MALSAWMDAWNGA
MALSAWMDAWNGA ********************* Vanlalpeki Fanai " Mikhual Kan nei dawn a nia. Tlangval ngat lehnghal" nui hawr hawr Chung hian ka thian kawm ve ber Ramhluni chuan min han fiam pah zeuh zeuh a. A khât mawi tawkin ka lo kiai ve sak sak ringawt. " Tlangval hi ka râwp hmel ngawih ngawih bik in ka hria" ka tih ve leh chuan a hma ai mah khan alo nui nasa lehzual zawk a. " I mamawh ve tawk tawh bawk alawm le" rawn ti leh hram in, kei chuan a hma aia thutak deuh zawk hian " Taktak a, khawi lam mikhual tlangval nge ni dawn a. In chhungte nge" ka lo tih chuan ani pawh chu pangngai tak a lo awm ve tawh in, a nui hmel te chu a bo zui ta bawk. " Ka patea fapa MALSAWMDAWNGA a nia. Mamit lam product a ni e. Hetah hian private motor khalh tur a rawn hmu hlauh mai a, kan bulah a khawsa rih phawt ang chu. A fel asin, ilo hriat lawk a tan a hmeltha a, mamit ah phei chuan a to ve thin tehmai a nia" rawn ti zui duah in kei chu ka lo nu...