pu ti a kan sawi te hi anmahni hring tu nu, nu leh pa te an ni a, upa ve tawh tak an ni bawk. Naupang mai an la nih lai kha chuan an nu leh pa te hnathawh hlan hian school chawlh ni leh ban hnuah te an pi leh pu te inah hian an va leng a, an ni in an tû te ho chu eitur te lo siamsak in, an neih ang ang bal chhum thleng pawhin an lo Siam sak thin. Chung thil vel a han ngaihtuah Chang chuan Ruatsangi lung hi a leng thar leh țhin viau a, thingtlang nun mawlmang leh zangkhai tak kha ngai in, panlai nun thleng pawhin a ngai thin a, lungkham neilo leh eng to pawh nei lem lova chhungkua an awm ho lai te, a nau te ho nen an infiam lai zawng zawng te kha a han chhui kir chhin a, a tun dinhmun nen a han khaikhin chuan danglam nasa tawh tak a ni a, țah vak vak mai te hi a chak phah hial thin. Engti khawp pawhin ngen in au mahse la khang panlai nun te khan kir leh ni an nei tawh dawn lova, a naupang țha leh tawh ngai hek lovang. 

" U, engtikah nge i lo haw ve theih ang. Tunlai chu ka nu lung hi a leng thei lutuk a, a ngaih thu che hi a sqwi ve reng. Rawn phone dawn che se, hun a ngah loh ve bakah, ilo buai ve thin tho sia, a sawi reng mai che a ni" a nau bawk khan a rawn tih leh chuan chhan dan tur mai hre lo hian a han nui deuh var var phawt a. A hun tight zia a hria, tin, mi hnuai a hnathawk a lo ni ve bawk nen, a duh dan a khawsa thei a ni ve lo miau a mahni duh hun hun a haw thei a ni rih lo tlat. 

" Krismas hma chuan ka lo chho ve thei ang chu. Ka nu chu lo duat ula an hah theih em kha. Thil țha deuh I nau te ta tur nen ka rawn hawnsak dawn che u nia" ti ta ngawt in, a bak chuan han hnem zui vak dan tur a hre rih lo tlat. 

" Tunlai chu i hmel hmuh pawh a nuam ve deuh e. I nau chuan a duat hle che a nih ka ring" Muanawma'n nui sang chunga a rawn tih chuan lo nuih let ve maiin, a nau in a duat zia thu chuan alo chhang satliah ve a, Rohlui khan a lo melh rum nasa thin. Amah duh a vei em em tu a chhan let duh thin dan hi a huat tawk a tling em a ni. 

" Ka pi, han ti Ila, miss ka ti zawk ang che. Ka rawn Kal leh a" rawn ti tu chu uluk taka lo en in, he pa hmel a hmuh a piang mai a a thin phu nasa thin lutuk chu tih reh dan awm se a ti. A hmel lah hi a hriat tawh hnu ang tlat a inhriatna a nei ziah lehnghal a, a hriatna tur engmah a hrechhuak thei ngai Chuang bawk silo. 

" Aw ka pu, eng thil nge i duh ve tak a. Puih theihna che ka nei em" lo ti țha ve maiin, a nihna takah chuan alo Kal hmasak zawk țum a a hmuh dan teh hrep avang khan biak that chu harsa ti ru hle mahse a customer a nih ve miau avangin a be chhe thei chuang bawk silova, a nileng hun hman a rawn ti nuam lo leh vek dawn a nih hi. 

" Ka account chu ka hawng fel tawh a, deposit ka duh ve deuh a a tam Chuang lo na in, mahni kut a pawisa awm hi chu hman a nuam thin em mai" nui hak hak chunga a rawn tih chuan za lo angreng tak hian alo nuih pui ve leh mai a. A za lo takzet. 

" A nih chuan ka pu, deposit lampang chu ka piah a țhu hnenah sawn Iva ti Mai dawn emni. Alo pui thei ang che" țha deuh a ti ve leh maiin, chu patling pawh chu thuawih tak hian a tho zui ve leh mai a. Mahse, kalsawn ta mai lo chuan amah Ruatsangi chu a mitmeng nelawm loh fahran khan a rawn melh leh ta ran mai a. Chutah, 

" Ti daih ila Bawihi, Aizawl khua leh tui hi chu ini lo anga tiraw. Khawi khua atanga rawn thawk nge inih ve le" rawn ti teh daih in, Ruatsangi pawh chu a hawi phawk hman lek lek. Mahse, chutia, mahni aia upa zawk ten țha taka zawhna an han zawh takah chuan tiin, a khaw hming pawh chu fiah fai tak hian a hrilh ve ta nge nge. Chu veleh chu patling hmel chu danglam nghal in, a nui hmel te pawh kha a bo zui nghal vek nimai hian a hriat a. 

Ruatsangi zawk chuan mak alo ti ru ve hle. 

" Ka hmuh hnu I ang em a, ka zawt mai mai che" rawn ti leh sup in a tihtur awmna lamah chuan a kalsan zui ta a. Ti nge maw, a khaw hming a hrilh rual a a hmel kha a rawn inthlak danglam nghal vek le. An khuaah chuan huat deuh te hmelma te alo nei ru reng a ni thei angem. Mak hle mai. A hmuh hnu a an ve thu te kha ala sawi tak deuh deuh leh ta nghal a, ani lahin amah kha a hmuh hnu ang a ti ve tho bawk a, a mak dawn hle mai ti rilru neuh neuh in a hna ngai a chhunzawm a, a ngaihtuah zui ta neuh neuh bawk. Chutia, a thil tih lai ti pah a a khât tawka a han hawi chhuah leh apiang chuan kha patling lah khan a thut na hmun atang khan ani chu chiang leh rum em em hian alo melh ve ngar ngar reng thin a, a awm a nuam leh ta hauh lo Mai. Vawi engemaw zat chutanga duh loh dan deuh deuh a an mit a intawn fuh tak reng ah chuan chhuanlam Siam in toilet lamah a luh bo san zui ta ringawt a. Rei deuh tak chu va tawm bo vang vang in a rawn chhuah leh meuh chuan kha pa pawh kha alo awm leh tawh lo. A ti zo anga a haw ta a ni ngei ang. A thaw zui sawng sawng thei hial. 

" Bazar ah Kal kawi ila. Lei duh mamawh te inei ve tho ang chu" Rohlui'n a rawn tih chuan chawhmeh eng ilo vel lei ve chu a duh thu jn alo chhang a, haw turin an insiam zui nghal mawlh mawlh bawk. 

" Ka piancham a thleng tep tawh nia, lo intuak țan rawh u. Tih huk kan ngai dawn a nia" nui hwk hawk chunga Muanawma'n a rawn tih chuan an ni pahnih pawh kha lo nui zui ve var var in, an phur tawh zia thu te chuan an lo chhang let ve ta luam a. Office atanga reivak lo an inzui chhuah hnuah Muanawma chuan a motor dahna hmun thleng in an inthen hrang zui ta a ni. 

Tichuan, an ni pahnih thung chu bazar lamah tlang nghal vang vang in an mamawh an lei piah ah second-hand te an han thing tawi dun leh te te a, chuta Ruatsangi'n din chhuah pah a 

" Second hand thin hi chu a hahthlak thin" ti chunga a han hawi kual nak chuan a piah sir deuh atanga amah lo en reng tu chu va hmu fuh in a phu zui ve deuh zawk thei a. Mak a ti bawk. Chutiang a ngawi reng a lo thlir tu chu tudang mah nilo in, kha pa, kha patling, amah rawn dawr thin tu ngei kha alo ni teh daih a! Engtinnge an intawn nawn theih zawk. An hnathawhna bank tan chuan he pa hi a țha in a tangkai viau pawh a ni thei e, mahse, a mimal ang zawng a hmuh nawn fo tur erawh chuan a duh tawh hauh lo mai. A duh tawh lo hulhual. Reilote chhung hmuh a tan pawh a hmel saw a duh tawh lova a ngaina thlawt hek lo bawk. Tichuan, a second hand thin lai pawh chu ngaihsak thei tawh lo in a mit awmna hmun rjngawt lam hawi chuan a ding ngawi zui ta veng veng mai a. Kha pa lah khan kalsawn zel pah hian rem leh rem lo in ani chu rum angreng tak in ala rawn melh ve țawk țawk reng nia! Eng thil chu nge maw a hriat le. A ti hlau leh zo vek dawn in a hria a, a awm pawh a nuam zui leh thei taw lo. 

" Thiani, I duh a awm loh chuan haw tawh mai ang. Ka hmanhmawh ru riau" ti zui sawk sawk in a bag te chu a ak țha ta sauh sauh a, a thiannu pawh ngaichang em em tawh lo chuan a kalsawn zui ta hmawk hmawk lehnghal. 

A khât tawk hian a Kal vel na ding leh vei chu en tawn sekin, kha mihring kha hmuh tur alo awm leh reng tawh a ngem tih a ngaihtuah a, hmuh chu duh tawh lo mahse, hmuh thut erawh a in beisei ru reng tawh a, tu hriatpui siloh hian a tawt deuh up up reng tawh. 

" I ek a chhuak emni. Iva hmanhmawh ta em em ve" Nui ar ar chunga Rohlui'n a rawn tih chuan nuih pawh a nui thei tawh lo. A himna tur ber ni a a hriat ama in chhung ngei chu thlen thuai thuai a, awm hle hle a chak ngawih ngawih tawh a ni ber e. 

In chhung a luh fel tawh hnuah pawh kha pa hmel leh mitmeng thip zet ringawt kha a mitthla ah chuan la cham zuiin, engtia tihtur nge a hrelo. A nau bulah chuan heng a buaina leh harsatna zawng zawng te hi hrilh ve chi niin a hre lova, hrilh ta se a nu leh pa te beng a thleng ngei dawn a, an ngaihtuah lutuk na lamah an chah haw duh ngei ang le. A tih chi hauh loh. An khuaah khan a thawh thiam chi hna pakhatmah a awm lova, Helai hmun a hnathawh hi a mamawh tlat. A nih loh chuan engtinnge a unaute zawng zawng nen a nu leh pa thlai hralhna ringawt khan an dam khaw chhuah theih ang le. Tunah chuan a tute mah naupang chhia an awm tawh lova, hnathawk taktak turin an la rintlak Chuang bawk silo. A hautak chho rual vek an la ni a, aaa a hna bansan a a haw a nih vaih zawng in an chan hi a chhe dawn lutuk a, a ngaihtuah thui ngam lo zawk. Chuvang chuan, alo hrehawm deuh a nih pawhin mi pakhat vang lek a hna bansan a intih hrehawm lutuk ai chuan a tuar zui zel a ni tawh mai ang chu. Ala zia ve leh mai turah ngai ang. 

A nau te pali, hmeichhia leh mipa, naupang chum Chiap tak tak te chu hruai in an in piah lawk a kawngpui pawh na step sei ve angreng tak lamah chuan infiampui tumin a hruai phei zui ta diah diah a, an naupang ber kum 2 mi lek phei chu a riltam vang nimaw, hnap tla par Chung hian a țap al al reng mai a, a u te ho chuan an in pawm chhawk diat diat bawk. 

Tichuan, an Kal tumna step chu va thleng phei in, a theih dan dan chuan an han infiam zui hlawm a, Ruatsangi chuan a nau te infiam lai chu step laihawl atanga lo thlir in motor kawngpui a motor rawn tlan leh zeuh thin te pawh chuan a mit chu an la a, a hmu duh viau bawk. Chutihlai chuan ram kal haw niawm tak ip pui ak chunga Chem kawm pakhat keng mipa puitling tawh, la upat hmel vak loh hian kawngsir ah chuan chuanna tur motor lo chang ve in a rawn ding zui bawk a. Ruatsangi khan a chhak step atang chuan chu pa che zia vel chu a lo melh ve ngar ngar reng bawk. Chutihlai chuan a nau te khan an riltam thu chu an u bulah chuan rawn thlen in  Ruatsangi pawh chuan an naupang ber chu pawm a lo va haw turin a ti ta a. Tichuan an ni ho pawh chuan an u  thu chu awih in an nau riltam a tap reng mai kha pawm in an u chu an haw San zui ta diah diah hlawm a. Hetihlai hian Ruatsangi erawh kha chu a thutna ngaiah la țhu reng in thil chi hrang hrang a thlir kual a, chu chhun ni Sen sa vel vawl nen chuan a hmai te pawh chu a tai deub hlar tawh mai. Chutah, chutia thil chi hrang hrang thlir kual a alo hawi vang vang lai chuan kawngpui lamah khan inbe thawm hria in a hawi thla nghal vat a. Nichin lawk a motor chang reng mipa khan car hlui ve tawh tak chhunga țhu, a driver putar lampang tawh chu a kawr nghawng ah chuan lo pawhsak nawk nawk in 

" Min phur duh lo ve ang maw nang putar hian" tih pah te chuan a theih dan dan in pawnlam atang chuan a kut a rawlh lut a, a Chem kawm ken lai ngei khan putar nghawng leh hmaiah te khan a vit a a sat bawk a, a thil hmuh zet chuan Ruatsangi chu a țhawn nasat em avangin a tho chhuak nghal hluai a, a au deuh that nghe nghe. Chutihrual chuan kha misual pawh kha a awmna lamah chuan chiang zet a rawn hawi chho ve in an inmelh ta kawk mai le!

" U, harh rawh! U, I harh em? U, harh rawh. U" ti mawlh mawlh chunga rawn sawi nawk nawk tu an awm tak avang chuan a mangram ata Ruatsangi chu a rawn harh chhuak ta zawk mai a. 

Alo tih fo thin tawh dan in ring zet leh nasa zet hian a rawn thaw chhuak leh nghal hlawi hlawi thei a, a huh vek tawh bawk. A nau lah khan mangang em em a la bawisawm reng chung in a unaunu chu harh chiang se a duh a, a lo be nghal mawlh mawlh reng bawk. 

" Tui tui tui" a rawn tih chuan Siampuii pawh khan rang takin tui in tur chu alo pe ve nghal zat a. A in khawlh khawlh hnuah tlem in a awmdan chu a pangngai ve thei ta chauh e. 

" Ka mumang kha a hlauhawm reuh lutuk a, engmah a ni tawh lo Mami, va mu leh tawh rawh min ngaihtuah suh" ti zui sawk sawk in, pangngai thei ang ber a lan chu a tum lui ve hram hram a. A nau hian a thuruk maksak tak tak te hi hre ve lo hram se a duh a ni. A hriat chuan buaina a tam zual phah mai mai dawn in a hre tlat. 

" U, I țha tawh tak tak maw. Min ti hlauthawng lutuk a I awmdan teh thut kha" nuam lo tih hmel taka Siampuii'n a rawn tih leh chuan ani pawh chu lo nui lui ve var var in, a that tawh thu leh, engmah a nih loh thu sawi bawk chuan a mu țha zui ve leh mai a. Ngaihtuah chhunzawm lo ang taka awm chu a tum nasa bawk a, a nau pawh chuan a ringhlel zui ta lo nge nge a ni ang chu. Ngaihtha vak lo mahse tihtheih dang nei tawh hek lo le, ngawi reng in a mutna lam chu a pan san ve leh ta nge nge a ni. Hemi zan hi chuan a mumang lamah pawh eng thil hlauhawm mah hmuh chhunzawm tawh lo in tui tak chuan a muhil veleh mai bawk a, zingah erawh chuan a mumang rapthlak tak tak te kha a ngaihtuah naah rawn awm hmasa leh ber in, a chiang nasa mai si a, a theihnghilh thei tawh der lo. 

Tichuan, hnathawhna hmun a thlen rual rualin Rohlui chu rilru lam doctor biak tur number a dil nghal vat a. Ani pawh chuan a neih zinga tha ber chu lo pe ve mai in, engmah a zawt thui zui duh ta lem lo. A awmdan a hriat sa vek a nia, râwn tura a tih angin a râwn dawn ta nge nge tihna ah a ngai mai. A dil har zawk ngawt alawm le. 

Number an inpek fel hnu chuan rang zet hian Ruatsangi chu a phone nen toilet lamah a lut nghal nal nal a. Rohlui thung chuan ngawi reng hian alo thlir ve vang vang ringawt. 

Toilet ah chuan rei pawh va awm lo in a rawn chhuak leh vat a. A thutna lam pawh pan ta lo chuan Rohlui bulah bawk a rawn Kal leh. 

" Ka be fel tawh a. Zanah lo kal rawh min tia, min va kalpui thei a ngem" a rawn tih chuan Rohlui pawhin a theih thu a lo chhang in, bet lo fahran hian an hna ve ve chu an thawk chhunzawm leh ta phawt zawk a ni. 

Tichuan, a hun chu rawn inher chhuak in, a insiam ve nial nual hnuah Rohlui rawn thlen hun tur chu a nghak ta vang vang a. Rinai takin a rawn thleng har phian mai. A beidawn tawh hnu lamah Rohlui pawh chu hah hmel zet a rawn thleng ve in, muangchang tawh lo hian an tum ram lam pan chuan an chhuak dun zui ta nghal bawk a ni. 

An hmuh tur doctor chenna in  an va thlen lai te chuan Ruatsangi chu a zam lutuk tawh a, a khur titih lo chauh hi a nimai. Hetiang thil hi a pian a hnu lama a vawikhat hmachhawn ve na tur a nih vang pawh a ni mahna. A dem awm hran loh e. Tichuan, an nghah ber doctor chuan a roomah ko lut in, zam leh inthlahrung tak hian doctor roomah chuan a han lut ve ta zan zan mai a, a khup te chu a sai hlawk hlawk tawh hial nia. A dawhkan hlai țha hlep hlawp zet bula lo țhu doctor hmel ngainatawm tak chuan nui sang chunga lo hmachhawn in a bulhnai ah a ko phei a, chair a thu ve tur chuan a ti nghal zat bawk. 

" I mitmeng a fiah a, taksa hrisel lohna I neih hmel loh bawk a, I harsatna diktak chu min han hrilh ta che" zaidam taka a rawn tih thawp tak sap ah chuan Ruatsangi pawh kha tlemin a awm a nuam ve ta deuh a, he doctor hi pa fel leh thlamuan pui awm tak a nih a ring a, a rin ngam ngei pawh a inbeisei bawk. Mahse, a harsatna te hi khawi atang in nge bul a han țan tak ang. Harsatna thuah hnih thuah thum a ni hran lova, mahse, a awmchhun te pawh hian an chawk buai hneh viau lawi bawk si. Engtinnge a sawi chhuah thiam ang. Chutah, zam lutuk vanga dang awk deuh titih Chung hian 

" Kkk--ka pu, mumang ngai hlir hi ka nei thin a. Chuvang chuan zan tam tak chhung chu muhil theilo leh muhil ngam lo khawp pawhin ka lo awm tawh thin. Chuan, maimizial an tih ang hi ka nei ta fo mai bawk a, Chung hunah chuan ka mihring hlauh em em kha ka hmu ziah a, tunge tih ka hre lo, mahse ka hmu thin tlat a ni"  hreh tih hriat taka a rawn tih chuan a hmaa thu doctor khan ngun takin amah chu alo thlek ve vang vang reng a. A bu zui ta nghat nghat bawk. 

" Nula, mumang te hi thil taktak an nih loh ang bawkin lak thutak chi leh thleng dik ve deuh te hi chu za ah 10 pawh  an tling kher lo maithei. Tuna ka hriat chin ah chuan heta I rawn Kal chhan ber chu mumang chungchang niin, chu pawh mumang satliah ni lo, thil ngai hlir hmuh vang a ni ta a. A nih chuan Chung I mumang te chu chipchiar takin zep then awm hauh lo in min han hrilh hmasa ta che tiraw. Tichuan, in puih dan pawh a hriat theih deuh ang chu " doctor khan a a rawn tih leh chuan Ruatsangi hlau leh huphurh lutuk tawh chu a ti ril rawn khur in pawn lamah a khur chhuak tel lo chauh tawh a, a sawi hreh takzet. Mahse, a hma lawk a țhu, doctor zahawm tak maiin amah ngai Chang reng a ngawi reng Chung a alo melh ve tak reng ah chuan tiin Chung a zam na te pawh chu dah țha hram hram in, amah tibuai a a Khawvel chawk buai vek tu kha mumang hrehawm leh rapthlak tak mai kha chipchiar tak chuan a hrilh ve ta mial mial a, doctor meuh pawh kha a khât tawk hian alo then ve ta sak sak mai. A sawi zawh meuh chuan reilote chhung chu boruak chu a reh zui ta duk lehnghal a. Ruatsangi chuan nuam a ti tawh lo kher. 

Mahse, 

" Nula, chutiang thil thlenna hmun hma chu i mumang a I hmuh dan khan khawi hmun nge ni a I hriat. Aizawl nge, in khua nge tih ang chi khan ila hrechiang thei em" rawn ti leh in, Ruatsangi chuan rang fahran hian an khua a nih thu leh, an thenawm lawk a kawngpui pan thlakna step thui tak kha a nih thu pawh chu a rawn sawi ve leh ta a. Doctor chu a ngawi leh ta vang vang mai. Boruak pawh kha a reh leh duk tawh. Mahse, 

" Nula, heng thil te hi ka rin dan chuan i mumang ni thei in ka hre lo!! A tak ngei a I thil tawn tawh I hriat zui tak loh niin a lang zawk tlat. Entirnan, kum naupang tak i nih laia thil thleng a nih chuan chiang leh fumfe takin thil zawng zawng kha I hre diak diak thei tawh dawn lova khang thil te khan I mang lamah tibuai zui che in tihian I mumang taktak angah ilo ngai ta a nih ka va ring em. Tihian ti ang aw, I tan a harsat viau dawn loh chuan in khuaah han haw lawk la, i mumanga I thil tawnna thin hmun ah ngei khan kal in, ngun takin han ngaihtuah let leh ta che. Tichuan, thil engemaw tak i hriat chhuah theih ka ring tlat a ni. Chuta I la hre chhuak lo fo a nih chuan min rawn pan leh dawn nia" alo ti ta a. Ruatsangi lung phu ri chu ring tawh tak a ni e. Doctor pawh chuan a hre pha mai ang tih hlauhawm khawp hial in a phu ri dup dup reng a, a taksa a khur bawk a, hlauhna chuan a rawn zem leh ta chiai chiai mai le. Mahse, doctor thil ruahman ang kha tih puitlin a, an khuaa han haw chhoh ngei chu a duh thung a ni. A chiang thei ngei bawk ang chu. 

Mahni khua ngei a haw chho tur chuan a inbuatsaih țan ta a. Remchang lehzual takin a nau Siampuii pawh khan zirna a chhunzawm a lo hun leh ta bawk a, a nau thlah pah a han haw chhoh chu a remchang viau tak ang chu. 

Manager hnenah chawlhkar khat chhung chu chawlh dil in, phalna a hmu nghal vat bawk a. Tichuan, a chhungte thil hawn tur neuh neuh tlem a zawng a lei leh hnu chuan a nau Siampuii nen pawh an khaw sumo ah Chuang in, mahni khaw lam pan chuan an chhuak zui ta a ni. 

Kalkawng tluan in thil chi hrang hrang chu a ngaihtuah kual a, doctor sawi ang khan he thil amah tibuai em em tu hi a naupanlai a a thil tawn leh hmachhawn tawh lo ni ta taktak se, eng aiah nge a theihnghilh chhan tur ni ta ang. A ngaihtuah ngial pawhin khatiang thil rapthlak thlen hunlai awm ang kha a ngaihtuah chhuak zo tawh lova, mumang ang vek in engkim chu a hmu ve ruai ruai tih theih chauh a ni tawh. 

" U, kan thleng. Saw a nu ten min lo hmuak a nia" a bula a țhu Siampuii'n a rawn tih tak thutah chuan harh chhuak zawk in, a nau kawhna lam chu a hawi phei nghal a. Hun rei tak a lo hmuh tawh loh a nau duat tak tak te leh a hmangaih em em a nu hmel pawr phing pheng te chu thlir in a nuih zui ta var var a, a ban a vai lawp lawp bawk. 

An nufa ho chuan in ngai tih hriat tak hian an han inkuah khawm leh lawp lawp phawt a. A nau te pawh chuan a kut kai tu nih chu inchuh in an rak teng tung mai. Tichuan, an naupanlai atanga hlim taka an lo Khawsak tawh thin na, tui ti taka zan mu an lo chhin tawh thinna leh Thlamuang em em a an lo inhumhim ve na hmun, an in hlui tawh leh tla bal tak mai chu thleng in, rilru na em em hian Ruatsangi chuan a thlir ta vang vang phawt a. Khawvel hi chu a fair lo asin. Rim tak leh diktak a thawk tuten neih belh tak tak ni an nei hleithei lova, an tan kawng nise a ping em em bawk si. chutihlaiin thlan tui pawh far lo leh nuam sa sa apiang ten an neih belh leh țawk țawk thung a, Pathian pawh hian mi rilru chhia leh diklo taka thil ti thin te hi mal a sawm ve tho thin nge ni, an tluang purh zel lehnghal. 

In chhung a luh rual rual chuan a pa khan hlim taka lo pawm zui chat in, an inkuah vawng vawng a. Ruatsangi hi chu piang hmasa ber a nihna ah leh amah hi a puitlin ruk a a fel reuh em avang pawh hian a pa bik hi chuan a fa te zingah rau rau pawhh a duat a a hmangaih bik emaw tihtur a ni țhin hial a, a unaute pawhin an thik ngai lem lo bawk. 

" Ka Fanu, Iva han ngaihawm em em ve le.. I dam țha maw? Ei chak te i nei em? Arsa I duh thin sia Kan tia hei, kan broiler vulh lai kan lo talh ve tawp mai a, I ei teuh dawn nia" ti nghal zung zung in a Fanu thuamhnaw vel te chu a dah fel sak nghal zung zung a. A fanu chu a kalsan phal meuh lo a ni ber e. A vuan bet chawt. 

Hun rei tak inhmuh tawh loh hnu a inhmu thar leh tih takah chumi zan chu chhungkua an hlim in an ri ve dar dar reng a, an chenna hmun hi hmun fianrial ni em em lo mahse, a bulhnai ah chenna jn dang hmuh tur a tam vak lova, tin, motor kawngpui chhak daih a awm an nih bawk avang hian an thawm a ring hma in, zanlai thleng pawh chuan an ni chhungkua chu an la ri ve dar dar reng mai. 

" Ka hlau, min pui ru! Min tanpui ru" ti a au vak vak in Ruatsangi chu a hma lam kawng ah chuan thei leh theilo hian a tlan ve hram hram a, a hah tawh lutuk ringawt bawk. Anmahni in chhungah pawh tlan lut ngam ta lo chuan mahni in pel pel in a tlan zel a, sawi tawh ang khan thenawm hnai an nei vak lo kan tih tawh kha. An thenawm hnai ber pan tuma a tlan lai chuan kawng lakah lung hrap rual palh in a tlu ta thlawrh mai a, a mu tui lai chu a harh zui nghal zawk thei. Chuta a han men chhuah nak chuan a mutna bulah a chhungte ho khan mangang tih hriat tak hian an lo thut bial ta laih mai a, ani lah chu hlauh vanga thlan fim luang zawih zawih chunga tho chhuak ve in, a chhungte hnenah chuan thil awmzia a zawt ta vat. Chuta a pa chhanna pek chuan a thin a thawng in, mak a ti a, a awih lo bawk. 

" Mamte, j naupanlai a I mang chhia ang chiah kha ilo la nei chhunzawm zel a nimaw" rawn ti chuai raih in, a nu nen chuan a mitah pawh an rawn en ngam lova, hnuai lam an melh daih lehnghal. Hrethiam lo taka a nu leh pa te chu melh kual in a naupanlai thil tamtak a hriat chhuah zawh tawh loh te chu zawh chhuah ngei a duh ta a. A mut chhuak pawh a reh zo vek tawh. Tichuan, a zan a zanin thil awmzia chu a zawt ta nge nge a, a nu leh pa te chuan sawi hreh ru hle mahse he thil hi an sawi chhuah a hun ve ta ni ber ah an ngai a, an Fanu hnenah chuan thil engkim an hrilh ta a ni. 

A nu leh pa te thil sawi engkim mai chu ngaihtuah chiang in, khang a hun zawng zawng tibuai a, a nun phung hloh țhen tir tu kha a mumang satliah ni a a lo hriat kha mumang mai mai nilo in, a taka thil thleng, kum 10 mi a nih laia thil thleng alo ni reng si a, ni e, khang hunlai khan school kal loh ni ah chuan a nau te ho awm in, in chhungah thil țul zawng zawng a khawih a, nu ber chan changin a phi buai ve țhin hle. Tichuan, a mumanga vawitam tak a lo hmuh tawh ang chiah khan ni khat pawh a nu leh pa te ram chhuah hlan in a nau te ho, naupang chum chiap ho chu infiampui tumin an in piah mai a kawngpui panna step lam pan chuan an inzui ta diah diah a, an pang ber kum 2 mi chu  a ril a țam avangin a khât tawk hian a țap leh bai bai thin bawk. Step awmna chu thleng in a nau te pali chu an duh dan dan hian an infiam zui ta a. Ruatsangi erawh chuan step a thu Chung hian a lo thlir ve veng veng reng thung. Chutihlai vel tho chuan an thlang motor kawngpui sirah khan ram kal haw lam niawm tak mipa pakhat chu ip pui ak Chung leh chem kawm keng hian a rawn ding ve a, a lan dan ah kha chuan haw na tur motor lo phar din tur zawng a ang hle lehnghal. Chutiang a mahni țul țul a an țul buai lai chuan Ruatsangi nau te ho khan an riltam thu chu an u an rawn hrilh a, a then chu riltam vangin an țap reng tawh bawk. Chutah, Ruatsangi la haw ve peih lo lah chuan a nau te ho chu in lama lo va haw a, chaw țhing te lo va ei mai tura tiin, a nau te pawh chuan thuawih tak hian an u thu chu an zawm a, an Kal zui nghal diak mai. Ruatsangi erawh chu a thut hmun ah la țhu in, sava thlawk leh thil ho dang dang te en kual chuan ala hawi kual vel mai mai a, chu chhun ni sa vel vul zet mai lah chuan a biang te chu a rawn sen vek tawh nimai hian a hriat a, a tai Sen hlar tawh nia. Chutah, chutia alo hawi kual veng veng lai chuan thlang lamah khan țawng thawm hria in rang em em hian a hawi thla zui nghal vat a, Chutah le, a thil zu hmuh chuan hlauh na pe in rang fe hian a thut hmun ata chu a tho chhuak nghal zawk thei a, che theilo lekin chu thil rapthlak em em chu a thlir ta ngawt ngawt ringawt mai a ni. Ni e, nichin lawka kawngpui sir lawka ding reng mipa pakhat khan car hlui ve tawh lampang chhunga a driver niawm tak pa upa tawh lam chu rem leh rem lo hian a kawr awm ah zu țham sakin tawngkam chhe tinreng a chhak chhuak bawrh bawrh bawk a, Chung zinga Ruatsangi la hriat theih awmchhun chu

" Nang putar ve Mai Mai hian I motor țawng chhe zet ah hian min phur duh lo ang maw? Ve khanglang che chuan" tih pah hian a theihna lai laiah a chem kawm ken hmang khan putar hmai leh hrawk ah te chuan a zu thil zui ta hmiah hmiah mai a! Thisen chu chhuak nasa tak a ni e. Chutah, Ruatsangi hlau tawh lutuk tihnghaihna hre silo chu rak chhuak that in, chuveleh, kha misualpa khan a awmna lam chu chiang em em hian a rawn hawi nghal zawk bawk a, Ruatsangi thung kha chuan a theih anga chak in an in awmna lam a pan zui ve dawr dawr a, kha misualpa khan a rawn umzui ta em tih pawh a hrethiam tawh lo. Tlan chhiat vang vang loh chu tihtheih a nei tawh lo a ni e. Tanpui tu au ruai ruai chunga tlan zelin mahni in chhungah pawh a lut ngam tawh lova, an in chu tlan pel in an thenawm hnai ve ber, an in atanga pen 20 țha velah chuan hlau leh khur Chung hian a tlu lut zui ta rawk rawk a, chumi chin chu ni khaw hrelo a awm zui in, heta țang hian mangchhia in a tibuai chawl ta mang lova, a rilru zawng zawng chu kha thil rapthlak tak a hmuh zawh takah ngei khan awm zui in Mang lamah nen tihbuai a ni a, a tak leh a lem pawh chu a thliar hrang thiam ta lo nuai a ni e. Chung thil vel ngaihtuah a mitthla pah zut zut Chung chuan khatiang thil  rapthlak alo tawn tawhna hmun ngei kha thlir in a ding ngawi zui ta vang vang a. Tunah chuan a mumang satliah nilo in a taka a hmuh leh hriat ngei a ni tih pawh a hre fiah ve uarh uarh tawh a, a țah te chu a chhuak ta lek lek zawk mai. Lawk in, 

" Kha tualthat tu pa kha an man tawh em le" zanriah kil laia a rawn tih chhuah hlawl chuan mak tih hmel fe hian a nau te ho khan amah chu an rawn en zui ta thap hlawm a. An ni ho hi chu a hunlai khan an la te ve leh Chhawng em a, thil thleng hi hriat reng reng an nei ve lo. Chutah, a pa chuan a zawhna kha rawn chhang in 

" Man awm pawh ka hre zui ta lo. Mit a hmu tu ber nang lah kha khati khan I awm zui ta daih a, naupang mai ilo ni bawk nen zawhna han zawh vak tlak ini silova, ani pawh kha a mi thah motor hmang khan a tlanbo ta an ti nge maw ni. A rei ve ta em a, țhang khat lian zet liam tawh hnu alo ni ve ta a, ka hrechiang ta hauh lo le. An la man chhuak lo fo a nih chuan a tual thi zawk chhungte tan khan a na in an rilru hi ala dam ka ring hauh lo" ka pa in a rawn tih chuan thil engemaw tak hriatchhuab neiin a inhria a, a ngawi zui deuh vang vang phawt. Chutah, a mumang zozai te kha hre chhuak in, kha mihring, an bank a account rawn hawng tu pa, maksak taka che thin kha! Ni e, a hmel kha a vawikhat hmuhna ah pawh a hriat hnu ang tiin, ani lah khan a hriat hnu a an ve zia thu a sawi ve tho a nih tak kha le. Ni e, an khaw hming a zawh ni a a hmel puthmang te kha. Ni lo ani hi, Helai hmun a awm reng thei hi a ni lo. Aizawlah rang taka a chhuk leh vat a țul. 

Tichuan, a chhungte pawh chu thil awmzia hrilh hmasa lo in a tuk zing kar motor chhuak hmasa berah Aizawl chu a pan leh ta vang vang phawt a, a ipik ru angreng kher. Engtin chiah nge hma a lak ang a hrelo. Mahse, a hmasa ber a tan kha pa, kha mihring ngainatawm loh zet kha a hming leh chenna hmun a hriat hmasak ber a țul tih chu hria in chumi hnuah police te hnenah thu a thlen anga, an ni chuan tihdan an hre zawk ngei ang tih chu a ngaihdan a ni ta ringawt a, a that pawh a ring zui ve ta ngawt. 

Tichuan, Aizawl a thlen thlak hnu, a hna kal leh ni hmasa berah chuan Rohlui kha be nghal in, kha mihring form fill up na kha a hmuh duh thu a han hrilh a, a khawsa zia chu maksak alo ti thin teh e. Zawhna zawt duah thin lo mahse a mitmeng atang chuan a thiannu awmdan chu mak a ti tih hai rual a nilo. 

Account hawn nan a a hman kha form ngei kha va hmu chhuak leh in, a hming leh veng chu uluk takin a en ta a. Laldinthara, Salem veng Aizawl alo intih avang chuan a hna pawh ngaihsak hleithei lo khawp in police station ah a tlan leh a, kum tam liam tawh hnu a nih avangin police te chuan an lo ngaihsak tha duh kher angem a hre bik lo. Mahse, he thil hi a finfiah a, a hriat fiah ngei erawh a țul tlat. Kha putar khawngaihthlak tak khan a dikna hi hmu ngei se a duh pui em a tin ni. 

A thil hriat beitham em em mai chu police station ah kalpui in a mit a hmuh leh hriatte kha ava sawi chhuak ta phiarh mai a. Police duty ho pawh chuan mak lo tiin, hma pawh an laksak ngei tur thu an hrilh a, tin, amah biak pawh theihna tur phone number an la zui nghal bawk. A tihtheih chin ti fel thawkhat a a inhriat hnu chuan ngaihngam chiah silo hian hna ah a let leh a, a rilru ah erawh kha mihring ringawt kha awm tawh in, a hna lam reng reng a ngaihtuah hleithei lo. 

Report a theh luh atanga ni 3 a liam leh hnu chuan police hnen atang phone call a dawng ta a. Mahse, a beisei ang eng thil mah a hmu ta lo. Laldinthara Salem veng chu kum 14 liam ta a tualthah thubuai siam sak ni ngei mahse la, a insawi fihlim thei ta tlat. Chhuah zalen ala ni cheu tihna a njh chu! Chu thu a han hriat chuan a hlauthawng lehzual ta em em a, a tan a him lo thei ang tih thleng pawhin a hria. Hma lak chhunzawm dan a thiam mai tawh lova, a hma zawng ai khan a talbuai zual bawk a, hlauh ngah sa tawh tehlul nen, a hlauhna belh chhah tura chutiang thil a han thleng ta mai chu hrehawm a tiin, dam pawh a peih loh phah zo vek mai. 

Ni khat a hna bang, in a a haw chu mihring thawm alo reh thiap mai a, chutihnak a laiin a kawngka lock na ah chuan lekha phek pakhat hi alo la intar va va zui. Kut khur dar dar a ban in, a han chhiar ta a. A meng phawk zui nghal ta hle. 

" Kum tam liam hnu a ka hriat chhuah theih loh kha nang ngei hi ilo ni tih ka hre ta e. Tun atang chuan zalen leh him reng turah lo Indah tawh suh! I Chung a pik e!" tih hi alo in ziak kuau mai a. A khur zui ta dar dar mai. 

Kha mihring khan amah hi ala hria maw? Aw a hria ang. A hma pawn a hriat tawh hnu a an zia alo hrilh ve tawh tho tak kha mawle. Mahse, engtinnge a chenna hmun thleng thleng hian a rawn hriat theih dan. Misual tak chu a ni phawt e. 

" Zanin kha.. Ka birthday Kan lawm dawn kha aw. I rawn Kal lo palh hlauh a nge" a message dawn chu en in a thaw zui leh hak hak thin a. A buaina ngah nen, piancham lawm a hlim tak leh eng helh pawh nei lova khawsa hman a ni meuh lo asin le. Mahse, heihi mi satliah birthday a ni lova, a ruka alo duh ve em em, a duhna a tih lan ngam siloh an manager Muanawma piancham a ni tlat. 

Phur lo leh tha tho lo zet in tlai lam atang chuan a insiam ve ta hram a. Muanawma khan a rawn lam zui bawk. Party pawh chu amah Muanawma te inah nei nghal in, a chhungte pawh kha an lo awm kim ve thap hlawm a. Thian leh thawh pui te ho nen an ri ve dar dar hlawm mai. Chutihlaiin Ruatsangi erawh kha chu kil khatah ngawi reng hian alo țhu ve tlawk tlawk reng a, Muanawma leh Rohlui ten va biak a, va pawh sawn an tum takngial pawhin a che țha duh eih lo. Ni e, ipik na leh hlauhthawnna hlir a khat mihring a nih bik miau avangin a tan chuan eng thil tih mah hi a phurawm thei lova, a hahthlak hluah hluah zawk a ni. 

Chutah, Muanawma farnu chuan a unaupa birthday cake chu rawn chawi chhuak in, midang zawng kha chu an lo ri le lu tawh mai. Zawimuanga thawm rikna lam a han hawi chhuah ve nak chuan birthday cake Sen hler hlur leh sei zet zut fahran ava hmu thut chu hlauhna hian rawn fan leh Chem chem in, a awm mai mai te pawh kha a nghet theilo leh zo vek tawh a, a chi ai a nih tawh ber chu. A duh lo Chung Chung chu cake hmaah an kai phei ta dawr dawr a, cake zai a a thiante an buai mup mup lai pawh chuan a rilru ah erawh Laldinthara ringawt kha awm tawh in a hmel nelawm loh fahran ringawt kha a mitthla ah nise a cham tawh bawk si. A thiante ho hriatpui siloh chuan a chi ai ru takzet zet tawh a ni. 

" Ruat, hei hi in ve rawh" rawn ti tu an awm avang chuan phu deuh zawk Chung hian a bula ding, amah rawn be tu Rohlui lam chu a hawi a, Chutah, Rohlui'n amah pek tura a ken wine no chu a kut hmang a vai baw palh in ama thawmhnaw ah chuan wine rawng Sen tha tak mai chu a kai darh ta nuai mai a le. 

" Thisen thisen" tiin a au zui ta chiam mai. A hlau a, a mangang a, a khur chhe vek tawh bawk a. Chu wine chu thisen ni tlat a hria in, khami ni a motor darthlalang bual huh vek tu thisen chhuak te kha a mitthla ah chuan rawn lang zui nghal pawp pawp in, hlauhna hlir hian a khat a, awmdan tur ber pawh a hre tawh lo. A thiante ho chuan amah chu buaipui nghal zung zung in, a thawmhnaw chu an thlak sak ta ringawt bawk a. Hetihlai hian Ruatsangi thung kha chu  mu leh mal pawh neilo hian chau tih hriat zet in thutthleng chungah a țhu zawi hniang tawh a, a buai nachhan ber hre tu Rohlui kha chuan a khawngaih ru takzet. Mahse, a buaina hi sawi chhuah sak a tum lem lo thung. 

A inah haw puiin, a khumah an mut tir thlap a, tlem chuan a ziaawm ve ta hlek e. 

" I piancham lawmna boruak ka rawn ti chhe ta vek si a, hrehawm ka ti lutuk ringawt. Nakinah keiman a thar in ka la lawm sak leh mai ang che aw" Muanawma hnenah chuan rawn tiin, ani thung chuan a lu chu alo thing ve nawk nawk reng a. 

" A ho lutuk. Khatiang lam kha chu ngaihtuah tawh suh. Tunah chuan i damna tur chiah ngaihtuah la, nangmah hi I pawimawh rih ber" tih pahin a kut chu a hum lum sak vang vang phawt a. Rohlui pawh khan a tui in tur alo chhawp sak ve zung zung bawk. 

A thianten an haw san hnu chuan zan pawh rei ve tawh in muthilh tum chuan a in let chhunzawm nghal a, mahse, a muhil thei lawk lo thung. Chutia a in leh tawn sek lai chuan pawn lamah thawm hria in a beng chu a chhi zui ta kar mai a. Chet pawh a che țha ngam tawh lo. Chutah, thawm chu rawn hnai zel in a kawngka chu rawn hawn tum tu an awm tih hriat tak hian a ri ta rek rek mai a! A mut hmun atang chuan a țhu chhuak nghal zawk thei. Thawm a ring tual tual a, a rei hnuah phei chuan kawngka kha a sawi in a rawn sawi ta dawt dawt mai a nih chu. A phu zawk a, a khur nghal hlawk hlawk bawk a, che chhuak Turin chakna leh huaisenna a nei tawh aw zawng lo bawk. 

" min kalsan rawh. Mjn tibuai tawh suh khawngaih in" ti a țe chhuak tuarh tuarh in a beng chu a hup phui tlat bawk a, a țap hlawp hlwp tawh bawk. Rei tak chhung beng hup Chung a a wm hnu chuan Zawimuangin a kut chu a han la sawn leh riai riai a, thawm pawh kha alo reh fel ve leh tawh e. 

Chutiang reng reng chuan tibuai tu neiin nitin zantin hun a hmang ta a. Amah tak hmuh theihin awmlo mahse Laldinthara kha a ni tih erawh chu a chiang thung. A Chang chuan a tala te chhut chhiat sakin a in chhung alo suasam sak chiam thin a, thil bo erawh awm lo mahse a ngaihthat thlak tawh hauh loh. Lehkha hnutchhiah hi alo nei tel fo bawk a, Chung ah chuan

" Kum 14 chhung tehmeuh ka zawn tawh kha naupang, ka tihsual lai hmu tu kha ini tih ka hre ta bawk a, Thlamuang taka I awm theih hi inring tawh suh ang che. Ka thih chuan i thi ve ang" tih te hi lo hnutchhiah thin in, thu thin thawng taktak lehkha ziak a lo dah a ching em em a, Chung zawng zawng chu Ruatsangi hian paih duh lo in a dah țha zel bawk a ni. 

A mutna bula tukverh in khawng ri leh kerh kerh tjin chuan a mu tui lai chu rawn kai harh lehin, a harh chiang kek kawk hle. Chuta tukverh lam a han hawi nak chuan pawn lam ah khan a in chhung lam hawi zawng a hlim thla ding hi va hmu fuh in, a rak chhuak that thei nghe nghe a. Mahse, chutia thawm a han chhuah takah chuan kha hljmthka pawh khan a lo hre fuh ve a ni chek ang, a tlan zui nghal ta daih. Chu veleh, a phone chu phawrh sawk sawk in police number a neih chhun kha a hmet chhuak a, a call zui ta ngawt mai. 

" Ka in chhunga luh ruk tum ka hmu a, a tlan chhia, khawngaih in lo Kal teh u" tiin a țap lo chauh tawh a. A khur leh hlak hlak tawh bawk. A phone atanga reilote ah police ho pawh kha rawn thleng ve in, thil awmzia leh a thil tawn zozai te chu a han hrilh fiah mawlh mawlh hlawm a, lehkha them a dah that zawng zawng te pawh kha pe nghal in tunah chuan Laldinthara ngei mai chu man tur dik a ni tih a chiang ta. 

A zan a zanin police te pawh chu an che chhuak ve nghal sang sang a, Laldinthara pawh khan a awm hmun alo sawn loh hlauh avangin mi tihbuai leh tual thah case ah an hling zui leh ta chat a ni. 

Kum 14 liam ta a tualthah chungchang case chuan Zoram pum chu rawn tuam zui in mipui te titi tui ber leh media chaw tui tak a rawn ni chho leh ta a. Hmun tinah mahni ngaihdan sawina post hmuh tur a awm leh tiarh tuarh mai le. 

Laldinthara pawh chu a tihsual ah țang rei ngam lo in tihian inpuanna a nei ve ta nge nge a. 

" Kum 14 liam ta, kha thil thlen ni khan Kan thianho in Kan thian pakhat motor keng hian lui ah I Kal ho ang u kan ti a, 5 lai chu kan ni nghe nghe. Tichuan, zu in tur tham tak pawh keng in a tirah chuan kan hlim viau. Ruatsangi te khua hi Aizawl atanga hnai tak a nih vang leh lui sangha ilo vel pawh ala tam thin an tih avang khan chu lam pan chuan kan Kal ta a ni. A hmun kan thleng a, sawi ang taktak in luiah chuan sangha leh lui lam sa hrim hrim chu alo tam na ngiang e. Nuam pawh Kan ti a kan phur tlang viau. Mahse, tlem a zawng kan man hnu chuan kan zu in khan hna a rawn thawk țan a, kei hi ruih sual nei thin mi ka ni ve bawk nen, ka ruih tawh chuan midang han cho tuah mai te hi ka hreh tawh ngai lem lova, hemi tum a ka kalpui ka thiante ho pawh hi ka rui sual chuan chhang pawr zuiin, ka cho țan ta a. A tirah kga chuan ka zia ve reng a ni tih hria in a tu amah khan min ti țha duh lem lo. Mahse, a rei hnuah erawh chuan rui ve tho an lo nihna ah an dawhthei ta reng bik lo a ni ang chu, kan inhnial buai țan ta a. Kut te pawh Kan inthlak ta lek lek. Chumi kal zel thinrim chu mahni chauh a haw tumin khaw chhung lamah ke ngat chuan ka kal chhuak zui ta daih pek a. Haw na tur motor changin chhun ni Sen sa hnuaiah chuan kawngsir ah ka lo ding a, tikhan kha ka pu kha mahni chauh a Chuang niin kei chuan ka lo phar ding ve Mai a, Hetihlai pawh hian ka la rui angreng hle. Chutah ka thinrimna belh chhah turin kha ka pu lah khan zu rui chu ka phur duh lo, chubakah hei ka motor pawh I hmuh ang hian bungrua in a khât vek a, thut na tur a awm lo hrim hrim alo ti ve lehzel bawk nen, a sawi ang taktak khan a hnung leh hma, ama seat tih loh ah chuan bungrua eng engemaw a dah khat vek lah tak a. Mahse, kei a thinrim kal tluang laklawh chuan tikhan thinrim ah la chho in ka chemkawm ken hmang ngei khan rem leh rem lo in a taksa hmun tin maiah chuan ka sat zui ta a. Chutihlai chuan kawng chhak lam atang khan hmeichhe țe thawm hria in ka han haiw chhoh nak chuan tuna Ruatsangi hi khatih lai chuan hmeichhe naupang mai ala ni, step ah khan hlauh hmel em em a lo ding in ka pawi khawih lai chu ngun fahran a en  hian min lo hmu ve reng tih ka han hmu ta a. Amah zawk kha tlan chhe daih mahse ka insaseng vat a țul tih hria in chu putar ruang chu kawngpui ah chuan ka theh chhuak a, a motor hmang chuan Aizawl ka rawn pan ta zawk a ni. Hun rei tak chhung chu kha hmeichhe naupang țawng chhuah hun nghak khan nun nuam lo ru takin ka lo awm ve ngat ngat tawh a. Mahse, a țawng chhuak dawn ta lo ni a ka hriat chinah tihian thlamuang takin ka awm zui ta a. Tunah heti hi kan lo ni ta a ni e. Ka tih sual kha siamthat leh theih nise ka duh a. Mahse, a theih tawh loh tih ka hria. Ka pu chhungte khan min ngaidam se la, ka chungah hian eng hremna pawh phut Sela kei chuan ka pawm vek ang. Ka thiam loh taktak a ni" tiin inthiamlo takzet ang chuan a lang a, Ruatsangi thung kha chuan a ring hauh lo. Inthiamlo takzet nise amah leh amah a inpe anga, ani pawh kha a rawn tibuai hauh lo ang le. 

Thu buai kal lai chin fel a nih hnu chuan Laldinthara chu a dam chhung tang tura a Chung thu rel niin, bail theih a ni lo bawk ang tiin thu an chhuah ta a. Ruatsangi pawh alo thaw ve ta huai mai. Tunah chuan a him ta niin a inhria a, zalen diktak niin a inhre ta bawk. Tin, a tuar tu lam chhungte pawh khan ani chu kum engemaw zat liam tawh hnuah pawh an dikna chanvo hmu tura ala rawn beih sak zel avang pawhin lawm thu nasa takin an rawn hrilh ve a. Kha tual thi ta, an pa ber kha amah ngai em em chunga a nupui, an nu ber pawh a boral ve tawh thu te chen in an rawn hrilh ve a, Ruatsangi chuan hrehawm alo tih puiin, an tan hian che chhuak tlai a inti zawk hial. A nupui tal khan a pasal thattu kha han hmu ve hman se a va tih pui tehlul em. 

" Tunah chuan i buaina chin fel alo ni ta a. Ka lawmpui lutuk che. Chuan, Manager Muanawma duhna kha iti puitling ve tawh dawn em le" nui sang chunga Rohlui'n a rawn tih chuan Ruatsangi chu alo thaw ve hak ringawt. 

" Kha ka buaina vang khan Muanawma hi ka hnar reng reng lo. Ka chhungkua enkawl ka ngai a kei chu pasal pawh ka neih theih ka ring lo" ti a lo chhang in a thian Rohlui chu a chhang beidawng leh ta țhak mai le. Muanawma hi chu a phu tawk mipa ah a chhiar thei tlat lo a ni e. 

****************************************************