DEAR AMY SEASON 2 EPISODE 1

DEAR AMY---SEASON 2 EPISODE 1

Vanlalpeki Fanai

*****************

" Zorinpui, tho ta che!" Vin zeta rawn ti thawm ah chuan rang lutuk in Zorini chu a mutna atang a inbeng kang nghal awk a. A hmasa ber a tan Amy hmel kha a hmu ta phawt. Engti zia leh ta nge ni. He thlarau nu mood hi a fuh leh vak tawh lo tihna a ni thei a ngem. A rawn vin țha țhak țhak em asin.

" Eng nge... Nizan ka mengrei a, ka muhil Har tih i hre vek sia, tunah dar 6 chauh ala nia, I mak eee Amy" ti nuah nuah in Zorini chuan a mit a nuai a, a ham pah bai bai reng bawk. Mahse, Amy thung kha chuan ner nawng nawng chunga lo en ve rneg in

" Pasal i neih dawn kha" a rawn ti ta Mai a! Zorinpuii a meng phawk chhunzawm leh nasa. A awih lo lutuk.

" Engmaw? Pasal ka nei dawn maw? Dar engzat ah" ti hu in, a hawi kual nghal ruai mai bawk a. Ava han awih lo tak em.

" I nei dawn a ni lawm ni" Amy lah chuan a ke hmanga chhuat phiah hliau hliau pah hian thutak lo fahran chuan a rawn ti ve leh mai bawk a, Zorinpuii thin a rim lo chauh tawh.

" Amy, tunlai chu eng nge i hriat a min tihder ve ziah a. Thlarau ve si, mi tihder te han hrat. I thiamlo ropui sia, ching ve tawh suh" ti zui hlak hlak Chung chuan a tho chhuak a, Amy lo nui vur vur pawh chu hmu lo der in bathroom ah a lut tlang vat.

Vawiin hi a bialpa Sangpuia piancham kha niin, thian tlem a zawng sawm a lawm ve ngei pawh an tum a, an inbuatsaih mek bawk.

" Amy, zanin chu lo Kal ve la" a hmai chei hliau hliau pah a a han tih chuan Amy chu nungchang țha fahran hian bang kil ngheng in alo ding ngawi reng a, hnuai lam a melh deuh tlat bawk.

" Amy" ring deuh hlek a Zorini'n a han tih nawn leh takah chuan Amy pawh chu harh chhuak ve zawk niawm tak hian a rawn hawi chhuak vat a. Chiang em em in Zorini hmel chu a rwn melh kawk kawk mai bawk.

" Min bia emni?" a tih rual in Zorini chu alo chek deuh hlak thei a. Mak a tih hmel kher.

" Bia e. Be mawlh mawlh e. Eng thil nge ilo ngaihtuah a"  ram zeta tih pah chuan a hmai bawk chu a han nawih țha leh hliau hliau a, hmeltha hi chu a inti ve chiang Ania.

" Eng ngaihtuah lo ve. Zanin tlai chawhmeh tur a tan i nu khuan eng nge Siam leh a tum ang tih ka lo ngaihtuah daih" a rawn tih chuan Zorini nuihza lutuk chu a rwn baw chhuak hawk a tih theih awm e. Rang taka Amy awmna lam hawi leh pah chuan

" Awi, engatan nge chu chu ilo tih ve a.. I ei ve chak deuh emni"  nuihza fahran chunga a han tih chuan Amy chuan nin hmel zet hian alo ner khum nang nang a, ala ding zawi reng bawk.

" Tlai tin in chawhmeh van zia a sawi reng a, fridge a hawng a, chawhmeh hlirin alo khat thin bawk sia. I pa lah khan behlawi bai a hne tqwh zia a sawi reng a, I nu in a Siam erawh chuan a ei teuh zel tho a" hmui hup Chung chuan a rqwn nui ta kiah kiah mai a. Hemi te chhungkaw Khawsak dan hian a nuih chu an ti za ve thin hle niin a hriat. Chu tihrualin Zorini thung kha chuan a thil sawi te chu ho tih hmel fe hian a hmui a lo tih sawih khum ve thung a. Chhan pawh a chhang let peih lo. Thlarau pakhat ve meuh ngaihtuah a tan chuan ho a ti hle ni tur a ni.

" Chuan, zanin chu ilo Kal ve dawn ta em"  Zorini bawk chuan rawn ti țha leh in, Amy thung kha chu alo thaw vei hak reuh a. Ala hriat mai loh thu in alo chhang.

" Rawn Kal ve ziah pawh hi tuman min hmu thei bawk silo, enjoy a Har ve e" ti nung nung chungin pawnah a chhuak zuia. Zorini nuih chu a za telh telh. Mahse, khua a rawn thim a, a hun a rawn thlen meuh chuan Amy chuan a nep phal leh ta thawt lo te pawh a niang chu Zorini hnung zui bawk chuan a chhuak zui ve leh ta hnak hnak a. A ngawi deuh kar reng bawk.

" Zorinpui, Sangpuia tih loh hi chu bialpa thlak tawh suh aw" hnung lam atanga a rawn tih thut chuan Zorini chu alo phu nasa teuh kher. Amy chu va melh deuh rawm rawm Chung hian a han chek zui hlak mai a

" Engvang chuan" a ti nghal zat bawk. Chutah, Amy lah chuan nui hmel pawh pu duh miah silo hian 

" Kan inhmelhriatna la rei loh ngaihtuah in bialpa i ngah tawh lutuk. Then ngun si" a rawn ti leh ta khauh mai a. Zodinpuii ban rawn Vai lo bum zauh Chung chuan a kun hniam nghal vat. 

" Țawng tam suh aw"  Zorini'n a tih leh lai takin Sangpuia pawh kha a motor nen a rawn thleng chhunzawm a, an thu lut nghal vat. An țhu lut chiah tih in Sangpuia lah chuan zawn nei ang mai hian a motor chhung chu a en kual nghal hrek hrek a, chu tak chu Amy khan thil awmzia Alo hai lo nasa. Hnunglam atang chuan pawr angreng fe hian 

" Tlan mai mai teh mawlmuk" a rawn ti a, Zodinpuii alo nui chhuak hak. Chu veleh, Sangpuia lah chuan a Bialnu chu phawk zeta melh Chung hian

" Sawi a nei emni?" a rawn ti vat a. Zorini lah khan la nui hak hak Chung hian

" Nei love, tlan tawh rawh" a ti a, Amy chu ava melh rang nghal hle lehnghal. Chutihlaiin Amy thung kha chuan engatanmah a ti lo tih hriat tak hian a ke te chu motor seat ah chuan a hlang kang ar ar a, a zai vel a nih chu! 

Nia, Amy hi thlarau fel leh Chimawm ve thei tak nimahse, amah hmu a hrechiang ve lo tu Sangpuia hi chuan ala rap deuh tlat tjin a. A awm ve ni a a hriatna hmun hi chu a ngaina lo thuai mai țhin. Majse, a hmangaih a Bialnu kawp pui a nih miau avangin engmah chu a sawisel ngam lova, dawhtheih a zir nasa hle zawk. 

An party na hmun tur hotel pawh chu va thleng in an thian sawm thenkhatte pawh an lo zi ve mar mar tawh a. Zorini te thian dun hmel an rawn hmuh chuan an lo lawm thiam hlawm khawp mai. 

Amy lah kha ngawi reng hian Zorini hnungah a rawn Kal ve zel a, a mit te chu a khât tawk hian a len kual deuh reng bawk nen, chu hmun chu nuam a ti miah lo tih a hriat theih. Mahse, Zorinpuii veng him tu thlarau kha a nih miau avangin a kalsawn daih a thiang lova, nuam lo ti Chung Chung pawh a alo awm ve chu a hna a ni tawp mai a ni.

Tichuan a Kal tur ang ang an thlen kim hnu chuan party pawh chu țan nghal maiin an ri zui deuh hlut lehnghal a, cake zaina hun te neiin wine no chu an dawm deuh far bawk a, an hlim ve kher. Chutihlaiin uluk em em a lo thlir reng tu bangkil khata lo thu ngawi reng Amy khan an thiltih mek te chu awh hmel em em Chung hian alo en ve doh doh reng a, a khât tawkin a hmui te chu a liak huh leh zauh thin bawk. Zorinpuii teh hrep lah chuan a rawn ngaihven tawh miah lo lehnghal a, tihtauh hrat tak mi chu nise a titau haw duh tawh maithei a ni. Mahse, hei hi chu Zorinpuii mizia ve reng reng a ni a, hlim taka a awm theih lai hi chuan ani hi chu a hre chhuak ngai lo hrim hrim. Chutihrualin, han kalbo zeuh se mawng a hawlh ang ruaiin a phi leh cheng thin thung a. Hm.. Chung thil vel ngaihtuah pah chuan Amy chu a khât tawk hian a kiai leh sak sak thin a, a hmuh ve hauh siloh in Zorini chu rum em em hian alo melh ve leh nghek nghek thin.

Darkar a liam leh hret a, an party na hotel chhung chu boruak a reh lo in mihring nise an thahnem phian a, thawm a tam angreng hle. Chutia hlim taka an lo rik chel chul lai chuan thawklehkhatah an awmna atang a hla vaklo ah hian thawm danglam rawn chhuak in, hmeichhe pakhat chu a rawl tawp tawp in a au chhuak ta ngheng ngheng mai a, hlau leh thlabar chunga au chhuak tih takah chu thawm chuan mihring a hip khawm chak in, chu lam pan chuan an tleh zui nghal dul dul mai bawk. Hetih lai hian Zorini te thian ho pawh kha thawm awmna lamah chuan an tlan zui ve dawr dawr a, Amy erawh kha chu an kiangah hmuh tur alo awm tawh lo thung.

Thawm lo chhuahna an va thlen phei chuan reception counter bulah hian chu hotel a thawk room service niwwm tak uniform ha hmeichhe pakhat hi hlau leh thlabar in chhuat ah alo chiau vawn vawn reng a, a țah nasat lutuk na lamah a thusawi te pawh chu chiangkuang in a hriat theih loh hial mai. Mi te chuan bawr in thil awmzia chu zawh chhuah tum ve ngei mahse la amah ber kha ala pangngai theih loh miau avangin an din hual thup reng a, an nghak ta ringawt.

Tichuan, tui in tur te pe in, hun reilote an nghah leh hnuah chu nu pawh chuan thil thleng te chu a rawn sawi chhunzawm ve thei ta hram a. A sawi dan chuan, khatia room pakhat a an mikhual mamawh pe tura a lut kha a tirah chuan alo reh thap mai a, a ko nasa hle nghe Nghe bawk. Mahse, vawi engemawzat a koh hnu pawh a a rawn chhan tak mai siloh ah chuan ngaihtha lo in a vak kual țan ta a, chuta bathroom lam ava en nak chuan inbual kuangah thisen hlira khatin tuemaw chu alo mu reng tih chu ava hmu ta thut mai a niawm e! Chu bual kuang lam chu khur zawih zawih chunga pan zelin a theihtawp a hnai a a han bih chian chuan hmeichhe taksa tih a hre thei ta a, chu chu a ni ti hlau zual em em tu chu. Ni e, kha room ah khan hmeichhia nilo in mipa zawk a rawn thleng tlat si! A nih chuan chu hmeichhia chu engtik lai a rawn lut nge a nih a, khawiah nge a room luah tu diktak zawk mipa kha a awm tak. He nu hi tunge a nih. Chu veleh, hlauthawng em em a au chiam chiam chungin room service nula chu inhnuaiah a rawn tlan thla ta a, tiang khan an awm zui ta nuai nuai a nimai e. Thil thlen dan a sawi zawh rualin chu hotel manager niawm tak, felfai thlap a coat suit nena in duang zar chuan rawn thut hnaih vatin amah hnem mawlh Mawlh pah chuan awki hniam lampang hian

" Room number engzatna nge i sawi thei em. Mangang tawh suh police kan call tawh e" a rawn ti ve a. Mahse, hmeichhe mitmengah kha chuan a mangang hle tih chu hai rual a ni silo. A meng â vek tawh a, manager hmel pawh kha a hmu fiah meuh a ngem tih pawh hriat a ni lo zawk.

" Room... Room no. 79 ah" rawn ti chhuak hram in, midang ho pwh chu an lo phun zui nghal mar mar thei. Chu veleh Amy pawh kha rang taka bo zui ve  nghal in, Zorini chuan a thlir deuh reng a, umzui erawh a tum lo thung. Umzui pawhnise phal sak a ni dawn Chuang lo tih chu a hriatchian em avangin hlauthawng tak chuan a bialpa kut chu a chelh tlat a, a khur ve ti tih hial. Hlim taka an awm laia hetiang thil rapthlak alo thleng thei chu mak a tiin a tiril a khur ru ve hial a, hrehawm a ti takzet bawk.

Chutianga an lo la rik mam mam lai chuan police te pawh rawn thleng chawpchilh in room 79 lamah chuan manager ho chuan an inzui chho ta diah diah a. An che vel chu Zorini khan alo la thlir ve reng. Tun thleng thleng in Amy khan in chungah chuan eng thil nge a han tih ang. A chhoh atang khan darkar 1 dawn a liam tawh a, ani lah chu ala reh veng veng bawk si. A ruk tak chuan a unaunu chu a ngaihtuah ve takzet. A thiante ho in haw mai an rawt sek lai pawhin Zorjni thung kha chu Amy ngaihtuahna nen a chesawn duh hauh lo thung a, a bialpa Sangpuia pawh chuan a awmdan chu hrethiam lo lek lek mahse Zorjni mitmeng zawk chu hrethiam leh in a din chilh ve ta reng ringawt.

" Amy a awm lo emni?" midang hriat ve hlau taka a han bek bawrh chuan Zorini khan a lû a lo bu deuh nghat a. Sangpuia pawh chu tih theih nei silo in a thaw zui deuh nghal kawk. Tichuan, an thiante lam hawi chungin

"Min lo kalsan mai ta che u. Kan nu hi a tha khur ala reh fel thei lova, Ka'n nghak lawk a nge" tia chhuanlam Siam in a thiante ho chu a tir haw thei ta hram a. Anni pahnih erawh thlarau Amy nghak chuan kil khatah midang che vel nghah pahin an lo thu ngawi ta reng ringawt.

Darkar chanve dawn a nghah hnu chuan Zorini chu ding chhuak hluai in Sangpuia pawh chu a ti hamhaih lek lek hman hial a.

" Eng nge ni ta" alo ti hlut hman nghe Nghe.

" Amy alo Kal" a tih zawh rual in Zorini chu Amy awmna lam niawm takah a phei zui a, a Bialnu chu a zui ve Mai bawk.

" Iva han rei em em ve. Eng nge i han tih Chen chen a" hrawk pah ti tih a alo tih khar khar lai in Amy thung kha chuan la hawi kual Zak Zak pah hian

" Kan zawh fiah theih ka ring" zawite hian alo ti duh lek a. Pawn lam a pan San nghal daih. Eng chu nge mw a awmzia ni țhin ni. Chutah, rang taka Amy umzui hlawk hlawk pah chuan hlauhthawn hmel em em in Zorini chuan

" Amy, eng nge i thil sawi awmzia kha. Tumaw Kan zawh fiah tur chu" a ti zui mawlh Mawlh a. Amy lah khan chhang ta nge ti lo chuan a hma lam a pansan nal nal bawk si. Zorini a ti hrilh hai takzet a ni e.

Motor chhunga thut luh rawk rawk pah hian Zorini bawk khan

" I sawifiah ngei chu a ngai a nia aw" a rwn ti chhuak leh halh a. A bula rawn thu thla ve mek a bialpa kha a ti hawi hai lehpek teh e.

" Eng chu maw" lo ti deuh hu in, Zorini'n hnunhlam a melh tak zeuh ah erawh chuan a hrethiam ve ta chauh a. A awm a nuam lo leh vek tawh thung

" Ka hrilhfiah ang che. Nakinah" Amy chuan lo ti hul ve hak in an ngawi zui ta vang vang hlawm a. An Chenna in an a thlen hma loh chuan a tu amah chu an țawng leh twh lo.

In chhung an luh rual rual in Pi Rinfeli lah khan a Fanu chu alo be sawm chiam thin a, mahse, hotel chhunga an thil va tawn teh hrep vang khan Zorini mood chu ala dik hleithei meuh lo. Chu tih nak alaiin Amy lah hian hriat ruk a nei ni tlat in a hre bawk si a, zawh fiah ngei chu a ngai dawn a ni.

" Amy, sawi tawh rawh"  khum chunga thut pah chuan a rqwn ti leh pek a. Amy thung kha chu alo thaw ve hak hak ringawt. Pawnlam thlir in tukverh bulah chuan ngawi reng hian a ding a, a rilru a seng nasa hle tih lah a hriat. Chu tak chuan Zorini ngaihtuahna a tibuai a, hriat ve chak in a chhungril atang chuan an rawn nawr tet tet a tih theih awm e.

" Kha room chhung a lo thi hmeichhia kha a thlarau hmuh theih ala ni lova, chumi awmzia chu ala chatthla fel lo tihna nih chu! Mahse, a Dam chhuah erawh chu ka ring lem lo thung". rjng lem lo taka a rawn tih chuan Zorini chu alo meng phawk ve nasa tawh hle a, a melh ngai melh in che miah lo hian a thu ngawi zui ta tlawk tlawk bawk.

" A hnuk chah fel rual chuan ka bulah a rawn Kal ngei ang. A beng bulah ka hrilh thlap tawh e" Amy bawk khan rawn ti leh in, Zorini erawh ala chesawn hauh lo thung. He thlarau nula nen hian lo inzui tam tawhin inkawp ve fe tawh mahse thlarau ho khawsa zia erawh chu ala man fuh tak tak thei chuang lova, ngaihtuah thui vak ngaihna pawh a hre hek lo.

" A nih leh kha nula kha mi kut tuara thi a nih i ring em?" Amy chu zawt tho siin a hawi sawn lem lova, hnuailam ala melh ngar ngar thung.

" Aw ring e. Ka ring mai pawh ni lo, thudik a ni zawk! Ala rawn sawifiah ang ka tih kha" lo ti veleh maiin na zet hian Zorini chu a khum chungaj a let thla zui tawp a. Chunglam melh in a khât tawk hian aa khap fak fak reng bawk.

" Aman a sawifiah hun kher nghak lo in thil awmzia i hre thei lo emni? I hre thei thin emaw ka tia" Zorini bawk khan zawi angreng taka rawn ti leh in, Amy thung chuan a rqwn melh ve ta kawk a. A chhang let hrep dawn emaw tih laiin zaidam angreng fe chuan

" Thei lo chu nih ber hi" ati liam puat a. A bi bo zui ta daih. Chu veleh Zorini pawn muthilh a hun tih hria in a mu țha zui ta Sawt sawt a. Amy kha Khawnge a Kal dawn tih lampang a ngaihtuah tawh lo. A zantin tih thjn dan a nia, khaw var hunah a rawn inlan ve leh mai zel bawk tih hrechiang tu pawh amah tho hi a ni.

" Zorinpui, tho vat teh!!"  rawn ko vin thei bawk sia. 

Peih lo fe a meng chuar chuar Chung hian a bul lawka ding Amy hmel chu a han melh chho a, alo thim vek. 

" Nang chu.. Zaidam deuh, thawh chakawm deuh te hian min kai tho ve thin la. Min ngei ta emaw tih tur in I rawn pawr em em zel Mai" phun nuah nuah chunga thawh chhuah pah chuan a han ti a. Amy thung kha chuan a ngai pawimawh vak lo tih hriat takin kut kuangkuah at Chung hian

" A chatthla fel tawh e" alo ti Mai a. Zorinpuii thung chu alo bang bo leh hman tep

" Tu" ati hman chiah tihin Amy khan rang em em hian

" Hotel room number 79 a nula kha" Chang fek fawk a a rawn tih chuan Zorini chu a harh chhuak zawk a. Pawi a ti zui ta kher mai. A bathroom luh tur pawh țhulh țhak khawpin Amy chu ava din chilh vat a, he nu hian thu thar a hriat ruk leh tawh a ring tlat. 

" Chuan, Engtin zel nge. Tu thah nge lo ni ta" aw khur dar dar chunga a han zawh chuan Amy erawh kha chu ala ngwi tlat leh lwi si a, a ngaihtuahna rilru zawng zawng chu a seng ta vek emaw tih mai tur a ni e. 

A chhan letna a dawn tak mai siloh ah chuan beidawng zetin bathroom ah a luhsan a, rei fe hnu a ava chhuah leh pawn Amy chu a awmdan ngai reng in alo la awm reng tih chu va hmu in mak a ti ve kher. Kal hual zui that that in a mitmeng te chu a han en chian sak a, dik lo chu a awm chiang tih a hria. Mahse, a hrethiam Chuang lo. 

" Amy, eng thil em em nge i ngaihtuah leh tawh a. Ka biakna che I chhang țha duh bawk silo" tiin biak țawng ngial chu han tum mahse la Amy erawh a khap eih lo nia. A che sawn miah lo bawk. Chutah, Zorini chuan a ning ta deuh nge ni, ner nawng nawng chunga kalsan pah hian

" Amy vanlaldangdaii" a han ti sap a, chu veleh Amy lah chuan pawr angreng fe hian

" Zorinpui, i thil sawi kha ka hre vek a nia aw" a rawn ti chiah chu Zorini nuih a za ta kher. 

" Rel te lah hi I harsa hrep a" nui chunga tiin a hmai chu a hnawih zui nghal mawlh mawlh a, chutihlai chuan a unaunu Maliani khan Zorini chu chaw ei tur in a rawn ko ve mek bawk. 

" Amy, chaw ei ila". Tih el pah deuh a ava tih lai chuan Amy khan theihpatawp a nasa hian a lei chu a lo chhuah khum nghek pek a, an in cho tawk ve thin asin aw. 

Chutia tukthuan bar pah a an chhungkua an lo titi malh malh lai chuan a beng ah hian fiah em em a amah ko thawm chu Zorini chuan a hre leh țhin aa, mak ti zet hian a hawi a leh hu hu thin bawk. Mahse, aw chu a reh ve leh mai țhin avangin ngai pawimawh chhunzawm duh lo chuan a chaw ei lai bakw chu a ei țha ve leh mai a, a theihnghilh chhunzawm chu a ni der e. Mahse, chawhmeh pakhat suah tuma a kut a lek chhuak chiah tih ah rin lawk loh zet hian a thutna atanga rawn phih tho tu neiin a fian Ken lai te pawh chu a thlauh ri ta bawl mai a, amah pawh chu hnunglamah a kat zui dawrh thei hial mai. Chu veleh a chhungte pawh chuan makti fe a rawn thlir chho thap in, a pa chuan

" Bawihi, i țha maw?" a rawn ti nghal chat a. Zorini pawh chu a tum lawk dan nilo lutuk a thil a thlen teh hrep avangin ala țhawng na ve hle a, a meng phawk hrâ thei nghe Nghe. Mahse, khatiang a rawn ti tu kha tu dang nilo in amah Amy ngei a ni tih a hriat chian em avang zawk chuan chaw ei tura thut leh pawh chu tum tawh lo in rang tak hian in chungah a tlan chho ta zawk a. A duh dan ang ngeiin Amy pawh chu bangkil ah alo ding ngawi reng tawh bawk. 

" Khati vak vaka min rawn phih thawh kher kha a țul em ni. Țha deuhin min rawn ko ve Mai ta che" a tha khur chu ala reh thei miau lova, a țawng pawh ala pangngai theilo hle. 

" Pangngai takin ka ko che a. I eitui hluam hluam em alawm" Amy lah chuan lo ti duh lekin, Zorini thin chu a rim tawh kher. 

" Chuan eng nge min koh sek nachhan chu" ti bak leh hluk in, Amy chuan a aw te chu alo thian ve ta kharh kharh a.

" Nula boral ta thlarau kha, a rawn inlan tawh. Zanin ah chuan thil awmzia Kan hriat hman ngei ka ring" a rawn ti ta a. Zorini thin chu alo phu zui dup dup thei.

" Hetah a rawn Kal tihna maw". Lo ti let vatin, Amy thung chuan nasa fe hian a lû chu alo thing ve thung a.

" Kallo. Kal tur chuan ka sawm ngei a. Kan lo ngai Chang ang chu" rawn ti ve leh maiin Zorini chuan a huphurh tawh kher. Thlarau dang te nena buaina neih reng mai te, police nena inhmachhawn ngai reng mai te hi a kham hluah hluah tawh a. A thu neih na chu nise hetiang thil ah hian a in ham buai hauh lo tur a nia, a hne ve tawk a ni.

Tichuan, tun a tan tih theih nei ta lo chu dawr Kal Turin a insiam zui a, Amy pawh khan a zui chhuak ve leh hnak hnak. Tihian Nitin deuhthww in a zui chhuak ve thin tak na a, dawrah erawh hmuh tur a awm zui vak ngailo thung. Khawnge a Kal a, eng thil nge ava tih tih hi Zorini hian a zawng zawngin a hriatpui tqwh ngai lem lova, a vak thawveng ve nimai ah a ngai hmak.

Khua lo tlai in dawr khar alo hun meuh chuan Amy pawh kha a rawn in lan ve leh tawh a, nui sang Chung hian Zorini chu a rawn pan leh ta nal nal bawk.

" Zanin ah a lo Kal ang" a beng bulah chuan rawn ti sapin, Zorini pawh phur fahran lo in a lo bu ve nghat nghat a. Eng buaina nge an hmachhawn leh ang a hrethiam lo. Pumpelh dan awm se a ti ngawt mai.

Zan riah ei kham hnu chuan room ah ngawi reng a tawm dun in chu nula thlarau mawlh mai chu an lo nghak dun ta ngat ngat a. Alo thleng har hrep lehnghal. A khât tawk hian Zorini lah chuan a phone bih sek chungin

" A va han rei tak. Amah vangin ka len chhuah loh phah ve khanglang bawk sia. A rei eee" a rawn ti leh țhin a. Amy thung chu za lem lo tak hian a lo khi ve suk suk ringawt thin.

Room chhunga darkar 2 Chuang zet an nghah hnu chuan kilkhat ah hian thawm rawn awm țan in a ri leh rek rek thin a. An hawi phawk dun ta hrâ mai. Thawm chu ngaithla chiang in bathroom lam a ni tih an hriat rual chuan rang tak hian chu lam pan chuan an tlan lut nghal a, ekhai! Bathroom a kut silna wash basin Chu hmuh phak siloh ah hian alo ri leh rek rek thin a, a tui pipe Kal thla te pawh chu a khât tawkin a rawn che leh dawt thin bawk. In veng ru reng chunga basin an lo melh tlawk tlawk lai chuan thawklehkhatah basin chhung atang chuan tuemaw hi a rawn dawk chhuak ta zawk mai a le! An ni pahnih chu hnunglam ah an tawlh zui nghal dawrh bawk. Zorini phei kha chu a au chhuak țhat hman hial a ni. Chu thlarau ni ngei a lang nula te fel lam leh hmai ngo zet mai chu sam pawr fe mai hian an hmaah a rawn ding kak ta țai mai a. Chumite pahnih hmel a rawn hmu thut chu mak a ti zawk emaw tih mai tur, a meng bial pawp pawp hi a ni ringawt e.

" Ih,, ka tum lawk dan pawh a ni miah lo" bah nuaih a rawn ti chhuak in a inthiam lo ve hle tih chu a hriat a. A thawmhnaw hak lai te pawh chu a theih ang angin a beng fai zui nghal mawlh mawlh. Tichuan, Amy zawk kha rawn tawng chhuak vatin

" Inthiam lo duh suh. I thihna ni a la liam tam lova, I awm thiam lo a nih kha. I thiam ve tial tial Mai ang. Ti ru, roomah lut ila"  ti nghal zung zung in ngawi reng chuan room lamah an inzui lut ta diah diah a, Zorini chu a tha alo khur lek lek tawh mai

" Tu zawk hi nge thi ve tawh che u!!?"  nula thlarau in a rawn tih leh tak hlut ah chuan Zorini khan a rawn melh rang nasa ta Mai a. A mitmenh leh awmdan chu Amy khan a lo hmuh hmaih loh em avangin boruak chhiat hmaa beng daih vat vat a țul tih chu hria in alo inrawlh nghal vat.

" A.. Keimah keimah zawk hi. A hma pawn Kan inhmuh tawh kha" lo ti thuaiin Zorini chu ava melh pah zeuh zeuh a, Zorini thung kha chuan a phone chiah alo ngaihsak leh tawh thung. Chu veleh chu nula thlarau pwh chu harh chhuak ta zawk niawm takin a han nui deuh Har Har phawt a, a inthiam lo takzet tih chu a hmel ah a lang chiang khawp mai. 

" Ka tihpalh lutuk" la nui var var chunga a rawn tih ve takah chuan Amy khan pangngai taka inbiak a hun tih a hrethiam țan a, hun an khawhral hnem mah mah tawh bawk. 

" A hmasa ber a tan I hming min han hrilh la"  Amy chuan nula chu chiang kelh kawlh a melh chung hian a ti ta a. Chu veleh nula pawh khan pangngai taka lo chhang let ve in a hming chu Esther Lalrinhlui a nih thu sawiin, Aizawl Republic venga khawsa an nih thu pawh a sawi zui nghal a. Tin, tunah hian kum 25 mi a nih thu leh nula hnah khat a nih thu thleng pawhin a zep tel hram bawk. 

" Njh chuan kha zanah khan engvang a kha hotel kha pan ve ringawt nge inih". Amy'n alo tih leh tak zelah chuan Chu nula Estheri hmel pawh chu tlemin a danglam ve ta deuh a. A. Hun tawn rapthlak tak te kha a sawi chhuak chak viau lo tih pawh a hriat theih awm e. Mahse, tunah hian a sawi chhuak lova a zep bo tlat a nih chuan tuin nge a dikna te kha rawn hai lang anga, a thiam Chan ve na te kha rorelna hmaah sawi chhuah sak ta ang tih chu a ngaihtuah ve tho a, chuvanh chuan tunah hian ngawi bo reng thei a ni lo tih pawh a inhre chiang viau mai. 

" Ih maw, kum hmasa atang khan bialpa pakhat ka nei ve a, tunhma in ngaihzawng chu lo nei ve thin mah Ila tumah kha ka ngai serious ngai lem lo. Ngaizawng ti pawh a sawi tham an ni lovang. Tun ami hi chu ka duh a ka hmangaih ve em em a, ani pawn min hmangaih ve thin in ka hria. Khatia ka taksa thisen nena in rawn hmuh zan khan ka bialpa khan min ko chhuak a, zan dangah pawh a hman zawk zawk hi kan chhuak a, khawi khawiah emaw kan leng mai țhin. Tichuan, zan dar 7 velah in chhung chhuahsan in kha hotel ah khan min lo nghak ta a. Amah hi Aizawl khua leh tui a nih chiah loh avang hian a chhungte bula a Chen loh pawn hotel ah te a rawn thleng mai țhin a, mahse, aizawlah hi chuan a khawsa tam zawk tho tihna nih chu. He Hotel ah pawh hian zan hnih lai chu alo riak tawh bawk a niawm e. Tichuan, hotel chu va thleng in felfai tak hian zan dang ang bawk khan min lo hmuak leh a a hmel ka hmuh rual khan kei chu ka hlim lehnghal vek. Ka lo hmangaih em a ni. Chuan a thlenna roomah min hruai lutin a tirah chuan boruak kha a tha vek a, kan hlim a a ralmuang bawk. Tichuan, zu te in dun in rei pawh Kan titi hman lo ang tih turah kei chu ka rui ta viau mai a. Ka duh aiin ka rui nghe Nghe awm asin. Tikhan ani chuan ka zu ruih chu remchang ah la in min mutpui a tum ta ringawt a, kei chuan ka lo duh lo nasa nangiang. Nia, tikhawp khan inzuiin zanah te pawh chhuak dun ve fo mah Ila tjianghlim lo tak hi chuan kan la khawsa dun ngai miah lo. Min tilui ngai bawk hek lo. Mahse, khami zan kha chuan mak tak maiin min nawr lui reng a, kei lah rui tawh nen ka tha a zawi bawk si a, ka in dang rei thei tawh dawn lo tih pawh ka hria. Mahse, tlawm mai chu ka tum hauh lo. Thei leh thei lo in ka tal chhuak a a, tlan chhuah tumin kawng ka awmna lam ka pan hram hram a, ani lah chuan min rawn umzui vat. Chutah, ka tukkhum samah chuan rawn țham hlawk in hnunglamah min phih let ta dawrh mai a, a na takzet. Chhuat char ah chuan dim baksak lova min hnuk phei zuiin khumah min dah leh tawp a, ka zahawmna chu duh lo Chung chunga lak luih sak ka lo ni ta a ni. Hetah hian ngawi reng in a tihtur a ti Mai hauh lova, kut min thlak reng a, min hnek bawk a, kei chuan thil reng reng te chu ka hmu fiah lo zo vek tawh nghe Nghe. Tichuan, a duh tawk a ngah hnuah a thawmhnaw te chu inbel leh sawk sawk in, ngawi reng hian kei chu min rawn en tlawk tlawk a. A mitmeng a thinrimna leh huatna zozai te kha ka hmuh hmaih bik hauh lo. Chutihlai vek chuan kan awmna room door bell cu rawn ri in ani chu rang em em hian a tho a, reilote a reh leh hlek hnuah Ka mutna roomah chuan mipa pakhat smart taka inthuam nen hian rawn lut leh in zawite te hian thil engemaw an sawi sar sar tih chu ka hria a, thei leh theilo in ka la melh ve hram hram a ni ber e. Tichuan, an thusawi pakhat ka hriat fuh chuan min ti hlauthawng in tlan chhuah ka mamawh tih ka inhrethiam ta a. Zawimuang in thawh chhuah chu ka tum ta nge nge. Mahse, chutih lai tak chu min rawn hmu fuh leh in rang em em hian min man bet zui ta a. Mipa pahnih te chu hneh mawlh hek lo le, ka theihtawp a ka tal ve Chung pawhin bathroom lamah min hnuk lut a, bual kuangah chuan tui khat vek a dah in a tir berah chuan min hnim hlum an tum tih ka hria, mahse, ka la tal ve nasat em avang khan hun an khawhral rei tih an inhria a, tihdan dang an ngaihtuah leh phawt. Tichuan, rawn lut thar pa kha choka lamah va Kal in a rawn let leh chuan hriamhrei nen a rawn ni tawh a, chumi ka han hmu chiah chu hlauhna namen lo hian min ranw tuam zui a, ka au chhuak thei tawh lo. Tichuan, tawngkam khat pawh ka chhah chhuah ve hma chuan mjn dimna nei miah lo hian a rem lai laiah min vit ta sawk sawk mai a nih kha! A bak chu a thim vek. Tikhan bual kuangah kei chu thi turin min kalsan ta a, phatsan leh bum ka lo ni ta a ni e". Mittui tling piau chunga a han sawi zawh meuh chuan Zorini pawh khan a huat em em na kha dah țha in mittui tla par chung hian alo ngaithla ve kar tawh a. A inhru pah leh zeuh zeuh thin bawk. Chutah, Amy thung kha chuan pangngai tak hian

" Rawn lut thar i tih pa chu Ila hre thei mial em? I hriat zawng a ni hrim hrim em?" lo ti ve vat in, Estheri pawh khan rang tak hian a lû chu alo bu ve nghal zat a. 

" Aw, hria e. Hre lutuk e. Nangni pawhin in hre vek ang chu!" a rawn ti leh ta a! Tu tak chu ni ang maw tiin Zorini leh Amy chu ngaihtha lo fahran hian an lo inmelh ta ralh ralh mai. 

" Han sawi thuai teh"  Zorjni lah chuan hriat chak hmel em em a lo tiin, a sawi dawn chiah tih ah a room kawngka kha a rawn ri ta rak mai a. An ni Pathum chu kawngka lam en in an hawi rual nghal thap bawk. Chutah, kawngka chu rawn in hawng in Pi Rinfeli, Zorini nu ngei mai kha mak tih hmel fe hian a rawn hawi phawk zui ta hra mai a le. Room chhunga awm ho kha chu an lo thaw dep dep tawh ringawt. 

" Bawihte, tu nge ilo biak char char a". La meng phawk hra chunga a rawn tih chuan Zorini chuan chhan dan tur mai a hrelo angreng hle a, a chil te chu a lem leh khalh thin ringawt. 

" Aa.. Aih tumah ka be lo. Nichin ah Sangpuia khan a rawn call zuaih a, reilote kan inbia nimai. Nu, lo va chhuak rawh thil chhiar tur ka nei a" khum atanga chhuk sawk sawk Chung chuan a nu chu room pawnlam ah a nawr chhuak ta rawk rawk a. Pi Rinfeli tihnghaihna hrelo pawh chu riat nawk nawk Chung hian țha te te in a Kal ve ta Mai bawk. Chu veleh, Zorini chuan a room kawnhka chu kalh nghal rawk rawk in a han thaw zui huai phawt a, khumah bawk chuan ava thu thla leh hnawk. Chutihlai chuan Amy leh Estheri te pawh kha thaw dep dep chung hian an lo la ding ngawi ve reng a, chet chu an tum bik lo khawp mai. 

" I sawi țan leh thei tawh ang" Zorini'n hah hmel zeta a rawn tih hnu chuan Amy pawh khan a thil swi chu a pawm tih hriat em emin a lû a lo bu ve ta zauh bawk a. Estheri pawh a che sawn ngam ve ta hram e. 

" Umm.. Amah chu Hotel Manager ngei kha a ni e!!" a rawn tih rual chuan Amy leh Zorini te pahnih chu an lo phu deuh zawk thei hial a, an rin loh lam daih a nih vang nge, țawng chhuah lawk nachang pawh hrelo in an in melh tawn leh ralh ralh thin ringawt. 

" I ruang an hmuh lai pawh a lo awm ve hotel manager felfai hmel zet kha maw lo ni reng a!?". ngaihdan nih loh hmel fahran a Zorini'n a rawn tih chuan Estheri khan a lû chu alo bu ve zauh zauh reng a. 

" Aw, chuan, ka bialpa nen hian amah kha cousin an ni nghe Nghe a! " ala rawn ti tak deuh deuh. 

" Chuti chu, anni pahnih chu inthurual sa an va nih hmel ta si ve" Amy chuan lo ti ve in, Estheri mitmeng pawh a buai ve ta map mai. Chu chu a rin dan ve tho a nih rual in a ring ngam chiah lo zawk a ni mah a. Mahse, thudik ngei a nih chu a rinawm. A nih chuan eng vanga ani hi thah duh tlat nge an nih ang le. 

" Lo ni ta se, eng vangin nge kei hi min thah an duh tlat ang ka hrethiam lo" mittui tling piau chunga a rawn tih chuan Amy pawh khan ram deuh hmak hian

" Chu chu kan chhui chhuak vat ang. Kha manager kha an chenna hmun i hria em" ti zui in, Estheri pawh chuan a hriat thu alo sawi ve Mai a. Amy rilru mawlh mai chu a hmanhmawh leh ta kher. 

"Zorin, kan chet chhuah vat vat a ngai a nia" ti nghal in, Zorinpuii lah chu hlauhthawn hmel em em hian alo meng phawk deuh hra tawh a. A phur hlawllo. Chutihrual erawh in a hmeichhiatpui dikna chu hailan sak ngei a duh ve tho a. Buai hi a hne tawh hluah hluah thung.

"Engtinnge bul kan țan anga... Hmelhriat țha Kan nei bawk silo". Lo ti chuai raih in Amy chu hah hmel fe hian a han thaw deuh hak phawt a.

" Police hmelhriat kan neih tawh kha"  awmze nei taka a rawn khik tak var var ah chuan a sawi tum awmzia chu Zorini pawh chuan lo man thiam ve vat in a thaw zui deuh hluai. Kha police lah kha chapo si, Vau zam chawp ngai ziah lehnghal. A huphurh tawh kher.

" Kan intawng leh ta maw".

Police Station an thlen hnu, an hmelhriat police pakhat hmaa Zorini a thut thlak rual chuan kha police, tunhma pawh a an lo hmuh ve fo tawh țhin ngei mai khan nui vur vur chunga lo tiin, Zorini erawh chu ala nui ve duh hauh lo thung a. A thutak ngal ngal hle.

" I puihna Kan rawn dil leh dawn che a nih hi" Chang faka a han tih chuan kha police lah khan ngaihsak chhunzawm lo angreng fe hian hnuai lam melh in thildang a tih San a, ala nui suk duh chauh leh ta nghal.

" Hun hi ka va neilo tak em" a han ti dek dek chu Amy khan ring zet hian a dawhkan chu a rawn chum ta bûr mai a. Police pa kha chuan thawm chu hria in amah chu hmu ve lo mahse a dawhkan chunga lekha phek awm sa a chet hliau hliau dan atang chuan he nula hian thil mak a ti leh tawh tih a hrethiam mai a, ngaihtha lo fe in Zorini chu ava melh ru zuk zuk tawh. Chutihlaiin Zorini lah chuan ti fuh inti zet hian ani chu alo melh vang vang a, ala kiai sak zui.

" Eng thil nge tih i tum leh tak a" zawi angreng fe a rawn tiin, Zorini thung kha chuan a thut hmun chu a han siamtha leh sauh sauh phawt a. A aw te chu a thian leh te te phawt.

" Eng lo a nia ka pu, hman zan hotel pakhat room chhunga nula ruang an chhar kha ilo hre ve tawh ang chu tiraw?" ti phawt in, chu police pawh chu alo bu ve nghat a.

" Hria e. Engatan nge chu chu" lo ti let supin

" Amah kha Kan nau a nia, chuan maw, he case ah hian  hriat Kan nei maithei a nia. Kaisan i duh chuan min be chhe vak lo Mai rawh" awmze nei zeta a rawn tih leh takah chuan police pa bawk chu alo nui leh ta kur kur ringawt. Amy ngaihdan chu a ni tawh lo nasa kher. Hmanhmawh tawh nen he police hian hmanhmawh na hi a nei ngai lo rneg reng. A Chimawm in a ngeiawm thiam em em zel ringawt mai.

" Zorin, ka hne dawn tlat. He pa hi nizan a hnathawh ban hnua a kalna kha han zawt teh" Chang faka a rawn tih chuan Zorini pawhin a thu chu zawm in

" Taka, nizan office atanga i haw hnu khan khawi lam ah nge i len kual leh a. Kan lo hmu reng che a" a rawn tih leh takah chuan rang zet hian a hmaa țhu police pa chu a rawn hawi chhuak ta hraw lehnghal a. Ngeiawm zet in Zorini lah chuan alo nuih duh chauh lehnghal a.

" I tan pawimawhna nei se chuan ka hrilh daih tawh ang che" a rawn ti chiah cuu Zorini alo zam lo nasa,

" Chuti maw, ka tan chuan pawimawh love. Mahse, i chhungte tan erawh chuan a pawimawh viau maithei"

" Nang nu hi eng nge i hriat thin le" din hluai pah a a rawn tih rual in Zorini pawh alo inperh tho ve vat a.

"Tikhan awka vin in min be reng reng suh aw. Ka zawhna che kha a chhanna ka nei sa vek. Ka hrilh zawk dawn che emni? I duh em?" a tih ve tak țhak ah chuan chu police pawh chu tlem in a zum ve leh ta deuh a. Muangchang hian a thutna ngaiah bawk chuan a țhu thla ve leh mai.

" Sawi rawh. Eng nge i duh chu " police pa in a rawn tih leh tak si ah chuan thaw deuh ham ham Chung hian a insum ve ta hram hram a, a thu țha ve leh mai bawk.

" Puih Kan ngai ka tih kha. Thudik Kan hria a, I tihtur chu pawi khawih tu man chhuah chiah a nimai. Police inih na angin"

" Chutin Keima thu ringawt in mi hi ka man ngawt thei hleinem"

" Chuti chu in pu te chu kan lo be mai dawn emni? I nawr ngam dawn lo niin a lang riau"

"Aw a tawk e.. Kalo ching fel vek ang. I number dah la, hun thawl ka neih veleh ka rawn be dawn che nia. Min Chhuahsan phawt rawh" tih paha lehkha them leh pen a ranw pek rual chuan Zorini chu alo nui deuh var var tawh a.

" In rawlh loh ka tum viau a nia, mahse a loh theih loh a nih hi" ti sap chungin a phone number chu paper ah chuan a ziak mawlh mawlh a. Station pawh chu an Chhuahsan ve leh ta hram.

" Zorin, lo VA haw rawh. Kei chu kalna tur ka nei a"  Amy'n a rawn tih chuan chhang let lem lovin Zorini pwh chu a Kal tha ve Mai a, a dawr awmna lam a pan nghal chhat chhat. Eng aiah nge heng thlarau ho buaina ah hian a tel ve zel a țul tak thin le tihte chu ngaihtuah in, a lehlam zawng erawh chuan heng ho hi tunhma pawh a mihring dam țha pangngai ni ve tawh thin, hlim taka an dam hun chhung nun lo hmang ve tawh thin tho an ni a, an duh vang renga mual liam ta an ni bik lo tih leh, an thih chhan te pawn awmzia neiin an dikna hailan a țul zel si a, chu ber chu amah lo hi chu tih sak thei tur midang an awm in a hriat loh miau a, a chet chhuah zel a țul ta a ni ber e. Midang tan malsawmna thlen tu nih hi a harsa ngai lova, a harsa ber erawh chu malsawmna ni tura chet chhuah hunlai tak hi a niawm asin.

Zawi zet hian a dawr chhungah chuan a lut zui hnak hnak a, a rin loh lutuk in a bialpa Sangpuia pawh kha alo thu ve run nia! A hmel a hmuh rual chuan harh zui nghal sawng Sawngin nui hmel pawh a pu ve leh thei tawh a.

" Ka thlenna ala rei bik lo" Sangpuia pawh chuan lo ti ve var in, a Bialnu chu thutna tur alo pe thuai thuai a. Zorini pawh a hahdam sawng sawng niin a hriat.

" Khawi lamah nge i Kal a vawiin chu" Sangpuia'n a han tih chuan a tui bottle chu hawng leh rwwk rwwkin a han lem leh puat phawt a. A tui chu a hal tqwh hle tih a hriat theih.

"Amy ka pui leh lawk a. Hun i neih ve lai emni?" lo ti zawm zat in, a bula thu mek hi a bialpa, a duh em em mahnise a thuruk zwng zawng leh thil engkim hi chu hrilh hriat a duh vak bik lo. A bikin, thlarau ho nena an inzawm na chungchang ngat phei hi chu hre thui ve lo se a duh zawk. Amy a hriatpui hi a duhtawk viau a ni.

" Nia, ka awl lai tak a nia, bazarah thil va ei Ila tih ka rawn tum a"  alo tih chuan khaw lum ni sa nen peih lo ru viau mahse a hnial duh ta bik lova, an inzui chhuak ta nge nge.

Tichuan, Bazar chhungah chuan tei kual in hun an hmang dun a, puar el euh hian Zorini pawh chu a haw phah ve ta nghe nghe. A luak lo chauh.

A puar lutuk chu dawrah pawh lut kawi peih tawh lo in an in lam a pan zui nal nal a, a thlen rual rual in khumah a let zui tawp a, a muhil chu a ni nghal der. A awm ve reng, Bazar sanpiau tui tak mai kha a lim hnem em a tin ni.

Mahse, a muhil dawn chauh emaw a tih laiin a phone ri chuan a Kai harh leh vat lawi a, peih lo zeta a phone a han en nak cuan a number hriat loh atang lo niin a țhu chhuak nghal vat. Tim dai Chung hian

" Aw hello"  a ti zo chiah tih in lehlam atang chuan mipa puitling aw hian

" Zorinpuii ini em aw?" a rawn ti nghal a. A awka chhuak chu a ngainatawm hranpa loh viau lehnghal.

" Aw keimah ka ni e. Khawi atang nge ni?" a sawi zawh rual chuan lehlam atang bawk khan

" Kan inhmuh zawh chiah kha, min va theihnghilh hma bawk ve le.. Hetah Police Station atang a ni e" a rawn ti ta nge nge a. Zorini pawh chu a thaw ve ta huai.

" Aw a nih chu ka lo hre dawn nia. Chuan, thu thar hriat te in nei tawh nge" lo ti zawm zatin chu police pawh chuan pangngai tak hian a rawn chhang ve leh a, thu thar em em an la hriat loh thu leh, Estheri bialpa ni ngei a an hriat kha an lak tawh thu chu rawn sawi in, naktuk lamah tha thar a hotel te pawh chu va bih chian an tum thu a sawi tel bawk a, tin, amah Zorini ngei pawh chu a tuk atana lo inring ve tur in a rawn chah tel nghal bawk hi alo ni a. A thu hriat ang ang te kha police hnenah pawh a sawifiah ngei a țul dawn tlat a tin ni. Chutiang thu a rawn sawi takah chuan huphurh ru angreng takin a han thaw leh hluai phawt a, mahse, hun insiam ngei alo tum tur thu chu sawiin call an ti tawp a, Amy a ngaihtuah chhuak nghal vat. Ani pawh chu khawiah nge a Kal a, ava han thang rei em em bawk ve mawle.

Tichuan, unau hmelhai hun rawn niin, Amy pawh chu chau tih hriat zet hian in chhungah chuan a rawn lut ve ta chhat chhat a. A hmel a hmuh rual in Zorini pawh khan a Alu vel lai chu dah sawk sawk in midang hriat hlau tak Chung chuan in Chung lamah a zui chho ve nghal dawr dawr.

" Amy, i dâng vek. Khawnge Iva Kal a. Eng thil nge Iva tawn han sawi teh" ti nghal zung zung in khumah chuan a thut chilh zui a. Amy lah khan ani chu alo melh peih țawk țawk hi a nimai e.

" Sawi teh.." tih paha a nawr leh tak sekah chuan Amy pawhin ngawih reng chu a țha lo tih hria in a rawn che ve ta hrut a.

" Hotel ah khan ka va Kal leh e ka tia. A mak khawp mai. Thil thlenna hnu hma hmuh zui theih tur awm miah lo in an lo thian fai vek tawh a nih chu mawle?! Kha manager kha chiang takin a inrawlh tih chu a hriat tawh. Vawiin a hnathawk teikual vel pawh ka thlithlai pah reng a, a hna ah khan a rilru a pe hlawllo tih a hriat. A tei kual fua fua reng a, a țawng sual reng bawk a" a tih lai chuan Zorini khan lo pawt chat vatin

" A rilru a pe theilo ang. A thil sual tih pui a unaupa an man tawh miau alawm. Lungngai suh, naktuk khua var sela ani pawh an reh chhuah ngei theih nan hma kan la ang" awmze nei taka Zorini'n a rawn tih ve takah chuan Amy chu a mitmeng a danglam nghal vek thei a, thil awmzia chu a hre fiah uar uar thei in a inhria.

" Police pa khan a rawn be leh che emni? Chuan engtinnge?" lo ti vat in, Zorini chuan an thil sqwi zawng zawng te kha alo hrilhfiah ve ta vek a. Amy pawh a nui zui ve ta var var mai.

" A tawp Kan thleng dawn ta" tiin a hmai chu a han hui pawk a, a thaw hle hle bawk.

An thlir lawk ang ngeiin khua pawh a rawn var ve ta a. Zorini erawh a dan ngai te bawk in kaih thawh a ngai leh ta. Peih loh hmel zet a rawn zi țual țual Chung hian a ham pah bai bai reng a, chutihlai a a sir lawk atanga amah lo thlir reng tu Amy ngaihdan chu a nih loh hmel kher. A ner sawk sawk thei. 

" Nula ve si zingtin a kaih thawh han ngaih ziah mai chu. Pasal hi nei ve miah suh ang che, tuman an duh dawn lo che a nia"  rawn tiin Zorini chu alo nui suk.

" Ho e.. Pasal za ka nei anga, ka in chawm tir vek bawk anga, kei chu nileng țhak țhak in ka mu thung ang" ala rawn ti ham ham zui a. Amy ngaihdan a ni tawh lo chhia va. 

" Tho mai mai teh. An rawn call leh tep tawh ang che" lo ti ve vat in, Zorjni pawh chu tlem chuan a hmanhmawh ve ta deuh a, a tho zui sawk sawk. 

Bathroom ah tlan lutin a hmai a phih swk swk a. Chutihlai chuan chaw ei turin Maliani khan a lo ko ve mek bawk nen, a hmanhmawh tawh lutuk na lamah Amy hming te chu a lam chhuak nuaih ta Mai a, Maliani hrilh chu a hai angreng kher. Mahse, Zorjni chuan a țawng sual tih hre chhuak thutin

" Aw nilo, nizan ka movie enna a changtunu hming te ka rawn sawi chhuak a. Aw Malian, chaw chu ka ei hman lo Mai ang aw". Ti leh zung zung in, Maliani Kal fel hnuah Amy kha rum zet a meng Chung hian a hmaah chuan a rawn ding nghal ran bawk. 

" Maw? Nizan I movie en naah a changtunu chu Amy alo ni ve maw? Kei ai hian a hmeltha thei lo hrim hrim" ala hawi tau bar bar zui a. Zorini nuih a za ta kher. 

" Aw I hmeltha ber. Nang te chu tluk theih loh hmeichhe hmeltha leh piannalh over inia, Keipawn ka tluk hleinem che. Kal teh ang" ti leh zung zungin a hnunga rawn Kal Amy pawh chu a tawngkam vang khan lawm tih hriat takin a nui zui ve ta var var a. A naupan chhiatna hi a lang veleh tlat thin. 

Police Station an va thlen phei lai chuan an biak ber thin police pa pawh khan țha taka lo dawng sawng in alo be hmasa ve luam a. Zorini te thian dun chu makti zet hian an inmelh ve zawk thei. 

" Keini ho hi hotel ah khan Kan Kal dawn a, sawi belh tur I nei tih ka hre bawk nen, min lo zui ve Mai ta che. Vawiin chu kan hnuk kual viau dawn che a ni" lo ti zung zungin Zorini pawh a bu nghat nghat. 

" In mi tang pa cuan engemaw tal sawi a nei tawh em" lo ti let ve in police erawh kha chuan a lû a thing mai a, a inhumruh viau bawk. 

Tichuan, hotel lam chu a huho a pan in, police motor chhunga han thut ve ringawt pwh chu Zorini chuan hrehawm a ti ru takzet tih a hriat theih a. A hmelhriat te a hmu ang tih pawh a hlau viau bawk. A kimki zui chawih chawih hi a ni ber e. 

Tichuan, hotel lian leh fai em em mai, chhiatna rapthlak tak thlenna hmun ni lawi bawk si chu va thleng in, chutia a huho a police lal hmel zet zet an han inzui luh tak țham țham ah chuan alo hmu tute apiang chu a ti ralti a, an kimki a, hmuhnawm an ti viau thung bawk si. 

An hma zawn a lo awm receptionist chu police te chuan bia in hman Zana tualthihna room awmna lam kha zawt in en fiah an duh thu an hrilh ta nghal bawk a. Receptionist pawh chuan anni ho chu hlauh hmel em em hian a hruai theih thu lo hrih in chahbi a ban zauh a, in Chung lam pan chuan an inzui chho nghal diah diah bawk. 

Estheri tualthihna room ngei an luh rual chuan thil mak danglam hmuh inbeiseiin Zorini chu a awm ru reng taw a, mahse, a rin loh dan daih hian alo felfai thlap nia. A hlim chhawn khan police thenkhat te khan endikna lo nei tawh tho mahse la, hetiang thil thlenna hmun te chu lo la dah fel awm loh tak tih chu a rilru ah rawn lutin mak a ti ru viau a, he hotel manager ngei mai hi Estheri sawi dan hmangah thuk takin a inrawlh ang tih pawh a ring thiam ve ta hle bawk. A kalpui police ho chuan kil tin kil tang an hrut lai te pawh chuan tih ber tur hrelo hian Ani chu Amy nen khan kil khatah an lo ding khawng ve rneg ringawt a, hlauhthawnna hlir hian a khât leh vek tawh nia. 

Chutia, ngawi reng a mahni buai buaia an lo buai lai chuan pawnlam atang tuemaw hi a rawn au lut ta lang lang mai a. Amah chu a rawn lang chhunzawm nghal zat bawk. Um, hotel manager ngei kha alo ni e. 

" Eng thil nge in hriat a. Ka phalna tel map lo in ka hotel pindan te in lo check vel a maw? Chhuak vek rawh u" rawn ti buan buan in a hwi sang phian lehnghal a, a chapo ve thawkhat khawpin Zorjni chuan a ring thiam nghal. Chutiang chuan rawn che buan buan mahse amah lo dawng sawng tu police ho erawh chuan a thil sawi chu engatan teh vak mah an lo ti lem hlei lova, an thlir thap. Chutah, an zinga hotupa ber, Zorini va biak buai thin ber khan rum zeta manager chu melh run run chungin

" Pu a, kan hna a ni a, kan hna hi min thawh zawh tir ta che" lo ti duh lekin, chu manager thinrim lah chu ala thaw ri suk suk zui. 

" Nimin lawkah pawh police thahnem tak rawn Kal in an enfiah vek tawh. Nangni ho hi police diktak inni ve chiah ang maw. Kei chuan ka hotel enkawl lai hmingchhiat theihna tur hi engmah ka duh lova, nangni ho nena inhnim hnaih reng pawh hi ka duh tawh hek lo. Min kalsan tawh zawk rawh u"  lo ti let leh khar khar in, a sawi zawh rual chuan Amy khan Zorini chu a kheuh ta zeuh mai a, an chet ve a hun chiah tih pawh a hrethiam e. 

" Chutia i hotel hming chhiatna tur I duh loh viau si a nih chuan engah nge kha zanah khan Helai hmunah hian I awm ve nachhan le? Han sawifiah la". Fiah fai taka Zorini'n a rwn tih takah chuan an zavai chuan an ngawi ta thap a, amah chu an rawn melh ta ngawt ngawt hlawm bawk. Nuam lo chu ti ve tho mahse a tihtur a ti miau a, mi pakhat dikna hailan sak kha a kuta a tlak miau avangin zam chhe thei a nilo tih pawh a inhria. 

Chutiang zawhna a dawn takah chuan manager pawh kha rawn pawr thar ve leh in Zorini chu chiang em em hian a melh let a, a thinrim a so sang jn a hlauthawng hle tih pawh a hriat. 

" Engmaw? Eng thil maw tunah khan I rawn sawi a" ha Chang țhial bap bap a a rawn tih takah chuan Zorini pawh khan nuam alo ti ve ta Sawt. 

" Pu te u, pakhat in la hrang tawh a, he mihring pa pawh hian a zui ve ngei tur a ni ang. A chhan chu, kha zan, tualthahna thlen zanah khan chiang takin amah hi he roomah hian a awm ve tlat a tin ni. A awm tih ka Chiang khawp e"  tiin bathroom lamah a lut zui a, ngawi reng hian a che vel cuu an lo thlir thap ringawt. Tunah tak hi chuan Amy pw khan eng nge thil nge thleng a hrethiam bik chiah lo. A en ve reng ringawt. Tichuan, Zorini chu bathroom atanga rawn let leh in sana manto leh changkang tak hi a rawn khai chhuak pah dar dar bawk a, chu manager erawh chu alo meng phawk nasa tawh hle.. 

" He sana manto hi hman zanah khan I rawn bun lut a, mahse, i thil tawn khan a zir ta deuh nge nuam iti lutuk ta nge, i phelh lai i hre miah lo. Bual kuang hnuaiah khan I chhir lut ta daih sia, pawi ka tihpui khawp mai che" elhsen taka tih pah chuan a sana ken lai chu police kutah a hlan zuia. Chhuang tih hriat tak hian Amy khan alo melh ve ngar ngar tawh bawk. 

" Dawt a sawi a nih kha.. He nu hi tunge a nih pawh ka hrelo.. A dawt phuahchawp ah hian tawlh thlu lul suh u pu te u" hrawk phiar țawng țawng chuan lo ti ve mahse chu manager chu a him zo dawn in a lang ta tlat lo. A tir atang police pa khan Zorini hi a ring tawh zawk miau a, nilo se, he case hi a chuh lui peih kher awm lo asin. Khatia Zorini'n thu leh hla ava neih takah khan tunhma pawh a an lo in puih tawhna case te ngaihtuah kirin he nula hian dikna a Chang zawk ziah tih a hre ve kar tawh a, rang takin an pu te lam a be ta vat a nih kha. Tun tumah pawh hian he case ah hian chakna an Chan pui leh theih ngei a ring bawk a, a duh bawk. 

" Aw, engpawhnise, station ah min han zui ve phawt la, i dikna chanvo te pawh I sawi ve ang chu. Mahse, hetah nilo, court chhungah I sawi dawn nia" tiin a hnung chu an khirh sak zui mawlh mawlh a, thei leh theilo hian Zorini chu ala rawn melh tak țawk țawk a, chil thli per chuaih chuaih in anchhe tinreng a lawh zui bwk. Mahse, Zorini leh Amy erawh kha chu an ngawi kar reng thung. 

" Ka chau ngei mai" ti fan duai chungin sitting room sofa ah chuan Zorini chu a țhu thla nghal hnawk a. Amy khan a rawn thut chilh ve zat bawk. 

" I che țha khawp mai. Engtinnge kha sana kha a awmna iva hriat fuh chat theih zawk a. Chhunah pawh ka kal reng a, ka hmu miah silo"  Amy khan lo ti ve in, intithei zet hian Zorini chu a han khi vel suk phawt a. 

" Ka mumang a țha deuh pawh a ni maithei asin.. I hre ngawt ami" nui var var a a rawn tih chuan Amy pawhin thil awmzia chu alo hrethiam ta vat. Um, A mumang lamah Estheri khan a rawn kawhhmuh ve a ni ngei ang tih chu a ring thiam nghal. 

Khami chin chu police te thu rel chinchang hre zui lo in an Nitin awm phung pangngai ang khan an awm leh mawp mawp phawt a. Zorini pawhin a hriat ang ang a hrilh vek tawh avangin ziak a chhinchhiah thlap a ni tho a, Estheri chuan dikna Chang ngei se a ti kher mai. 

Ni khat erawh chu a dawr nghah laiin Amy vakveli kha a rawn lut ve hlawl mai a. Zorini takngial pawh a ti hrilhhai lek lek hman. 

" Vawiin chu court thu rel ka va ngaithla ve a, kan police pa pawh khan I ai a awh zo tawh khawp mai. Naktukah an court leh anga, chutah chuan thu chiang a hriat tawh ang" nuam tih hmel fahran a rawn tih chuan dawr chhungah chuan a nau chhawr te an rawn let ve tawh avangin Zorini thung chu a țawng chhuak țha ngam tawh lova, a bu deuh nghat nghat ringawt. Mahse, Amy hriat tawk tur leka zawi chuan 

" Lo VA haw rawh". A rawn ti hram a. Chu kher chu Amy khan alo la na ngang mai le. Hawi tau nghutin a hmui a ti sawi a, ngawi reng in a haw zui nghal ta vang vang. Thlarau ve si hi a rilru a te thei nia aw. 

Zorinpuiin in chhung a rawn luh lai pawn Amy chuan a lo be duh țhak lova, tv chungah kher lo thu fel diam in, a ke te chu a then pah hliau hliau reng a, ala zai khanglang zui. Mahse, Zorini chu a be duh Chuang hauh lo. Chutah, Zorini run lutuk lah chuan nasa zeta a lei chu va chhuah khum in in chungah a tlan chho a, chu chu tv hmaa thu mek a nu khan a lo hmuh hmaih hauh lo. A Fanu chu makti zeta thlir zuiin

" Tinge Bawihi khatia i lei mi rawn chhuah khum vak a" alo ti let he haw a, a Fanu khawsa zia chu mak a ti thei kher. Amy nuih lah chu a za ting mai bawk si. 

Chumi zan zankhua chuan inbe lo in an ni pahnih chu an inhmu lo der char char pek a, room chhunga Zorini a rawn luh tawh dek dek chuan rang tak hian parda phenah a tlan lut vat a, a awm chhung chu a rawn chhuak țha duh hauh lo bawk. Buaithlak tak a ni. Mahse, zing khua a rawn var rual erawh in amah kai tho hmasa ber tu ah a rawn țang leh ang lawi a, Zorini hrilh hi a ti hai thin teh asin. 

A dawr panna kalkawng a ngawi reng a alo Kal mawp mawp laiin thawk leh khatah Estheri kha a hma zawnah tak chuan rawn in lan thutin Zorini pawh chu a phu phar ve nasa hle a, mahse, a hmaa ding mek chu alo hmuh fo tawh thin a nih angin a hlau zui ta lem lo. Tin, hetih hunlai hi chhun lai dar 12 vel a ni tawh nghe Nghe bawk. Tichuan, A âwm dawm vang vanga thaw chhuak hak Chung chuan

" Esi, min ti hlau lutuk alawm. Eng nge thil awmzia?" hah hmel taka a han tih chuan Estheri pawh kha alo Inthlahrun ve hmel hle. 

" Ka tihpalh lutuk. Awm hmun ka sawn hian ka ti sual ve ziah a, a pawi Chuang lo. Tun bak chu khawvelah hian hmuh tur ka awm tawh dawn lova, eng lo, lawm thu hrilh tur che a lo Kal ka nia" a han tih chuan Zorini chu ala bo deuh hlek a. 

" Eng lawmthu nge ni" lo ti let vatin, 

Estheri bawk chuan 

" Court thutlukna pawh kha I la hre ve miah lo a nimaw. I thu hriat i hrilh zawng zawng kha court rorelna chuan awih in kei hi dikna min pe a, ka chunga khatiang thil titu te pahnih pawh kha dam chhung tang Turin an Chung thu an rel fel tawh alawm. An rawn hrilh ve tep tawh ang che " a han tih chuan lawm em em in Zorini pawh alo nui chhuak ve var var a, a thawveng Sawt Sawt bawk. 

" Ka lo hre ve miah lo. Nia, nizan lamah Amy'n suahsual rawng a bawl a.. Min ti mu hleithei lova, ka awm chhuih hian ka hria. Engpawhnise a lawmawm takzet... Tikhan khawilam nge i pan leh dawn" a rawn tih chuan Estheri chu za fahran lo hian alo nui deuh hak phawt a. Mahse, pangngai takin

" Ka kalna turah ka kal tawh ang chu. U Amy pwh chu lawmthu min lo hrilh sak la, ka va zawng hmu tawh kher lo Mai ang. Ih, Zorin, ka kalsan phawt ang che aw.. A tlai dawn tlat" ti leh zung zungin Zorini chhan letna pawh nghak tawh lo chuan a bo zui ta daih a. Zodini chu a hawi kual nasa kher. Mahse, hmuh zui tur awm tawh lo in a dikna chanvo nen lawm takin a kalbo ta a ni e. 

Hemi hnu hian station lam atang in call a dawng ve leh a, thu ngai tho kha an rawn hrilh ve bawk. A lawmawm em a vangin rilru tawngtaina a nei zui nghal a, Amy chu hrilh hlan a nghakhlel hle tawh bawk a ni. 

" Ilo hre vek tawh zawk a maw? Chuti chu engah nge min rawn hrilh ve vat loh a"  Zorinpuiin vin angreng taka a han tih chuan Amy chu bangkil lamah a țhu tawm tlat pek a, Zorini hmel en tur pawhin a rawn hawi chhuak duh hauh lo nia. 

" Ka hrilh peih lo che nimai alawm. I hriat tawh tho kha" bul zeta rawn ti veleh in Zorini tihngaihna chu alo thaw deuh hak mai. Eng nge maw he nu hi a tih tauh rei em em mai le. 

" Amy, tinge ila thinrim reng a mi a. Engtinmah ka tih loh che kha" zaidam pangngai taka a han tih chuan Amy chu a rawn meng chhuak deuh rulh phawt a. A tum lian țha bûr bûr hle bawk. 

" Niminah pawh thu lawmawm ka rawn hrilh ve che a, lawm a hnek in min chhang țha duh lova, ka hrilh peih tawh lo che nih kha" lo ti let leh hmukin, Zorini chu a nui chhuak ta hak hak mai

" Ava ho tak em... Ka chhan let reng che kha.. Ka nau te an awm ve a hrethiam ve Mai la" nui Har Har chunga a rawn tih chuan Amy pawh a lungawi țan a ni tawh maithei, rawn thawh chhuah țuih țuih pah hian zawi sap in

" Remchang hmasa berah i dawr chhungah swn ka la rawn hrang ang" a rawn tih chuan a hma aia uar mah khan Zorini chu alo nui leh ta uarh uarh a. Amy pawh kha a khi zui ve ta suk. 

×********************************