Dear Amy season 2 episode 2

DEAR AMY SEASON 2 EPISODE 2

Vanlalpeki Fanai

*****************

Chhum ruah tui Pai chuan inbun ruahna tur zawng mek in van Chung sang lamah khawpui ri dur dur nen a țang kawp ve mek a, a khât tawk hian a thurualpui țek leh kawlphe zuai zuai te, midang dimna nei miah lova thli thaw fur fur thin te chuan Aizawl boruak chu ti danglam vek in, khua a dur khup khup reng a, ruah tui erawh ala tla fel chiah lo thung. Hetih lai hian mitin mai chu mahni sahimna zawngin kaw tin mai ah an lut bo duak tawh a, kawng Kal laklawh mek te pawhin in humhimna tur zawngin an ke pen an ti rang Sawt khawp mai. Chutihlai chuan Zorinpuii dawr lamah pawh a nau te khan buaina an lo nei ve mek a, an dawr kawngka biang vela an thil zawrh lai an khai ang ang te chu thli thw in a chhem bo mai loh nan tiin an in seng hawi nasa hle. Hetihlai hian Zorinpuii thung kha chu dawrah hmuh tur ala awm ve lova, khw nuam lo bawk nen a thleng phei peih ta ngang lo pwh a ni mahna.

Chutia a dawr nghak tu a nau te pahnih buai em em a an lo phet kual sek lai chuan kudam lamah khan thawm danglam hre leh țhin in, an in melh leh ralh thin a, mahse, an buaipui zui hman Chuang lo nen, an ngai pawimawh ta viau lo. Amaherawh chu, a khât tawka kudam lamah chuan thawm a awm fo tak ah leh parcel ruak te pawh a tluk tak rum rum si ah chuan ngaihthah reng theih niin a lang ta lova, hreh tak chungin kudam lam chu an pan dun ta nge nge. Mahse, kudam an va luh hnu erawh chuan eng thilmah hmuh leh hriattur a awm zui leh silova, parcel rual tla takngial pawh kha hmuh tur a awm miah lo. Mak ti fe hian an in en dun ta he haw a, an khi suk ringawt. Chutah, an inrin lawk hma hauh hian an dawr kawngkharpui zqwk chu na zetin a rawn inkhar zui ta țhuai mai a! An ni pawh chu an phu thlawk lo chauh a ni mai e.

" Awi ka nu!" tih țhat pah hian kawngkharpui awmna lamah chuan an tlan phei zui ta dawr dawr a, chutia kawngkapui khar tuma an buai em em lai chuan pakhat zawk phone lah chu alo ri ve sek bawk nen, buai tak hi an ni e. A mipa zawk chuan a phone call chu chhan tumin a han "hello" ve ngial thin a, mahse, chhangtu reng reng an awm lo thung. Beidawng zetin phone chu a dah sawk sawk a, chu tih lai vek chuan a thawhpui nu phone zawk chu a rawn ri ve leh. A hmaa mi ang tho khan hello ti vak vak mahse la lehlam thawm chu a reh hmiah si a, number hlang chauh ala ni zui bawk nen an ngaihtha lo chu an in melh leh ralh ralh thin ringawt. Khaw awmdan in a zir loh em avangin current nise a thim khup a, dawr chhung chu thim țha tak a ni. Anni pawh an hlauhthawnna a nasat tawh avangin dawr chhung thim mup te chuan a rap zo vek a, pawn eng lan theihna kawngkapui lam hnaih ah chuan vawt ti zeta khur hlak hlak Chung hian an ding ngawi dun ta reng ringawt. Chutah, a mipa zawk tlawm la deuh chuan a phone chu phawrh țha leh in

" Heti ringawt chu a fuh lo. UZorini be mai ang" tiin Zorini chu a call nghal a.

" Aw Uzorin, ilo Kal thei lo tiraw" ti nghal in a lehlam atang chuan Zorini pawh chuan

" Aw, in buai viau em" alo ti ve vat a.

" Um buai tho mai. Current a thim vek bawk sia, kudam lamah thawm a awm reng bawk nen nuam kan ti tawh lo lutuk a" aw khur hlak hlak chunga a han tih chuan Zorini khan

" Dawr kha khar ula haw daih mai rawh u!" a rawn ti ta a. Mahse,

" Haw theih pawh nilo alawm. Pawnah ruah leh thli a thawk a, motor pawh a awmlo" lo ti ve vat in Zorini chu a han ngawi deuh vang vang phawt a. Chutah,

" A nih chuan Sangpuia ka rawn tir Mai ang.. Ava thlah dawn che u nia lo nghak ula" ti zung zung in call chu a ti tawp ta a. Anni thian dun pawh chu tlem in an awm a nuam ta deuh. Vawt tih vanga la khur hlak hlak Chung chuan kawnhka bulah an ding ngawi dun rauh rauh reng a, sawi tur ber pawh hre lo in a khât twk hian an inmelh a, thawm an ngai Chang ru reng ni ber hian a hriat.

Zorini an call atang khan darkar khat teh meuh a liam leh tawh a, anmahni rawn hruai tu tur an rawn Kal chu sawi loh, a reh hian an reh vang vang a, rawn lan tih reng reng a awm thei ta lo. Ruah lah chu a hma zawng ai khan ala Sur tam telh telh zui bawk nen a khât tawkin khawpui alo ri ve dur dur reng bawk si a, a mipa zawk pawh chu a inti pachang hleithei tawh meuh lo a ni e. Chutah, a thawhpui nu dawhtheihna chuan a tlin ta ngang lo nge ni ang, phun hlak hlak chunga a phone phawrh ve pah chuan Zorini bawk chu a call țha ve leh ta a.

" Uzorin" a tih rual in lehlam atang chuan mu tho chiah tih hriat zet hian Zorini lah khan alo chhang ta Mai a. Alo muthilhsan daih tihna nge maw ni le.

" I thianpa chuan min rawn hruai dawn ta em?" tia a han zawh chuan Zorini chu a hamhaih hmel ta kher.

" Tu ka thianpa. Eng ti turin maw alo hruai dawn che u" rawn ti ta he hu in, anni thian dun pawh chu an inmelh zui ta he haw mai a. Eng nge thil awmzia hi an hre ta lo tawp.

" Nichin ah Kan rawn bia che a, dawr kha khar ula haw mai rawh u, ka thianpa in a rawn hruai dawn che u nia i rawn tih kha. A reh ta vang vang sia" an han tih leh pawh chuan Zorini chu a hawi buai tulh tulh mai. Chutianga a hnathawk ten an rawn biak lai awm reng reng a hre lova, ani chu ruahsur hlim atang khan la muhil char char in tunah hian a harh ve chiah bawk.

Chutiang thil reng reng a hriat loh thu sawiin anni hnen atanga call pawh a dawn loh thu chu a sawi ve ta vek zawk a, an inbiak rei pauh leh an inbe bo ting tihna hi a nimai e.

" Aw engpawhnise ni e, khua a nuam lo sia, Sangpuia chu ka rawn tir anga, in lo haw mai dawn nia. Dawr kha uluk deuhin kalh ru aw" a tawpah chuan ti ve ta nge nge in, anni thian dun erawh chu hlauhthawnna hlir hian an khat thung. An hlau tulh tulh. 

Phone a dah rual chuan thaw zui hak in tukverh bula ding ngawi reng Amy chu ava melh leh te te phawt a. A aw te chu a han thian kharh kharh phawt. Chu veleh Amy pawh chu rawn hawi chhuak in Zorini chu za lemlo tak hian a rawn nuih ve sen sen phawt a. Pawnlama ruahsur bawk chu a thlir San leh ta daih. 

" Amy, ka muthilh lai khan ka phone hi a rawn ri em?"  rawn tiin, Amy chuan a han ngaihtuah vang vang a, a rik awm reng reng a hrelo. Ni leh lo, vawikhat kha chu a rawn ri a, mahse, Sangpuia niin Zorini pawh a Kai tho duh ta lo law law nih kha. 

" Sangpuian vawikhat a lo call a, a bak chu ka hrelo " lo ti ve maiin, Zorini pawh chuan Sangpuia missed call chu a hmu taw tho a, a lo bu ve nghat nghat. A nih chuan a nau te pahnih hnen atang a ni emaw, number dang daih atang pawn eng call mah a dawng silova, a nau te lah khan an rawn biak chian zia thu chu an swi dun mauh mai si a, eng nge thil awmzia hi ni ta ang le. Chumi ngaihtuah rauh rauh Chung chuan peih lo fahran in khum a thawh San a, hmai phih turin bathroom a pan nghal. 

Hetih hunlai hian khua pawh a thim ruai tawh avangin pawnlam boruak lei lung te pawh chu an fiah lo tawh angreng hle a, a vawt deuh vur mai bawk nen boruak chu a nuam lo ru angreng viau niin Zorini chuan a hre tawh. Hmai a phih zwh hnu, room chhunga a han luh leh chuan Amy kha hmuh tur alo awm leh tawh lova, ngawi reng in khawiah chuan Kal dawn ni maw. 

" Uzorin, ka pa alo haw a, hmuh lawk che a duh a nih hmel" a room a rawn dak chungin Maliani khan a rawn ti ve leh a, alo melh peih țawk ringawt. Chhan pawh a chhang let eih lo. Ni e, Maliani nen hian a hranpa takin inhuatna nei hauh lo mahse, an tunhma boruak vel avang khan a biak that chakna a reh zo va, a pa takngial pawh khu a hma ang khan a ngaina tak tak thei tawh hek lo. Pa ni khua lo leh lerh kawh tak ni a hria in a nunhlui vang khan ala ngaidam ve thei tlat lo Mai a, ti lang vak vak kher tawh lo mahsela a thinlung ah an thi theilo miau a, a reh tawh mai maiin a rinawm loh tlat. 

Tichuan, a pa kohna vangin inhnuai lam chu peihlo ru angreng tak hian a pan thla ve ta chhat chhat a. A pa hmel a hmuh ringawt pawh chuan a țah te chhuak in amah hringtu an nih lohna chu a hrechhuak nawn leh țhin. Mahse, tih theih a nei tawh lova, awmzia a awm tawh heklo tih chu pawm a duh a, a tum mek bawk. 

" Ka Fanu, pangngai tak hian Kan VA in hmu khat em em ve tirw? Kan inbe khat khawp mai" nui vur vur in a pa chuan alo ti nghal luam a. Zorini paw chu a nui lui ve ta var var. A pa bula thut thlak hnawk pahin

" Eng ni ta a. Min biak duhna inei emni?" ti zuai raih in, a pa pawh chu a thutak chhunzawm ve nghal vat a. 

" Aw a, nei a nimai ang chu. Kan inbe khat sia, I ngaihawm riau tawh a" naupang chhia zeta a pa in a rawn kuah lai te chuan ani chu alo tim deuh tlat tawh nia. Hetianga Khawsak vel hi a duhdan nilo mahse a thiam tawh Mang tlat lo. 

" I buai thei sia, kei lah ka lo buai ve thin tho sia chuvang mai mai alawm pa" lo ti let in a pa hlat tur chuan a tawlh ru hret hret zel a. 

" Taka e Bawihi, tunlai chu kan office lamah sawn zawhna mak deuh deuh hi ka dawng leh nawlh thin a. A bikin i chungchang ah hian"

" Eng zwwhna mak deuh deuh maw" a pa mit sir ralh pah chuan alo ti let nghal vat. 

" Eng lo, ka Fanu hi hmuh theih loh be thin leh kawm thin ang in an sawi tlat mai che a, ka hrethiam bik lo. Zawhna hi ka dawng ngun tawh khawp a, ka hrilh ang che ka tih laiin ka lo mang nghilh ve leh țhin bawk a. Bawihte, chutiang cuan ilo awm thin reng em". Rawn ti nghal zat in a pa chu melh pawh a melh peih tawh lo. 

" In chhunga ka Khawsak dan hrechiang tu ber in nia, kha kha chu i ngaihdan dan ni rawh se. Hmuh theih loh be thin chu ka ang chiah em tihte kha han ngaihtuah vang vang la a chhanna chu i hre Mai ang" tiin a tho nulh a, room lamah a chho leh ta daih. Chutihlaia a pa hrilhhai hmel chu han hmu ve zet se zawng, a khawngaih ve viau zawk ang le. 

" A tu phiangsen chuan nge chutianga ka awm lai chu min lo hmu fuh thin tehreng ni" lungawi lo zeta phun nuah nuah chungin a khum chungah a thu thla hnawk a. Tihtur ber pawh hrelo hian a phone chu hmet engin a sik chhunzawm nghal char char. A chhungten zanriah ei tura an rawn koh pawhin a chhuk thla peih tawh lova, zawhna ngai bawk kha a dawn leh a hlau ve te pawh a ni a nge. A hlauhawm ve bawk a tin ni.

Khumah chuan mu zal in phone a khawih char char a, a khât tawk hian Amy rawn haw leh haw loh en in a hawi chhuak ve zeuh zeuh bawk. Mahse, Amy tehreng pawh chu khawiah nge maw a vah bo daih dawn ni. A reh rei ta hle mai. Khaw chhe karah lehnghal. Ni tak, thlarau a nia, a huh ve thei chuang lo tak e.

Zan dar 8 velah pawh chuan Amy hmel hmuh tur awm silo, pawnlamah nise ruahsur chuan ban a tum ta lo emni tihtur hian ruah ala tla cherh cherh reng a,  a thawpikthlak duh angreng viau. A tihtur hrelo khawhar lutuk muhil thei mai bawk silo chu tho chhuak in a dressing table awmna lamah a Kal hnai a, darthlalang lian hmaah chuan thu zui hnawk in a in melh ta veng veng. Nalh thei ang ber a inchei tum chuan a lipstick chu a han ban zui a, mahse, tum lawk em em pawhh awm lo in a thil hmuh vang chuan a țe chhuak zui nghal țhat. Ni e, darthlalang atang chuan a hnunglam a khum chunga mipa niawm tak, huh hluam maia lo țhu ngawi kur leh amah lo melh reng tu chu va hmu in a au chhuak nghek a, a tho zui hluai bawk.

Mahse, khatia a din chhuah hluai hnu khan chu thil chu hmuh zui tur awm lo in a bo leh daih ang lawi a, a room chhung thim khap mai te chu en kual in a hawi zui nghal ruai ruai ta Mai le. Eng thil tak chu ni ang maw.

Chutia a thil hmuh ber a bo leh tak si ah chuan thawm pwh hre zui tawh lo in reilote ah a thla chu a muang zui chawp chilh mai a, a thutna ngaiah bawk khan țhu thla leh in lipstick bawk chu a ban tha leh. Mahse chutia uluk zeta lipstick alo in hnawih hlarh hlarh lai chuan a room thlang lam balcony ah chuan ring em em a tlan ri țawk țawk thawm hi rawn awm leh thutin, rang em em hian a hawi phei nghal zawk a. A thil tih mek pawh cju a chawl nghal hmak thei. A hawi phei rual khan parda phen a tuemaw tlan phei fua chu hmu hman mahse a reh zui daih bawk si nen a che Chang ngam ta Mang lo tlat. Hei chen hi thlarau pakhat in chenchilh in thlarau dang te pawh lo tanpui ve fo tawh mahsela hetiang zawng kher Khera rawn inlar thin te hi chu a ngaina nghal thei ngawt bik lo tlat. Tichuan, zawimuang a tho chhuak in balcony lam chu thawm dim tak Chung hian a pan phei ta them them a, parda a keu sawn dawn chiah tih in a room kawng ka chu na zet hian a la rawn in hawng țhuai zui bawk nen a phu nasa lutk chu a zuang zui dawrh thei hial a, parda pawh kha keu ta lo in rang lutuk hian inhnuai lamah thaw hlawp hlawp in a tlan thla ta vang vang a nih kha.

Mahse, inhnuai ah chuan rei pawh zu awm lo in hreh zet hian a roomah bawk chuan a let chho leh hnak hnak a, peih lo eng ang mahse a chhungte hrilh hriat ai chuan tiin a lut ta ringawt. Thawm a awm tawh lova, thil hlauhthawn awm engmah a awm tawh lo ni a a hriat hnu chuan lut chiang ngam ve chauh in a meng kual hrek hrek reng a. A thin te chu ala phu deuh dup dup thei. Zalen taka alo Khawsak tawhna thin ama room chhungah ngei chuan inthlahrung leh ți fe hian a Kal den den reng a, khumah pawh nise thawm neilo thei ang berin a țhu thla ngam țawk bawk. Chutia mut tuma alo intin tuah lai tak chuan pawnlamah khan kawl rawn phe zuaih in țek ri cuan a chhunzawm nghal zat a. Chumi chin chu ruah pui Sur leh in kawlphe pawh chu a tawp lo a tih theih hial ang. A phe zawr zawr reng a, mit tikham khawp in a phe hi a ni ringawt e. Boruak in mung mek vang chuan Zorinpuii chu muhil thei thlawt hek lo, phone a bih loh lai chuan tukverh lam thlir in a hawi chhuak zeuh zeuh thin a, mahse a hawi chhuak rei ngam lo thung. Khawiah phiangsen nge Amy Vakveli pawh chu a Kal bo daih rneg reng le. Hun lo lutuk mai.

Chutah, Sangpuia message tur a type lai mek in a dan ngai te bakw khan kawl bawk kha a rawn phe leh ta zawr mai a, ani lah alo hawi chhuah lai tak a ni bawk si nen, chutah tak chuan tukverh pawn lama mihring ruangam niawm tak ding tlawn zur chu va hmu thut in a tho kang awk thei a. A khur chhuak nghal vek bawk. A landan takah phei chuan kha ruangam khan amah chu rawn melh in ngawi rneg hian a rawn bih thla niawm tak a ni a, a rap zual kher. Tho zui sawk sawk in a riat nawk nawk bawk a. A sawi ber pawh chu a hriat chian theih loh.

" Ka hrelo che. Ka hmu lo che" ti nawk nawk in a puansin lai chuan a inkhuh țha sauh sauh a, thlan hluam khawpa a inkhuh hnu chuan hlau lej khur chungin alo muhil ta nge a ni ngei ang, na zeta a ke lam atanga rawn pawt zawk tu an awm leh avang chuan harh chhuak zawk in a puansin lai chu a phih leng dawrh a. A thaw chhuak hawk bawk. Tunah chuan khum atang in a tla thla lo chauh tawh a, a ke hmawr lam phei chu a uai thla vek tawh. Rang taka tawlh let chho zawt zawt in

" Tunge inih. Eng nge i duh a" aw khur hlawk hlawk Chung chuan a han ti ve ta nge nge A. A swi zawh rual in a dressing table chunga a dah perfume man to zet chu a thlawk zui nghal fua a, chhuatah chuan a tla Keh chuaih mai bawk. Ui viau mahse a ngaihtuah zui thei tawh lova, a țap lo chauh tawh zawk

" Rawn in lan rawh. Tanpui i duh chuan ka hmaah hian rawn in lan rawh. A hlauthawng zawng a min Siam tum miah suh"  ti khur leh hlak hlak in thawm chu a reh zui hmak a. Ani pawh chu a hawi kual leh vang vang thin.

" Min hmu thei tiraw?". Chu aw lo chhuahna lam hawi chuan rang zet hian a inher nghal vut a. E khai! A khum sir, bathroom kawngka bul mai ah chuan mipa pakhat, sang țha em em leh huh zawr vek bawk si chu lo ding in amah chu alo chhuk melh run mai nia.

" A tir atang khan țha te te in rawn in lan ta che. Engvanga min rik rap reng nge inih a" thinrjm zeta alo tih let takah chuan chu thlarau huh zawr vek pawh chu a nui ve ta suk ringawt a. A mitmeng a fiah in a palian si a, a hmeltha em em mai bawk.

" Ni e. Min hmu thei dawn lo emaw ka tia, i tanpui na ka mamawh bawk si nen tikhan ka rawn che ta Mai a nih kha" aw thum zeta alo tih chuan Zorini thung chu alo ner ve sak ringawt a. Țul lemlo a tih zawng tak a ni.

" Kei chu tih hlauhthawn hmasak ka țul lem lo. In vawikhat rawn lanna ah hian ka hmu thei nghal vek che u"  ti a lo chhang ve leh in, chu thlarau tlangval bawk chuan la nui var var Chung hian

" Ka lo hre lo a ni ka pi. Ka tihpalh. A nihna takah chuan rawn tih hlauhthawn che kha ka tum miah lo a nia. Pawi ka ti lutuk" lo ti leh mawlh mawlh in Zorini chu a kiai leh sak a.

" I pi rual ka nilo" alo ti ve mawlh mawlh. Mahse, a thil swi te chu chu tlangval chuan a hre fuh chiah lo pawh a ni maithei, a ngawi reng a. Amah bawk chuan 

" Tichuan engmaw ilo Kal chhan chu ni a" ti zawm leh in, kha tlangval pawh khan a dinna hmun chu alo sawn ve tawh a. Tukverh bulhnai ah alo VA ding daih. 

" Ka thih dan diktak hi ka chhungte leh ka Bialnu khan hria se ka duh" rawn ti hul hak in hrehawm tih hmel tak chuan hnuai lam a melh ta daih a. Zorini mitah chuan a rawn melh țha ngam tawh lo. 

" I thihdan chu eng nge.. Ah.. Engtia thi nge inih a" tawngkam mawi zawk chuan a han ti țha leh a. Tlangval kha chu ala rawn hawi chhuak hauh lo thung. 

" Eng lo a nia, kan chhungkua hi chhungkaw Khawsak pangngai ve Mai kan nia, kan awm thei Lua lova, kan rethei berh Chuang hek lo. Kei hian unau mipa tho neiin a upa zawk a ni nghe Nghe a. Kei ai hian ka nu leh pa te pawh chuan an duhsak in an hmangaih emaw tihtur a ni hial thin a, an duat thei hle. A bikin ka nu hian a ngaihtuah a, khawiah pawh Kal Ila kei chu vawikhat pawh min rawn call ngai lova, ka unaupa erawh darkar tin deuh thaw hian a call fo thin. Heng vang te pawh hi a ni ang, ka unaupa chu ka lakah a inluling thin viau a, min chung tlakin kawng engkim ah a hnuaihnung zawk ah min țan tir thin a, min hmusit em em bawk. Unau piang hmun ni si khan Kan inkar chu a zau em em a, a thiante bulah phei chuan a unaupa ka nih thu hi a zep tlat thin bawk. Tin, chu chauh chu buaina ala ni lova, kei hian Bialnu hmeltha leh fel em em mai neiin chu nen chuan thla 6 vel lai Kan inkawp tawh a. Kan inzui ngawrh thin hle. A khât tawk hian Kan inah te pawh hruai lut ve thin in a rawn leng ve fo a, ka nu chuan biak pawh alo be ngailo. Ka pa erawh chuan a mawi tawk lekin alo be ve thin thung. Bialnu ka nei tih thu chu ka unaupa pawhin lo hre ve in, vawihnih vel chu kan inah pawh a hmu fuh tawh nghe Nghe. Ka bulah chuan ka Bialnu chungchang chu sqwi lang ngailo mahse a ruk tak in a lo hmu tai a, alo duh ve hle tih chu ka Bialnu hnen atang ka hre fuh leh ta a. Ni e, ka unaupa ngei chuan beisei neiin ka Bialnu chu alo VA be ve thin tlat a tin ni. Thil țha ka neih bik hi a phal lova, min laksak a duh zel thin nimai hian ka hre tawh. Mak pawh ka ti khawp mai. 

Ka Bialnu hnenah chuan be tawh suh te pawh ti ve thin mah Ila, ka unaupa zawkin ava Kal chilh a, a biak tak reng si ah chuan ka hriat loh laiin a ruk hian an lo inhmu ve ta fo mai a. Ka hre chhuak lehzel thin bawk si nen ka nat phah ngun a, ka u ngei ngei pawh chu kut ka thlak phah lo chauh thin a ni e. 

Ni khat pawh ka Bialnu chuan inhmuh a hman loh thu leh, an chhungkua a len chhuah an tum thu chu min rawn hrilh in Keipawn ka lo awih ve Mai a. Ka dang bet duh bik lo. A hunlai a ka ngaihtuah miah loh a hnua a ka hriat chhuah leh tak si chu hemi ni hian ka unaupa pawh chhuanlam Siam in nileng khan a bo ve vag vang a, mahse, ani hi chu nileng leng a vak bo thin a nih sa hrim hrim avangin ka ringhlel miah lo a nih kha. Tichuan, tihtur neilo khawhar em em in nileng chuan inah ka awm ruk ruk a, zan dar 8 velah ka Bialnu pawh chuan min rawn be ve hram in an haw chiah thu a rawn sawi a. Ka u pawh kha chumi zan dar 9 velah chuan in chhung a rawn lut ve chiah bawk. Mahse, rinhlelh nachang ka la hre Chuang miah lo. Rei pwh ka Bialnu nen chuan inbe lo in a chauh thu a sawi a, a muhil leh mai. Hemi zan ka u rawn haw hi a rui angreng hle a, a mu mai dawn emaw ka tih laiin ka roomah chuan rawn lut in, ni dang pawh a min koh ngai loh ang tak chuan min rawn ko ve hlut a. 

" Bawiha, zu lei Turin min lo kalpui teh. Mahni a ka chhuah leh chu ka nu te khuan an phal tawh dawn lo tlat. A laklawh bawk sia e" ti bai baiin kei chuan a tlai tawh thu leh, muhil phwt zwk tur chuan ka lo hrilh ve ngial na a, ani erawh chuan min hnial zui ta țang țang. Tichuan, min sawm luih tak tlat avangin peih loh fe hian ka zui chhuak ve ta nge nge a. Ka nu te pawh chuan kan kalna tur chu min zawt bik hauh lo. 

Kan unau chuan bike nen in phur chhuak in kan tlan zel a, a zu lakna tur hmun a sawi kan sawi thlen lai chuan khua pawh a lo reh duk tawh a, mihring tei vak hmuh tur an awm tawh lo hle. Tin, zu zawrhna hmun niawm lo a mawi hian in pakhatmah a ding lo bawk a, ka hawi ka hawi ringawt. Chutah, ka u chuan a phone chu phawrh in tuemaw a be ta a. Hmanhmawh Turin a tur nasa hle lehnghal. Ka bulah erawh chuan a thiante an nih thu leh, zu chu an rawn pek tur thu a sawi duh lek a. Chutianga pe thei reng te chuan inah khan a rukin rawn pe Mai se ka lo ti kher. Ngaihthat lohna pawh ka neilo.

Chu lai hmun a darkar chanve vel zet Kan lo nghah hnu chuan a thiante niawm tak pawh chu rawn thleng ve in an ri ham ham hlawm a, nuam ka tilo takzet tawh. 

" E, heihi maw I nau chu" tih pah hian pakhat lah chuan min la rawn kuah bawrh bawrh zui a. An rui sa hlawm bawk nen haw daih mai chu duh tawh hle mah Ila ka unaupa berin nuam ala ti hle si a, hrehawm ka ti ru veng veng. Chutah a then chuan zu chu thli chhuak in an han khiat leh te te phawt a, ka u chu ka lo nawr ve sek ringawt. Mahse, thawk leh khat ah hian ka hnunglam atang tuemaw ber khan ka tukkhum ah tak chuan min rawn hlap ta chawrh mai a! Ka hai zui chhawk thei. Ka luhai nasa lutuk tluk mai tum a ka awn ruai ruai lai te chuan pui tu pakhatmah ka nei lova, chu chu sawi loh, kei chu min thlir in an khek duarh duarh hlawm a, chawh min tih zia te cuu ka unaupa kâ atang ngei chuan ka hre hman vek nghe Nghe. Hemi hnu hian harh chhuak leh in ka harh chhuahna hmun erawh a dang ta deuh a. Ni e, khatia ni khaw hrelo a ka tluk hnu khan ka la thih mai theih loh avangin tuiah min hnim hlum tum in an lo buai leh ngat ngat a, ka thlarau ka thlah ta maw tih ah mahni inti hlum anga ka lan theihnan ka nghawng ah hrui an vet kual a, inkhai hlum angin ka lo lang ta a ni e. 

Ka u chuan zawhna tamtak a dawng ngei a, mahse, khami zan Kan chhuah hnu khan an thianho kha kei chuan kalbo San angin min sawi a, ka nu in a lo tanpui ve bawk nen tute pawh chuan a thusawi awihawm loh zet chu an awih phah ta vek a ni. Ni e, he thil hi thla hmasa a thil thleng daih tawh kha nimahse tun thleng hian ka nih tur ka la nih theih loh phah a, hmalam ka pan thei hek lo. Ka Bialnu bulah pawh engkim hrilh tumin ka kal fo thin a, mahse min hmu thei silo. Ani chuan min ngai em em a, a țap awl lova, hmalam a pan thei bik lo bawk a, ka hming lam ri lo hian zan nise a la muhil ngai lo bawk. Nimin khan ani chu ka ngaih zual em avangin a bulah ka va awm nileng țhak a, chutah chuan Amy nen pawh khan intawng in ani chuan min hnem a, a zarah nang hi ka rawn zawng chhuak ta che a ni e. Amy chuan min lo ngaihtuah suh se a tih che kha aw. Thlarau khawvelah a awm mek a, a lo kir leh tep tawh ang"  ti nghal zung zung in Zorini chuan a thilsawi zawng zawng te chu ngun takin alo ngaihtuah ve char char a. Hrehawm alo tih pui ve hle. 

" I Bialnu chuan a phatsan miah lo che tihna emni? Tunah I unaupa nen chuan eng nge an chanchin" lo ti ve vatin, kha tlangval pawh khan thaw pui a rawn chhuah ve hak phawt a. 

" Phatsan lo e. Min phatsan ngailo. Khang hun chhung zawng pawh khan ka unaupa in alo Vau ve reng avang zawkin a be țha lo ngam lova, ni e, ka unaupa khan kei hi amah Vau nan khan lo hmang thin in, rethei taka a awm i duh loh cuan kan inkawp tur a ni alo ti thin a niawm e. A Chang phei chuan ka tihnat i duh loh chuan ti ang cji te pawhin alo Vau fo bawk" rawn ti veleh in Zorini bawk chuan rang zet hian

" Chu chu engtinnge i hriat theih. Tu hnen atang nge i hriat" alo ti nghal vat a. Tlangvala pawh khan

" A diary atang! Ka boral hma daih atang tawhin ka Bialnu khan diary ziah a hrat thin hle a. Ka boral hnu hian a bulah ka tap chawt ka tih kha. Mittui tla chunga a ziah lai ka hmu fuh a, a nihna takah chuan a ziah tawh hnu zawk niin, ka dam lai a a ziah tawh kha a ni mah zawk e. Ka unaupa in ka chunga a thil tih duh dan ka hriat chian hnu phei hi chuan e thihna pawh hi a tan chuan hremna nep tak niin ka hria. A nep mah mah"  a thinrim ve hle tih chu a aw khur dar dar atang chuan a hriat chian theih viau awm e. Zorini pawh chuan muangchang hian a lû chu alo bu pah ve nghat nghat a. 

" Chuan, eng ti turin nge min duh" a rawn tih leh chuan kha tlangval bakw khan a hmel pawh rawn en țha ngam lo hian

" Thil tisual tu khan hremna hmu se ka duh. Tunah pawh pawi khawih lo ang maiin zalen takin ala leng a, ka Bialnu nise ala beisei reng bawk. Mahse, ka bialnj zawk hi tunah chuan a dinhmun ala that loh avangin a be hleithei lo chu a nia. Khawngaih in ka pa kha biak hram tum rawh. Ka pui ang che. Ka theih phwt chuan ka pui ang che. " lo ti leh zung zung in Zorini pawh chuan theih tawp chhuah a tum thu chu alo sawi ve luam a. Hun thawl alo insiam tur thu a sawi lang nghal bawk. 

Chumi chin chu tlangval thlarau pawh chu kalbo ve leh in chumi zan a tan Chuan tui takin a han muhil ve leh phawt a. Amy vakveli rawn haw Sela tihdan tur sawi pui a ngai a ni tih ngaihtuah pah cuan alo muhil ve ta phawt a. 

"  Zorinpui, awi leh! Tunah zing dar 7 a ri tawh a, alo la mu tlek tlek nia mawle" Amy aw chu a hre ve leh ta. Harh tawh reng mahse Zorini chu ala tho chhuak duh lawk lova, nui var var chungin a thu chhuak deuh phut. Amy lah chu alo la phu nasa em em zui bawk a. Hnunglamah a tawlh let deuh dawrh thei hial. 

" Vakvel, nimin Nilengin khawiah nge i kalbo a" nui var var chunga Zorini'n a rawn tih lai chuan Amy thung chu alo insiamtha ve sawk sawk reng a, ani leh nilo angin a ke te chu a rawn berh haw phian mai nia. Thil awmze hrelo Zorini lah chuan a en duh em em mai lehnghal a. 

" Vakvel mi ti kher suh. Keimah ang bawk a thlarau tanpui ngai vakvai an awm em tih thlithlai turin ka chhuak alawm le. Khua lah kha ala chhe em em zui a, ka berh vek hi" lo ti let niah niah in Zorini chu a nuih a za tulh tulh. 

" Thlarau te chuan inbual in mamawh ve emni. Berh mai mai ang hmiang. A hrim hrim in engtinnge thlarau ve si tikhawp khan Iva tal balh theih a a mak thin e" ti Chung chuan a nui chhuak ruh ruh a. Amy thung chu ala meng thip ram ram hle. 

" Chutin mi ti bik reng rneg suh. Nizan lawka i tlangval hmuh pawh kha a rawn huh zawr ve vek tho kha. Hmeltha itia a huh leh huh loh pawh I hre lo Mai Mai a nih kha" lo ti let erh in an han nui dun leh lai lawk phawt a. An boruak chu a țha chho leh țan dawn e. 

Chumi chin chu thildang sawi zui lo in Zorinpuii a inbual a, dawr lamah a Kal zui nghal bawk. 

Dawr ava thlen phei chuan a nau te pahnih lah khan hlauthawng em em hian a hma ni a an thil tawn zozai te kha lo hrilh in report chu an lo pe zung zung a, kudam te pawh chu a tel ve loh chuan an lo la lut ngam hauh lo chu niin. An pathum chuan bungraw chhia a awm em tihte en fiah in an han lut ho a, engmah danglam hmuh tur phei chu a awm lem lo. Chuti em em a a nau te lo ti hlau tu chu tudang mah nilo in Amy ngei a nih a ring nghet ta bur lehnghal a. A haw hunah a chak lo teh ang chu aw. Nge ni vei, a tihtauh laiin Amy lah khan I dawrah ka rawn hrang dawn alo ti ve zuk si a, amah bak a nih hi a ring thei tawh lo reng reng. 

Amy lo lan hun nghak in dawrah chuan a thu ta ngat ngat a. A khât tawk hian a bialpa Sangpuia nen an inbe pah reng bawk. Hemi ni berkher hi chuan customer an tam lo bawk a, dawr nghah chu a ning țan tawh hle. A rin ang ngeiin chawhnu lamah chuan Amy khawhar pawh kha a rawn vak lut ve ta ngei a, Zorinpuii chuan alo melh no lo kher. Chu chu hrethiam in Amy pahw kha inthlahrung angreng fe hian a hawi a hawi tawh a, tih theih nei bawk silo nen, kudam chhungah te chuan lut in a rawn chhuak leh a, a Chang leh, dawr bungraw remna chhuarah te chuan a han țhu leh vang vang thin bawk. A tawpah erawh chuan chutia awm reng chu a hne ve thawkhat ta a ni chek ang... Zorinpuii melh run run Chung chuan

" Hun khawhral hnem thei Kan ni tawh lo. Zaninah ngei Kan Kal a țul tawh ang" rawn tiin, a thil sawi tum awmzia chu Zorini pawh in alo hre chiang hle. A huphurh viau bawk. Nia, hetiang chungchang an chhungte hnena va sawifiah fo mao pawh hi a hreh takzet tawh a, an awihsak duh loh vaih phei chuan ama tan tak pawh zahthlak a tling in hnar a lian duh viau. Amy chu tawngkama chhan let chi ni rih heklo, a rukin a lû a bu ve nghat nghat a, chumi hnu reiloteaj Amy pawh chu a haw ve ta nge nge a ni. 

Sangpuia nen chuan inbe reng mahse a rilruah erawh zan lama an thil tih tur chiah awm tawhin, a hreh takzet. A thlan te chu a luang lo chauh tawh a ni ber e. 

A hun chu rawn thlengin peih lo ru fe chuan muangchang hian a insiam ve ta mual mual a, Amy pawh khan kil khat atang alo thlir reng. 

" Ka pui leh dawn che a, eng nge i huphurh em em" zawitea a rawn tih chuan Zorini chu alo thw chhuak hak mai. 

"Min pui fo mah la nang chu hmuh theih ini ve lo tlat alawm. Ka kutah engkim a tla leh vek dawn a" lo la ti fan in, a hreh takzet tih chu a hmel ah pawh a lang chhuak nasa hle. 

" i hman chuan Kal ila. Ruah a Sur hnai tlat in ka hria". Tiin Amy bawk chu inhnuai lamah a chhuk thla a, Zorini pawn muangchang hian a zui ve nghal. 

" Pa, chhuah lawk ka ngai a, I car ka hmang dqwn aw" tih pahin chahbi a ban zauh a, a nu leh pa te chuan chhang let lem lo hian maktij hmel deuhin an Fanu che zia chu an lo thlir reng ringawt. 

Tichuan, car chu tinung in an tum ram lam pan chuan an tlan duk ta zar zar a, a tu amah chu an la țawng chhuak leh lo ve ve. Zorini phei chuan sawitur hlawl a hre lova, a rilru a tawt deuh up up thei. Chu chu hrethiam in Amy pawhin ani chu biak luih a tum bik lova, hun thawl a mamawh tih a hria. 

Tichuan, kha tlangval boral ta Bialnu te in ngei mai kha thlengin a hma a alo hrilh lawk tawh ang ngei khan a phone ah chuan an han call ta a. In chhung chu luh ve kher pawh an tum hran lo. Reilo ah call pawh chu lo la ve hlauh in Zorini chuan an nihna te a han hrilh a, a bialpa hming pawh lam ri tel zauh in, chu nula beng chu a verh zui ta kher. Rang taka a rawn chhuah tur thu sawiin a sawi ang ngei chuan reilote ah a rawn chhuak ta bawk a, a hmeltha kher lehnghal. Amah chu nula te leh ria lam deuh, felfai thlap mai hi niin, a hmai a bial kerh reuh a, a mitmenh a fiah phian bawk. Zorini hmel a rawn hmuh chuan tlem in a tim ve deuh tih hriat tak hian a han tawi hrat hrat phawt a, mahse, Zorini zawk chuan nelawm thei ang bera lo nuih var var chungin a kut chuan a lo hui ta zauh zauh a, chutiang a nih takah chuan ani pawh chu rawn Kal chhunzawm ve leh in Zorini bul chiah ah chuan a rawn ding ve vat. 

" Muanpuii ini tiraw? Lo call tu che kha ka nia. Zorinpuii" tiin a kut a phar chhuak a, an in chibai leh phawt. Chutah, Muanpuii thung chuan thu dang sawi lo in rilru hah hmel em em Chung hian Zorini chu a rawn melh phawt a. 

" URuatfela chungchang ah min be duh niin ka hria a, eng nge thil awmzia?" a aw te chu a ngaihnobei tawk lek hian a tham chial lehnghal a. A hmel leh a aw mawlh mai chu a inhmeh thlawt niin Zorini chuan alo hre tawh. Mahse, 

" Nia, be duh e. Hetia min hmuh ang mihring hi ka ni lova, ti Mai Ila, keimah ah hian mi pangngai hmuh theih loh thil danglam leh inthup hi a biru reng a, I hrethiam pha kher lovang.. Tin, i awih lo bawk ang. Tunah hian eng thu pawh hrilh che Ila min lo hnial kalh lo tur che leh, tlan chhe lo Turin ka duh dawn che a, I thei ang tiraw? " ti hmasa te te in, a bula ding nula chuan fiah zet hian alo melh ve kar reng a. Chhan ngaihna a hriat loh hmel kher. 

" Eng thil chiah nge sawi i tum min hrih la" a rawn tih chuan Zorini chuan a mit alo la sawn vat a. Hmun dang hawi daih in

" I bialpa khan min rawn tlawh a!! Kan inbia a ni" a rawn tih chuan a bula ding nula chu a lo khuh chhuak țhat țhat thei a, a chil a hak a nih a ring. 

" Engmaw!? Tu nen maw in inbiak" awih loh hmel em em a a rawn tih rual chuan Zorini pawhin 

" I bialpa Ruatfela khan nizanah min rawn tlawh a! I chungchang pawh Kan sawi nual. Thudik hi hria la a duh a" tih paha a hmel ava en chuan Muanpuii mitah chuan mittui alo tling piau tawh a. A melh ngai melh hian a rilru a insual buai hmel viau bawk. 

" A ni theilo ang. Ka awih lo. Nang hian remchang zawngin kei hi min tihder i tum mai mai a ni" țah aw tiau a a rawn tih chuan Zorinipuii pawhin swi chhuah vat vat a hun tih a hre leh a. 

" Tumah hi bum ka duh lo. Ka bum ngailo bawk. Ih e, min awih la min ring hle rawh tih che hi ka tum miah lo. Mahse, hriat ka nei a, hmuh ka nei bawk a chu chu hrilh hriat che hi ka ba. Chu chauh chu. Nilo se, nang hi ka hriat zawng ini ngai lova, nangpawn min hre heklo, engtinnge heng lai lai ka rawn thlen theih dan te hii ngaihtuah ve zawk la tiraw? " lo ti leh zung zung in chu nula rilru hneh chu a tum nasa ve viau. Amy pawh kha ngawi reng in alo meng buai țan. Tihdan tur zawn vat a țul tih chu a hre ve tlat. 

" Ka awih lo che. Hetiang thil atthlak lutuk ah hian in hnamhnawih a buaina neih ka peih lo. Tikhan haw la lo Kal nawn leh tawh suh. Ka mipa hmangaih chungchang i rawn sawi dan vang ringawt ah pawh hian e ka nat dan tur ngaihtuah ve rawh. Pawi khawp mai ka kal a nge "  a ti bawrh bawrh in a țap uar sauh a, a inher zui vut bawk. Mahse, chutia Kal mai tuma a inher hnu chuan thil danglam rawn thleng in kha tlangval thlarau leh Amy te țang kawp khan nasa takin chu lai hmunah chuan thli thaw an rawn Siam ta a. Chu nula ngei pawh chu Kal chhunzawm thei tawh lo in a ding zui chat. 

Thei leh thei lo hian a hnunglam a ding Zorinj chu rawn melh in ani Zorini thung kha chuan eng thilmah hrelo ang mai hian alo melh let ve thung a. Chutah, Muanpuii bawk chuan mangan hmel em em a rawn au chhuak in

" Heng thil te hi ti tawp rawh. Tunge inih chiah a engvanga min tibuai nge inih" rawn tiin, Zorini erawh a lo nui duh lek a.

" Eng thilmah tih ka nei lo. Tihbuai che pawh ka tum hek lo. Heng hi chu i hmangaih em em Ruatfela tih vek anni zawk e" lo ti let ve in Muanpuii chu a meng phawk nasa ta kher. A hawi kual nghal ruai ruai bawk.

" Zawng duh suh, i hmu Chuang lo ang. Mahse, i thinlung chhungril ber atanga Rinna i neih tlat erawh in ka thusawi pawh I awih anga, i bul hnaiah khan amah a awm ve tih rinna pawh I nei thei bawk ang. Ring tawp mai rawh" a dar a vawn paha zaidam em em a ava tih leh chuan tlemin Muanpuii pwh chu alo nem ve ta hlek a. Mittui tling piau Chung hian amah chu a rawn melh leh bawk.

" Heng thil te hi ama tih vek an ni tak tak em. Engvanga ti nge a nih" awki hniam ruih a a rawn tih chuan Zorini pawh alo bu ve ta nghat nghat.

" Ka thusawi hi ngaithla chhuak hram la a duh a ni" lo ti ve vat in, Muanpuii thung chu harsa tij hmel zetin a han thaw chhuak halh phawt a. Nia, ani ang mihring pangngai tan chuan hetiang thlarau chungchang hi vawilehkhat a rin mai pawh a harsa ve ngawt ang chu. Mahse, a tawpah Chuan Zorini chu rin theih hram tum in,

" Han sawi ta che" a rawn ti ta nge nge a. Zorini pawh alo thaw huai thei.

Tichuan, Ruatfela'n thil awmzia a rawn hrilh ang ang te kha zep then nei hauh lo in a hrilh ve ta zung zung a, a khât tawkin Muanpuii chu alo țap ri leh ngawt thin bawk.

" He thil chungchang hi police hnenah kan thlen a ngai dawn a, nang hi kan mamawh che a ni" a tawp khar nana a rawn tih chuan uluk em em hian Muanpuii kha alo inngaihtuah ve mek tih hriat takin a melh ngai melh hian alo la țhu ngawi rneg a. Zorini pawh chuan a thutlukna tur chu zah sakin alo nghak ve ta ngat ngat.

" A chhungte chu hrilh hriat kher iti lo tihna emni?"  Muanpuii'n a rawn tih chuan Zorini pawh alo hawi buai hman hret a. Mahse, a pangngai zui leh vat.

" Ka sawi tawh ang leh thil awmdan i hriat sa tawh angin Ruatfela chhungte kha mi țha an ni lova, amah Ruatfela pawh an ngaihsak heklo a nih kha. Tunah hian a chhungte chu hrilh ve ta ila thubuai an nei leh anga, police hnena thlen chu sawi loh, an fa u zawk dikna duh in buaina min thlen ngei ang. Chuvang in, nangnen hian Kan țang dun Anga, i hmangaih Ruatfela dikna kha Kan hmuh let sak ngei dawn a ni " alo ti zui ta charh charh a. Muanpuii pawh chuan dik a tih hmel ta fu. Tichuan, chumi zan atana an inbiakna chu duhtawk in an inthen ta phawt a. A tuk lama chet chhuah mai tum chuan an inbiakna an duhtawk ta rih phawt a ni.

" Amy, kha nula kha a rintlak ang tiraw? A hlauh lutuk na lamah hian Ruatfela chhungte kha alo VA bia anga engkim a tibuai vek ang tih ka hlau hle mai"  a khum chunga mut dar dar paha Zorini'n a rqwn tih chuan Amy chu alo kiai ve sak a.

" Lo lungngai suh. Zanin zankhua in ka en thla dawn alawm. Ka lo let leh ang" ti zung zung in in chhung chu a Chhuahsan nghal a. Zorinpuii pawh  chu a ti bangbo hle. Amy chu nghah chhuah chi a ni dawn lo tih hria in muthilhsan mai a han tum a, mahse, a thei ta hlek lo. Muthilh tuma a mit a chhin rual in a chal ah chuan thil engemaw ni hi a rqwn far leh keuh keuh thin a, a dap zui vat. Mahse, light a off vek tawh avangin eng nge a nih a hre thei lova, tui far nimai turah ngai in en dik kher pawh a tum hek lo. A ngai te bawk in a mit chu a han chhing leh a, a saisir zawngin a mu tawh bawk. Mahse, chuti Chung Chung pawh chuan in chunglam atang hian a biang ah chuan tui niawm tak chu a rawn far leh țhin a, a hne ta kher. Tho chhuak vutin light a han on eng ta a le! Ni lo nilo, tui aw zawng nilo in thisen ngei a ni rawn far thin zawk chu! Eng nge thil awmzia hi. Rang fahran hian a puan zawng zawng chu a hlip nghal vek a, a bed sheet ah te pawh chuan chu thisen ngei mai chu a lo far Sen nuaih tawh mai tih a han hmuh chuan awmngaihna a hre ta lova, a za chhuak vek.. A khawng lo chauh bawk. 

Khur dur dur in bathroom ah a tlan lut vat a, a hmai te chu phih thuak thuak in a room lamah bawk a let leh. Mahse, chutah chuan eng thisen hnuhma mah hmuh tur alo awm tawh lova, a khum te pawh chu a hma ang mai khan alo thianghlim leh vek tawh si. A ngaihna hrelo zeta melh tlawk tlawk jn a taksa khur dur dur nen chuan ala ding tlawn reng a. A buai a ni. Mahse, chutia ngawi renga alo din reng lai chuan a balcony atanga nui thawm rawn chhuak chuan amah chu ti harh zawkin a hawi let nghal zawk bawk a, balcony ah chuan hmeichhe naupang niawm tak nui Har Har chunga tlan phe zuai zuai chu va hmu fuh thuak in chu lam pan chuan thinrim zet hian a tlan ve nghal bawk. A balcony daidang tu tukverh darthlalang chu nawr tawlh rawkin a han bih chiang a, hmuh tur engmah a awm lo. Chutihlai tak chuan a hnunglam ah pen thawm rawn awm in au khek ruai ruai chunga amah rawn beih tumtu an awm tih a hriat rual chuan a hawi let zawk a, chiang em em hian a khum Chung atang ngei mai chuan a rawn thu chhuak nghal hlawl bawk!! A mumang vek maw?! Ava awihawm loh zawk ve le. Tun lawka thil thleng engkim a hmuh fiah em em zawng zawng te kha a mumang vek maw an nih a? 

Chutia a țe chhuak hlut lai ngawi renga lo thlir tu Amy lah chuan amah chu maktih hmel fe a rawn en vung vung Chung hian 

" I mumangah eng thil nge i hmuh a" rawn ti var in, Zorini erawh ala tawng chhuak thei lo. A kha a chih tlat a, hlauhna hlir hian ala khat bawk. 

"Zorin, i țha em?" ti mawlh mawlh in a kalna apiangah a zui ve zel a. Zorini erawh in a ngaihtuahna chu ala hmang nasa tih hriat em emin a thawh hlim atang khan ala țawng chhuak eih lo bawk. Amy chu a ti mangang ve hle mai. 

Mahse, a tawp a tawpah chuan vanneihthlak takin Zorini pawh chu a rawn țawng chhuak thei ve ta hram a. Amy alo thaw huai.

" Khatiang khan tunhma in ka la awm ngai silova, a mak ka ti. A hrehawm ka awmdan hi.. Ka inhrethiam lo.. Engvangin nge tikhan ka awm Amy". Ti chul Chung hian a hmai sa huam huam te chu a han chul pah thuak thuak reng a, Amy lah chuan a awmdan te kha hriatpui ve hek lo, hnem ngaihna a hrelo kher.

" Engtinnge i awm sawi la. Hriat te pawh ka lo nei mial maithei asin" a rawn tih chuan Zorini pawhin a chil chu a lem ri zui khalh phawt a, a awmdan atang ala hlauthawng hle tih pawh a hriat theih awm e.

" Thisen tamtak ka hmu a. Ruang erawh ka hmu lo. Ih, ka khumah khan thisen ka hmu nual a, mahse a taktak erawh an ni silo, kha hmeichhe naupang kha khawi atanga lo Kal nge a nih ang. Engvanga min rawn rikrap mai nge an nih" a sawi buai nuaih na in Amy chuan alo hrethiam vek thung. Uluk em em a Zorini hmel lo en reng Chung chuan zaidam tak hian

" I mumang chuan awmzia a neih ka ring. I chakna leh i thil tum mek ah te tih hlauh che an tum a, hnung tawlh turin an duh bawk che tihna a nih chu. Mahse, inti chak la, hma lam pan pa hlau suh. Khang ho kha engmah an ni lo" a rawn tih tak dap dap ah chuan mittui nen Zorini chu rawn hawi chhuak in a khap zui sak sak a. Amy hian chakna pe in beiseina pe thar leh thei hram se a duh khawp mai. A duh takzet. Tluk chhiat a duh lova, amah Amy vang liau liau hian thudik lej midang te dikna hailan sak ve zel a duh bawk a, chumi tur chuan a rilru ngaihtuahna pawh a pawimawh tih a hria. A tlu sawp tur a nilo. Tunah pawh tihtur hmabak neiin a awm mek a nih hi... A hriatreng a ngai.

Police Station ah inzui lutin Muanpuii nen chuan police pakhat chu an thut chilh ta ran mai a. Hetih lai hian thlarau tlangval Ruatfela pawh kha awm ve in Amy nen kilkhat ah an lo ding dun kar bawk a. Ruatfela chuan a hmangaih a Bialnu chu lungchim taka melh vawng vawng in a ngai takzet tih pawh a mitmengah chuan a hriat theih awm e. 

" Pi te u, eng ber maw in buaina chu"  an hmaa țhu Police SI mitmeng rum zet chuan rawn ti thum dutin, an ni pahnih chu a melh tawn rulh rulh reng bawk a. Hetiang lama hnu hma la nei ngailo Muanpuii zawk kha chu a zam chhe ti tih der tawh. Chutihrualin Zorini thung kha chuan inringtawk taka awm a tum lui hram hram a, a theih ngei pawh a ring. Tin, a mumang te kha ngaihtuah luih loh hram tumin intih chak a duh a, a zangkhai thei ang bera awm chu a tum a ni ber e. 

" Ka pu, ka hrilh lawk ang che. Kan buaina hi a na mai dawn lova, nangpawh in dawhthei taka mjn lo ngaihthlak sakin fiamthu ah min laksak lo la kan duh dawn a ni" Zorini chuan thutak angreng taka rawn ti hmasa in chu police pawh chu alo kiai ve suk a. 

" Fiamthu in rawn thawh te a nih loh chuan fiamthu anga lak chi te chu kan hre hrang ve ang chu tiraw mami" rawn ti ve in, amah bawk chuan

" Chuan, han sawi țan mai ula. Hun hi a uiawm duj viau a nia" ti leh zatin, Zorini chuan a huphurh you hriat tak hian thawk a han la zui hawk phawt a. Nia, mihring pangngai tan chuan a thil sawi tur hi awihawm loh khawp a thil mak lej nuihzatthlak a ni dawn si a, a tan hian a huphurhawm ve thin reng. 

" Chhungkaw pakhata an fapa upa zawk chuan a nau mipa chu that in midang hnenah dawt a sawi a. A nau chu mahni intihlum ang maiin a chhuah ta a ni. Mahse, chu a nau boral ta ngei thlarau chuan Inpuanna rawn neiin a unaupa in a thah chian zia thu te chu a rawn puang ta si a, engtinnge hma min lak pui ang. Tin, hei ka bula țhu nula hi chu tlangval boral ta Bialnu hmangaih em em leh a nupui tur hial pawh ni tawh kha a nia. Ani hi tualthattu pa chuan bum in a thlem a, a vau thin bawk a, ani pawh hian sawitur a neih nual ka ring" Zorini a rqwn tih rual chuan chu Si hmel ah chuan danglamna em em hmuh tur awm lo mahse Zorini thusawi erawh kha chu a awih hmel lem Chuang loh. 

" Chu chu in buaina diktak a ni chiah maw. I rawn phuahchawp lo tiraw" Muanpuii lam hawi pah in

" He nula thusawi kha a dik reng em. I bialpa unaupa chuan a thlem in a vau thin che tih kha a dik chiah em. Han sawi zau ta che" a rawn ti leh ta a. Zorini kha chu a rukin a lo in hum ruh nasa tawh kher. Muanpuii zam chhe lutuk hian thil zawng zawng a sawi buai vek ang tih kha a hlauthawng a ni ber awm e. Mahse, a rin loh dan takin Muanpuii thung chuan thudik engkim mai chu felfai takin a rawn sawi chhuak ve ta a. Nia, a bialpa thlarau ngei chuan amah pawh rawn tlawh  ve in a Chen chilh tihte thleng chuan a sawi chhuak ta vek a. Tin, a ngaih em em thu a sawi lai chuan a mittui pawh tla in a insum zo lova, a țap chhuak ta hial a nih kha. Chu chu Zorini khan lo melh ve reng in a khawngaih lutuk vang chuan ava kuah zui ta hial a nih kha. An ni pahnih khawsa zia chu SI pawh chuan tihngaihna vak a hrelo a ni ngei ang a dawhkan melh in a ke te chu a phut leh hlarh hlarh thin ringawt a, an țawng chhuah leh hun chu alo ngai Chang a ni ber e.

" In duhtawk dawn tawh em aw"  anni pahnih melh rulh rulh chunga a rawn tih leh takah chuan Muanpuii pawh kha insiamtha sawk sawkin a inthiamlo hle tih a hmel ah a lang bawk a, a bialpa Ruat Fela pawhin kilkhat atang khan alo la thlir ve reng bawk. A khawngaih hmel takzet. 

" Min lo hrethiam ula, in thil sawi zawng zawng te kha ka awih lo tihna nilo se, thu awihawm tak chu niin a lang thei dawn emni ka ti. Mahse, a tawng tu inni a, ka tawng e inti miau bawk si a, hnial che u ka tum hauh lo. Amah erawh chu, han puih vak dan che u chu ka hrelo a ni. A thuhrim in, kha case kha chu case close tawh a ni hrim hrim a, hma lak vak dan a awm tawh lo. Ama nunna ngei a la a, keini tan tih theih a awm lo" Police pa in a rawn tih rual chuan Zorini thinrim insumthei lo chu a ding chhuak ta hluai mai a. A dawhkan chum rik bûr pah chuan 

" Sawi kual duah lo khan I awih loh thu kha chiang takin sawi mai rawh. I hmu em? A chanchin Kan sawi mek thlarau Ruatfela lungngai hmel saw.. I hmu thei tawp nang. Kei chuan ka hmu asin. Ka pu, kan dik zia fiahnan hian eng nge i duh sawi rawh. Kan ti Mai ang. Kan dikna hi min chhui chhuah sak la chu chiah chu kan beisei. A bak Kan duh lo. Zalen taka pawi khawih tu a leng vel mai mai hi kan hmu duh tawh lo" ti leh tuarh in a thinrim lutuk chuan a tu amah chu a zah zo tawh lova, a ri buan buan hi a ni mai e. 

SI meuh pawh khan amah chu phawk hru a rawn melh ve in che lo Chang lo hian a thlir ta reng ringawt a. Sawi mai tur a hre lo ni berin a lang. Chutah, a tu a te mah chu an inrin lawk hma hauh in SI dawhkan sira a lehkhabu remthat na chhuar chu a rawn insawi che ta dawt dawt mai a, chhuar chhunga lehkhabu chhah pui pui te pwh kha dimna tel map lo hian Ruatfela khan a rawn sawi thla ta phawk phawk mai a nih chu. Thawklehkhatah SI pwh chu a thutna atanga tho chhuak zawkin thil thleng mek te chu tihngaihna hrelo leh hlau ru angreng tak chuan a melh ve ta vung vung mai a. Chet ngaihna tak pawh a hre tawh lo zawk. Hetih lai hian Muanpuii pawh kha hlauthawng takin a hmui hup Chung hian a lo ding khawng ve reng a. Amy leh Zorini te thung chuan an awm hmun chu sawh sawn lo in mahni inring tawk takin thil thleng mek te chu an lo en ve miah miah. 

" Tu thil tih nge, ti tawp rawh" tia SI a rak chul hnu chuan Zorini pawh kha muangchang hian a rawn tho chhuak ve ta nge nge a. 

" Ruatfel, duhtawk phawt rawh. Kan pu hian tunah chuan kan thu a awih in min ring tawh turah ngai ang" tiin Ruatfela awmna lam chu ava hawi a, Ruatfela pawh chuan ihe lo in a thil tih lai chu a ti tawp zui ve ta vat. Police SI hlauthawng lutuk kha a thlan te pawh an tla hluak thei tih chu Zorini chuan a hmu ve kar a, a hmai nise a sen țul tawh bwk si, a khawngaihthlak zawk. Thawm a reh hnuah pawh sawi mai tur hrelo in khuavang Kal lai ang hrim hian an ngawi thap a, chu lai hmun chu a reh tlawk tlawk thei. 

Thaw hawk chungin SI chu a thutna ngaiah a han thu thla leh hnawk phawt a. A thaw deuh hluai nghe Nghe. Zorini leh midangte chuan amah chu melh in a țawng chhuah hun an lo ngai Chang reng tih chu hre mahse sawi mai tur a hrelo nge, a hlauhthawnna ala reh lo bawk nen a țawng chhuak lawk theilo. A hmaia thlan tui rawn bawl leh țak țak thin te chu hru fai thuak thuak in a tawpnan thawk a han la leh hawk phawt a, hma lam chu a rawn hawi ve thei ta hram e. 

" Kha thil kha ka rin vang leh ka awih vang ni lo in in case chu ka lo buaipui țha leh ang e. Tin, a rang thei ang bera chin fel ni turin ka lo buaipui bawk ang"  zawi angreng taka a rawn tih tak supah chuan chulai hmun a awm ho chu an in mitmei a, an nui ta var var hlawm. 

Station an Chhuahsan rual in a hmai sa hut hut te chu Muanpuii chuan a han nuai leh nawk nawk thin a, a nui sang reng bawk. 

" Case chu la fel hauh lo mahse la, thawven khat chuan ka thawveng e" a rawn ti a, Zorini pawh chuan a hmel chu uluk taka lo melh ve in a nui ve var var. Tin, Muanpuii hi hmeichhe hmeltha a tih zawng tak a ni bawk a, hmuhnawm a ti phian. 

Chumi zan chu tui taka muhil thei in Zorini pawhin tibuai tu maksak zet zet kha a nei tawh lem lova, a mu tui phian. Mahse, zing a țhanharh rual rual chuan a phone lo ri ve bawk nen a meng dur angreng hle a, a phun zui nuah nuah bawk. Mahse, a phone a han en chuan a number hriat ngai loh atang alo ni teh daih a. A la nghal vat. 

" Hello" thophang aw taka a tih rual in a lehlam atang mipa aw thum dut hian

" Nula Zorinpuii ini em aww?" a rawn ti ve vat a. Zorinpuii chuan amah ngei a nih thu chu lo sawi ve in a lehlam atang mipa bawk khan 

" I theih chuan station ah min ranw hmu dawn emni? Ava pawimawh em. Nimina i rawn kalna station ah khan nise" a rawn ti ta e. Chu veleh Zorinpuii chu nasa zet hian a thaw chhuak nghal hawk a. A hmaa thil awm te hi a huphurh takzet a ni. A hreh ngawih ngawih. Phone an dah hnuah amah lo thlir reng tu Amy chu ngawi renga va melh in ani Amy lah chuan a rilru chu hriatpui tak hian nui hmel pawh pu hauh lo in alo thlir ve ngar ngar reng a. 

" Ka hria lawm Zorin, hetiang thil i tih ve fo a ngai mai te hi pawi ka tih pui che. Chutihrualin in chakna i nei a, hnehna i Chan pui zel avang erawh chuan ka lawmpui che a, I huaisen ka ti takzet bawk. Tuna I huaisenna ang kha nei reng la dah bo lo la ka ti"  chu a hnem na tawngkam chuan Zorini thinlung ah nasa taka thusawi in a zang khai phah huai huai thei a, a ruk hian a hlim veng veng bawk. 

Tukthuan eikham ah a kalna tur chin pawh sawi lo in police Station lam chu Amy nen khan an pan dun leh ta a. Muanpuii a rawn tel ve bawk. Tin, anmahni tawi awm tur chuan thlarau Ruatfela pawh kha alo tel ve. Amy nen chuan midang te chuan hmu ve thei hek lo, mihring pangngai ho karah chuan Kal ve zel in a khât tawk hian an infiam zuk zuk reng a, tlangval tha za tih takah Ruatfela phei kha chu a awm hle hle thei lo, a hma chiah a Kal nula sam te kha va khawih fuh tumin a tin zuau zuau reng a, Amy chuan alo khap ve zuk zuk reng bawk. An ni pahnih Khawsak dan chu naupang chhia a tih em avangin Zorini kha chuan melh pawh a melh peih lova, Muanpuii chu sawitur em em hre silo hian a be lui ta ngat ngat zawk. 

Station chhung an lut a, Zorini te thian dun chu Police SI khan a room ah ko hrang nghal in, SI thutna an va lut chu le.. Ruatfela nu leh pa lej a unaupa te kha an lo awm reng tawh tih an va hmu a, an ding khawng nghal at. Zorini tan chuan eng em em nilo mahse, Muanpuii tan tak chuan hmuh an hrehawm a, a thin phu a nasa zual hle. 

Zorini te hmel an rawn hmuh rual rual hian Ruatfela unaupa Sawmkima khan a kut zung țang meuh hmuh in an ni chu a rawn kawk nghal ta sak sak lehnghal a, a hmel chu thinrimna a khat in a sen vek tawh bawk. 

" Nang ni pahnih inthurual khan dawt in min lo puh ve ngam a maw. Heng hi dawt sawi a fiamthu thawhna chi a ni emni? In va han Mawl dun em em ve"  rawn ti nghal phiar phiar in Zorini chuan dawihzep hun a nilo tih a hrethiam vat a. Zamlo leh zaklo ang takin chair ah chuan a thu zui nghal hmiah. 

" En teh thianpa, mi pangngai inih chuan khatiang khan midang te be tawh suh. Ihmaw, he case ah hian dawt in tumah kan puh lova, kan uang lova, a nihna diktak chauh kan sawi tih ilo hre dawn nia. I nihna kha pawm la, i thil sual tih kha zep bo tum lo bawk la mi țha ini mai. Tichuan, i Chan tur diktak Chang tur in I rilru Siam fel bawk rqwh. I hahdam hma zawk ang" ti salh salhin Sawmkima chu a melh kar mai bawk a. A zam duh hauh lo. Chutah, Sawmkima nu, a bula ding reng nu upa lam tawh pawh kha rawn tawng chhuak ve leh in, ani pawh chu a fapa ang chiah a thluak neilo bawk, pawr nghal em em ringawt mai. 

" Nulate u, keini chhungkua hi chu mi pangngai mai kan nia. Tihbuai chi Kan nilo asin. Sum in duh a midang tihbuai in duh rau rau chuan keini aia mi hausa leh awm thei zawk te va tibuai zawk ula, keini chuan in duh ang zat pawisa pek tur che u pawh Kan neilo ang " rawn ti khanglang in Zorini thin chu a khei ta Zak mai le. 

" Sum duh vanga heng te hi ti angah min ngai a maw? Ka pi, hre rawh. Tunah hian I fapa naupang zawk case Kan buaipui mek a ni a, engtinnge khatiang khan thil Ila sawi theih zawk a. A that tu chhui chhuak tura theih tawp chhuah a tal buai phili tur zawk ini lo emni? Keini hi ni lo in. I kum a upat tawh nen i che zahpuiawm reuh hlemai ka ti" a sawi zawh rual in nu ber bawk chuan awki sang angreng fe hian

" Thah nilo in mahni intihlum a ni a, eng nge buaina tur awm" ala rawn ti ve pang pang a, chuveleh Zorini pawh chuan zam duh lo fe mai hian

" Thah a nih vanga case close hnu khawih that tir leh Kan ni e. A that tu I hre duh em? I bula ding I hmangaih vanga I at phah vekna I fapa Sawmkima ngei kha zawt ve tawh mai rawh. Ani khan a hrechiang ber ang" a rawn tih chuan Sawmkima kha alo au chhuak that thei a. Chu room chhung chu a ri zui nuai nuai hi a ni ber tawh e. 

" Tikhan min ti miah suh aw. I hriat chian loh ah lo inrawlh ve vak lo Mai rawh nula. I duh aia thui I buai palh a nge" Sawmkima'n pawr angreng fe a a rawn tih laiin Muanpuii kha a rawn inrawlh ve ta hlauh. A bag ah lai atang chuan diary niawm tak hi rawn phawrh in a pharh nghal a, SI hnenah chuan a keng phei vat bawk. 

" Ka pu, nizan khan diary ah hian ka thil tawn te ziah tumin pen nen ka inchhawp a, mahse, ka theilo. Mut chhuak nasa tak hian min rawn ti buaiin ka muthilh San ta a. Mahse maw, zing a ka han harh leh chuan hei he thil hi a lo in ziak ta nuaih mai a, ka hrehthiam lo. Han en la, a kut ziak leh ka kut ziak pawh a in ang lo tih chu i hrethiam ang" tjin Police pa chuan diary chu uluk tak hian alo bih ve ta Ngur ngur a. A chhunga thu inziak te chu a ri in a rawn chhiar nghal bawk. 

" Thah ka ni! Min that tu pawh ka pian pui ka thisen zawm ka unaupa ngei a ni. Man ula a Chan tawk hremna pe rawh u. Kei hi mahni intihlum nilo in ka unaupa leh a thiante kuta thi ka ni a, tichuan, inkhaihlum anga ka lan theihnan min sawngbawl kual bawk" tih chu alo ni a.

"A kut ziak chu a pherh țha hlemai. Nula kut ziak a nilo tih chu a chiang. Le, Malsawmkim, hetah hian I inpuang dawn nge, court sangah duh lo Chung chungin i inpuang zqwk dawn"  SI bawk khan rawn ti leh in, an ni chhungkua chu a melh ngun angreng viau lehnghal a, a mitmeg rum lutuk ringawt te pawh kha a zam hma chi tan cuan zam rum rumna tham a ni e. 

" Ka that lo. Kei hian tumah ka that lo"  bul hmuk a a rawn tih rual chuan Amy dawhtheihna khan a tlin ta ngang lo nge ni. Sawmkima samah chuan va țham thawr in a lu chu a thin sak ta ngheng mai a le! Malsawmkima pawh chu a rawn țe chhuak ruai ruai thei. Amy'n a thlah rual chiah in makti fe hian a hawi kual nghal ruai ruai a, a tal buai viau. Chutah, Amy tho chuan ala duhtawk hauh lo. A hmaiah ava ben sak leh a, a hnungzang te chu chumin a malpui ah a pet sak chawrh chawrh a, Malsawmkima chu a buai teh e. A phi kual sek a, a au a, a na a tih thu sawi in amah khawih tu chu a zawng khu ruai bakw nen, chu lai room chhunga awm ho chuan makti deuh hian amah chu an lo thlir thap reng a, police pa phei kha chuan Zorini leh Sawmkima chu a melh tawn Zak Zak hi a ni ber e. 

" A tawk! Duh tawk rawh! I thih dan chu ka sawi em em ang... Aw... I nunna ka lak dan kha engkim ka sawi ang" țap pur chunga a rawn tih tak chiam ah chuan Zorini alo thaw huai. Chutihrualin  Ruatfela nu leh pa te erawh kha chu an phu deuh zawk tih a hriat theih a. A nu phei kha chuan a fapa chu awih loh hmel taka va melh in a vuan bet a

" Ka fapa, eng thu nge i sawi tak" lo ti chul in, a fapa, mi a ang maia tal buai mek erawh kha chuan a nu pawh rawn melh Chuang lo hian Chung lam a melh kual a, a meng â vek tawh 

" Aw ka swi ang. Aw ka nu, ka nau kha Keima thah a ni. Dawt ka sawi ka tihpalh" a rawn ti leh ta nge nge a. Amy leh Zorini chu a rukin an lo in nuih ta sak. Chuveleh SI pawh chuan hmanhmawh angreng takin a nau te a ko khawm nghal zung zung a, chu misual mahni nau te pawh hlut lova that duh tu Malsawmkima ngei mai chu lock up a dah nghal tur a thu pe in Zorini te thian dun hnenah chuan lawm thu a hrilh bawk. A bak chu court lamin an Chung thu a rel tawh tur thu a hrilh hnu chuan Zorini te ho pawh lawm takin an inzui chhuak leh ta diah diaj a. Thlarau pahnih te mawlh chu an hlim e. An khi sang reng mai. 

" Zorinpuii'n hnehna a Chang leh ta e". Hlim em em a Amy'n a rawn tih chuan Zorini chu alo kiai ve sak a. A khum chunga bawh ar ar pah hian a phone chu kheuh in Amy hmel a rawn melh zawk. 

" Thu tawp ala awm loh kha" zawi deuh a rawn ti ve in Amy thung chuan

" Tualthattu ber a inpuang tawh a, eng dang nge Ila beisei. He case hi chu i kham lo tih ka hria alawm" awmze nei taka mit siaiin a nui zui deuh var var. Zorinpuii'n chhanna a pek hma hret in Ruatfela kha a rawn lang ve hlawl bwk a. Ani pawh a hlim a ni ngei ang, a khi deuh sang reng mai. A mitmeng mawi leh hlim em em a Zorini rawn melh pah chuan aw dam dap hian

" Zorin, ka lawm e. Heng zawng zawngah hian lawm thu sawisen loh ka ba che. Rul let thei che Ila ka ti ngawt mai"  a sawi zawh rual in Zorini chuan alo chhang let vat a. 

" A ho lutuk. Heng hi chu ka tih fo thin leh ka la tih lehzel tur a nia. Inthlahrun a ngai lo. Tunah chuan rilru dam takin awm tawh la, i hmun turah pawh Thlamuang takin Kal tawh rawh" nui san san a lo ti let ve in Ruatfela chu rei pwh a awm lova, a bo zui mai. Chuveleh, Amy lah khan awmze nei zeta a aw te chu rawn thian velin Zorinpuii thin a rim ta takzet E. A Bula lukham chu la sawk sawk in Amy chu ava vawm zui ta pawp mai a, thlarau a ni tih in theihnghilh țhak khawpin Amy lah chu alo biru hman. A hlimawm thin e. 

*********************. ********************** ********